النترا 2011 فى غبور جديده

[Medicalist]

السلام عليكم
حد يا جماعه يعرف هل فيه النترا 2011 لسه عند غبور جديده ولا لا ؟.

[Kareem Fawzy]

اللى اعرفه انها لسة موجودة فى المعارض بس مش كلها
وتمنها تقريباً والله اعلم 98 الف جنيه
بالتوفيق

[original]

اللى اعرفه انها لسة موجودة فى المعارض بس مش كلها
وتمنها تقريباً والله اعلم 98 الف جنيه
بالتوفيق

فعلا واحد صاحبى كان لسه شاريها بالسعر ده

[Medicalist]

98 اوتوماتيك ولا ايه الكماليات ولو عايز اتاكد اعمل ايه ؟

[adel1212]

يا تري حد يعرف ايه مواصفاتها
تحياتي

[shaddadfalcon1]

ياريت المواصفات لان لو السعر كده يبقي الواحد يجيبها احسن من الأوبترا اللي شكلها قديم ومش هيتغير واحسن من الار بي كمان

[Medicalist]

لا اخفيكم سرا يا جماعه
انا معايا النترا 2010 خليجى نبيتى كامله وعايز ابيعها واجيب ولو 2011 اووتو فاضيه بس تبقى جديده
هى الحمد لله ال 2010 مفيش فيها اى مشاكل
يعنى انا ماشاء الله واصل ل 60.000 وما غيرتش لا تيل فرامل يادوب الصيانات و الفلاتر و البوجيهات مش اكتر
وعايز اضمن الموديل ده و اركبها جديده تانى عشان ممكن الاقيها دلوقتى لكن بعد سنه مش هلاقيها
عربيه تتاقل بالدهب ماشاء الله وكل الاختيارات الحاليه مش مناسبه و الاسعار بقت اعلى

[sabregas2010]

طيب يا ريت يا شباب لو حد يعرف هى موجودة فى معارض ايه يقولنا عليها

[Kareem Fawzy]

مواصفاتها اتوماتيك
تكييف بكر كاسيت هيونداى العادى
سبويلر وعتب جانبى وكساحات اكصدام امامية وخلفية
شبكة سبور
بس كدة غبو زود الحاجات دى علشان يبيع اللى عنده

[el_nahal2004]

طيب يا ريت يا شباب لو حد يعرف هى موجودة فى معارض ايه يقولنا عليها

موجودة بمعرض سمير ريان

[mohamed5800]

موجودة عند القرش فى الميرغنى

[abouelmaggd]

لسه سائل اول امبارح و للأسف مش موجودة عند حد من اللى رحتلهم ، فى الاول كلمت غبور و ملقتش عنده و كان اخرها بعد شهر رمضان اللى فات ، و انا فى مصر الجديدة لقيت واحدة سوداء لسه بأكياسها و عليها بادج الاحمدى موتورز ، رحتله فى ساعتها على فرع ذاكر حسين و ملقتهاش و قاللى ممكن يتصرف فى واحدة لونها ابيض ب 111 الف !!!!! و تانى يوم الصبح لقيت واحدة برضه لسه جديدة عند نفق الهرم و عليها بادج وادى الملوك و لونها اسود برضه ، كلمته ملقتش عنده و خد رقم تليفونى و متكلمش من اول امبارح ، و بعدين كنت فى سمير ريان بالليل ملقتهاش و لا مصرى و لا خليجى و اتفرجت على اكسنت ار بى ، ياريت لو حد متأكد انها موجودة عند معرض و لو حتى مانيوال يبلغنا ، سبحان الله لما رخصت فى شهر رمضان مكنش معايا فلوسها وقتها و النهاردة عايز اشتريها و مش لقيها بس غالبا هدوس فى الاكسنت ار بى ، و اغلب المستعمل منها هى و اللانسر حالتهم كرب و منتهى البهدلة .

[abouelmaggd]

كلمت القرش دلوقتى و مش موجودة

[Medicalist]

انا امبارح برضه لفيت فى المنصوره ومش موجوده خاااااااااااااااااالص
بس الانترا الجديده دى حته عربيه مغريه جداا بس غاليه 126 الف و فاضيه حرااااااااااام
معلش انا لو زودت شويه وركبت مازدا 3 احسن بكتير بس بصراحه ميزه الانترا انها عربيه مش بتخسر يعنى فى اعاده البيع

[Medicalist]

لسه سائل اول امبارح و للأسف مش موجودة عند حد من اللى رحتلهم ، فى الاول كلمت غبور و ملقتش عنده و كان اخرها بعد شهر رمضان اللى فات ، و انا فى مصر الجديدة لقيت واحدة سوداء لسه بأكياسها و عليها بادج الاحمدى موتورز ، رحتله فى ساعتها على فرع ذاكر حسين و ملقتهاش و قاللى ممكن يتصرف فى واحدة لونها ابيض ب 111 الف !!!!! و تانى يوم الصبح لقيت واحدة برضه لسه جديدة عند نفق الهرم و عليها بادج وادى الملوك و لونها اسود برضه ، كلمته ملقتش عنده و خد رقم تليفونى و متكلمش من اول امبارح ، و بعدين كنت فى سمير ريان بالليل ملقتهاش و لا مصرى و لا خليجى و اتفرجت على اكسنت ار بى ، ياريت لو حد متأكد انها موجودة عند معرض و لو حتى مانيوال يبلغنا ، سبحان الله لما رخصت فى شهر رمضان مكنش معايا فلوسها وقتها و النهاردة عايز اشتريها و مش لقيها بس غالبا هدوس فى الاكسنت ار بى ، و اغلب المستعمل منها هى و اللانسر حالتهم كرب و منتهى البهدلة .

عندك حق بس فيه النترات بحالة الزيرو ونضيفه جداا جداا بس غاليه انا فيه عربيتن نبيتى خليجى فى معرض 2010 فتحه سقف وجنوط واحده راشه اكصدامات نضافه دلع بس رايقه اوى و صاحبها محافظ عليها جداا و التانيه فابريكه بس الدهان و العربيه من جوه معفنه
الاولانيه عامله 109 والتانيه 112 غاليين اوى بس الكلام انه اسعارهم كانت 126 الف يعنى خساره كبيره بالنسبه لهم