لو سمحتم يا جماعة محتاج رد بسرعة...

[Raul_7]

السلام عليكم,

رجالة هيونداي أنا واحد صحبي من السويس معاه اكسنت 2002 ازاز السواق بتاعه اتكسر النهارده.

يا ريت الناس تقولنا حل بديل يعني يجيب ازاز تاني منين و يركبو فين و كده, في القاهرة طبعاً....و يا ريت السعر يبقي في الحنين.

شكراً.

[Kareem Fawzy]

الحرفيين ماليانه بتوع ازاز وهتلاقيه بسهولة ومش هيعدى ال120 جنيه
فداه مليون ازاز
والحمدلله انها جت على قد الازاز

[Raul_7]

تسلم يا كريم علي ردك...طب معلش لو جابو من محل عادي هيبقي بكام و يا تري فيه محلات بتركب علي طول؟

[Speed_1747]

حبيبى انا من السويس

ما تنزل المنطقه الصناعيه بدل ما تسافر احسنلك و تطلع على طريق بالازاز مكسور كده ... و فى المنطقه الصناعيه هتلاقى ميت واحد يعملهولك

[Raul_7]

حبيبى انا من السويس

ما تنزل المنطقه الصناعيه بدل ما تسافر احسنلك و تطلع على طريق بالازاز مكسور كده ... و فى المنطقه الصناعيه هتلاقى ميت واحد يعملهولك

ماهو الفكرة حضرتك إن صاحبي ده كان في مصر وكان عايز يصلحوا قبل مايطلع تاني عالسويس مش العكس.

عامةً هو ركب إزاز بالفعل من محل في شارع شهاب بـ 170 جنيه.

شكرا ليكم.

[Kareem Fawzy]

ماهو الفكرة حضرتك إن صاحبي ده كان في مصر وكان عايز يصلحوا قبل مايطلع تاني عالسويس مش العكس.

عامةً هو ركب إزاز بالفعل من محل في شارع شهاب بـ 170 جنيه.

شكرا ليكم.

الحمدلله انه ركبه بس بصراحة 170 جنيه على ازاز جانبى كتير قوى
خصوصاً ان العربية 2002
انا عربيتى 2007 النترا وغيرت الازاز الخلفى شمال
ب80 جنيه من شبرا
بس الحمدلله ان المشكلة اتحلت والغريب اعمى ولو كان بصير
تحياتى

[original]

170!!
أنا مغير بتاع النيو أكسنت 2010 ب 120 بس فيه ناس كانت قالتلى 150 ورحت لمخزن در جريش وقالولى مابيبيعوش للجمهور وبيبيعوا للمحلات فقط وكان نفسى أعرف سعره الأصلى كام عندهم بس جبته من بره ب 120 وأنا اللى ركبته عشان أنضف الباب من جوه براحتى من كسر الإزاز..