صوت تكتكه فى الزجاج

[ezzeldin1234]

اصدقائى الاعزاء

فى صوت تكتكه بسمعه لما بفتح ازاز الباب الى ورا يمين حته صغيره وبيختفى لما بفتحه للاخر او اقفله خالص قلت اشوف الازاز مثبت كويس ولا لاء لاقيته متثبت كويس مبيتلخلخش بس الصوت هيجننى كل ما افتح الازاز حته صغيره اسمعه يا ترى ده ايه؟

كمان ساعات مش دايما بسمع صوت تخبيط خفيف جاى من البابين اليمين الاتنين لما بعدى على مطبات خفيبفه او العيون اللى بتبقى فى الارض يا ترى الحاجات دى ايه ؟

[original]

ماتركزش معاها
أكيد الإزاز بيتهز وهوا مفتوح وممكن تكون المجرى بتاعته كاوتشها مبوش
أما بقية الأبواب فممكن الأجزاء الداخلية بتتأثر بالمطبات

[Kareem Fawzy]

اعتقد موضوع الازاز دة ان المجرى بتاعه مش مظبوط
بالنسبة للتخبيط تقريباً الكنبة اللى ورا مش مربوطة كويس
راجع عليها كدة
اقولك على حل حلو
انا كنت بعمله كنت بسوق حد عربيتى واقعد ورا لحد ما اقفش الصوت دة جاى منين جرب كدة :))

[mahmoud_afifi]

اصدقائى الاعزاء

فى صوت تكتكه بسمعه لما بفتح ازاز الباب الى ورا يمين حته صغيره وبيختفى لما بفتحه للاخر او اقفله خالص قلت اشوف الازاز مثبت كويس ولا لاء لاقيته متثبت كويس مبيتلخلخش بس الصوت هيجننى كل ما افتح الازاز حته صغيره اسمعه يا ترى ده ايه؟

كمان ساعات مش دايما بسمع صوت تخبيط خفيف جاى من البابين اليمين الاتنين لما بعدى على مطبات خفيبفه او العيون اللى بتبقى فى الارض يا ترى الحاجات دى ايه ؟

بص يا باشا, اي صوت تسمعه في الازاز ممكن يبقى من مكنة الازاز. والمجرى بتاع الازاز يعتبر جزء من ماكنة الازاز. لو فيها اي مشكلة غيرها تبع الضمان لأنها غاليه.

[Amro_ON]

انا بسمعه برضو بس بيبأ اول مشغل العربيه ولفتره قصيره بعد كده بيروح ومشدايما بيحصل ... بصراحه تنشطه ... بس فعلا زي ما الزملاء قالوا ان شاء الله هكشف على الموضوع ده في التوكيل

[elsheikh2010]

كأنك بتحكي على عربيتي بالضبط فياريت لما تحل المشكلة يبقى قولي عملت ايه ...

[original]

حضرتك لو عايز تمشى ورا موضوع الصوت اللى جوا الباب يبأ تفك الباب وتمشى مع الأجزاء الداخلية واحدة واحدة وتعزل وتربط وتخشن وتدعم أى حاجة تلاقيها سايبة من أسلاك ووصلات ومكن وسنتر وربنا معاك..

[shooda2020]

بص يا باشا الفيرنا تقفيل مصري يعني فظييع يعني هاتلاقي مزيكه حصبالله معاك
انا معايا فيرنا 2009 و ابتديت برضه اسمع صوت في الازاز الجنبي بتاع السواق بس لما اكون فاتح نص الازاز بحس ان فعلا زاي ما العضو قال مكنه الازاز حاجه كدا شبه الشخاليل بس كبرت دماغي بجد لان بعديها ابتديت اسمع الناحيه التانيه زاي فيبر بيخبط في بعضه و من ورا بحس من عند الازاز الوراني فاحسن حل ليك كبر دماغك لان مش هاتخلص من الاصوات ولا كمان عندي تزييق في الباب القدماني في الرفرف القدماني
بجد انا ندمت ندم عمري اني اشتريت عربيه تقفيل مصري لانه بجد تقفيل حقير و فقير جداااااااااااااااااااا
اه يا بلد عايزه ولد وانا مش فاضي

[rawhany]

اصدقائى الاعزاء

فى صوت تكتكه بسمعه لما بفتح ازاز الباب الى ورا يمين حته صغيره وبيختفى لما بفتحه للاخر او اقفله خالص قلت اشوف الازاز مثبت كويس ولا لاء لاقيته متثبت كويس مبيتلخلخش بس الصوت هيجننى كل ما افتح الازاز حته صغيره اسمعه يا ترى ده ايه؟

كمان ساعات مش دايما بسمع صوت تخبيط خفيف جاى من البابين اليمين الاتنين لما بعدى على مطبات خفيبفه او العيون اللى بتبقى فى الارض يا ترى الحاجات دى ايه ؟

والله يا اخويا الموضوع ده هيجنني في الفيرنا مش عارف اعمل ايه ياريت حد يفيدنا
والله بفكر اروح لبتاع ابواب واخليه يفك الفرش كلو ويربط وكدة بس اصلا انا مش عارف هو طالع منين
هتجنن

[mazeen]

كان عندى نفس الصوت فى النيو اكسنت بص يا سيدى هاتفك فرش الباب وهتلاقى الزجاج من تحت مثبت على شفه من النص بمسمارين صليبه ها تهوى المسمارين وبعدين تزنق الزجاج على الاخر فى المجره بتاعته وبعدين تربط المسمارين جامد جداً جداً لان هما دول اللى بيعملوا الصوت ده وبالمره تزيت المجره اللى ورا المسمارين بص هاتحتاج مفك صليبه كبير وبراس كبيره مش هاينفع اى مفك لان لو جربت مفك صليبه من النوع العادى هاتحس ان المسامير مربوطه على الاخر وبالمره تزيت المجره اللى بتمشى عليها الشفه اللى شايلا الزجاج

[mazeen]

بالنسبه لصوت التخبيط الخفيف اللى عند rawhany جرب تحت حته شريط لحام على السكاكه اللى فى القايم اللى الكالون بيقفل عليها

[sabregas2010]

كان عندى نفس الصوت فى النيو اكسنت بص يا سيدى هاتفك فرش الباب وهتلاقى الزجاج من تحت مثبت على شفه من النص بمسمارين صليبه ها تهوى المسمارين وبعدين تزنق الزجاج على الاخر فى المجره بتاعته وبعدين تربط المسمارين جامد جداً جداً لان هما دول اللى بيعملوا الصوت ده وبالمره تزيت المجره اللى ورا المسمارين بص هاتحتاج مفك صليبه كبير وبراس كبيره مش هاينفع اى مفك لان لو جربت مفك صليبه من النوع العادى هاتحس ان المسامير مربوطه على الاخر وبالمره تزيت المجره اللى بتمشى عليها الشفه اللى شايلا الزجاج

[mmbader]

نفس الصوت وذهبت للتوكيل

العيب ده موجود فى الالنترا لانى كنت قرات عنه فى احد المنتديات الاخرى وذهبت بالسيارة الى التوكيل لان عربيتى والحمد لله لسه عاملة 25000 كم والتوكيل الى فى قليوب ارسلنى لقسم الهياكل قبل التوكيل بحوالى 3كم على الطريق الزراعى ودخلت واستلموا السيارة وجلست حوالى ساعتان ونصف ولما سالت افادونى ان حظى ان انا حضرت فى بداية فترة الغذاء مذش ده المهم
المهم انه بعد الكشف وسماع الصوت افادونى انه سيتم تغيير الماكينة بالكامل على الضمان ولكن للاسف مش موجودة وهبعتوا ابوا رواش يجبوها خلال 3 ايام واتابع معاهم فنصيحة لا تلمس الزجاج واذهب للتوكيل لو انت لسه فى الضمان ومتابع عمل الصيانات السابقة
واسف للاطالة