يا جماعة حد معاه الانترا الجديده 2008 يفيدنى ؟

[alivara]

انا عايز اعرف عيوب و مميزات الانترا

[أبو عبدالرحمن]

فعلا ،،،يا ريت حد يجمع المميزات والعيوب اللي تم ذكرها للعربية بغض النظر عن التوكيل ويحطها في الموضوع لو ممكن

[Salah_sr]

يا جماعا هناك رد كتير جدا علي الألنترا 2007,2008 و تقريبا لا يوجد أحد بيشتكي و الكل بيشكر و لكن لاداعي للتكرار لو رجعت بتاريخ سابق حتجد الكثير عن الألنترا ولكن لو في سؤال محدد أناتحت أمركم

[أبو عبدالرحمن]

السؤال بشكل محدد؟؟؟؟؟
ما هي عيوب الالنترا؟ واللي حضرتك بتقوله صحيح يعني كل الناس بتشكر في العربية ،،لكن أرجع وأقول مافيش عربية من غير عيوب ، أنا طبعا مش بتكلم عن التوكيل ،انا باتكلم عن العربية نفسها ويا ريت ملاكها نفسهم يفيدونا وبشكل واضح ،،بغض النظر عن الكلام اللي من عينة إن العربية أبعادها مش واضحة والكلام ده ،،أنا عايز أعرف ايه اللي ملاك العربية لاحظوه أو حد سمعه عن العربية من عيوب؟
جزاكم الله خيرا

[SEATLOVER]

،انا باتكلم عن العربية نفسها ويا ريت ملاكها نفسهم يفيدونا وبشكل واضح ،،بغض النظر عن الكلام اللي من عينة إن العربية أبعادها مش واضحة والكلام ده ،،أنا عايز أعرف ايه اللي ملاك العربية لاحظوه أو حد سمعه عن العربية من عيوب؟
جزاكم الله خيرا

يا سيدى الفاضل مفيش اى عربية ب 100.000 ج بيكون فيها عيوب واضحة
كدة يبقى الناس دى بتهرج
وتسمع ملاحظات كل الناس اللى ركبوها و ركبوا عشرات العربيات ..افضل مليون مرة من انك تسمع اراء مُلاكها فيها و اللى غالباً بيكونوا طلعوا من عربية اقل منها فى الفئة .

وشكراً

[Salah_sr]

سيدي الفاضل أنا كنت راكب لانسر شريها علي الزيرو موديل 2002 ولكن غرقت في أعصار مسقط العام الماضي و ثم أشتريت الألنترا و الحمدلله الألنترا أحسن بكثير من اللانسر بالنسبة لي و كان أختيار موفق أما علي العيوب فحتي الآن لم يظهر أي عيب و لكن لو أنت عندك سؤال معين ممكن أجاوب عليك بكل حيادية فلست من المتعصبين لنوع معين فأنا كان عندي مازدا 626 موديل 1991 و كانت ممتازة و ركبت بعدها اللانسر ولم تعجبني أبدا وكنت مش مرتاح لها بالذات بعد المازدا و كان عندي في مصر عربية إكسيل 1996 و كانت أيضا سيئة و مع ذلك أشتريت الألنترا في مصر و مسقط و الحمدلله مرتاح فيها جدا

[أبو عبدالرحمن]

يا سيدى الفاضل مفيش اى عربية ب 100.000 ج بيكون فيها عيوب واضحة
كدة يبقى الناس دى بتهرج
وتسمع ملاحظات كل الناس اللى ركبوها و ركبوا عشرات العربيات ..افضل مليون مرة من انك تسمع اراء مُلاكها فيها و اللى غالباً بيكونوا طلعوا من عربية اقل منها فى الفئة .

وشكراً

ايه ده هو حضرتك مش عارف إن الناس بتهرج،؟؟؟؟،،،يعني بداية من الرينو ميجان اللي كان فيه مشكلة في السوفت وير والجير بوكس ،،لحد الكورولا الجنوب أفريقي اللي ملاكها بيجمعوا نفسهم عشان يشتكوا للوكيل ويبعتوا لتويوتا اليابان ،،لحد السيفيك اللي هي في نظري أحسن عربية في فئتها السعرية اللي الناس بتشتكي من إنها واطية على الأرض والطلاء بتاعها ضعيف ،،وكل دي عربيات فوق الميت ألف بكتير ،،،يعني تمن العربية مش هو المقياس الوحيد لعدم وجود عيوب في العربية ،،وأنا متفق معاك طبعا إن ده تهريج
ثانيا مالك السيارة في رأيي هو أقدر شخص على تقيييمها لأنه بيركبها كل يوم ،،وعارف هي ايه وايه مشاكلها واستهلاكها غير اللي ركبها مرة يجربها(ده رأيي) وأنا مكنتش باتكلم عن مقارنة عشان أسأل حد ركب عربيات كتير إنما بسأل عن عيوب السيارة حتى الآن ،،
عموما واضح إن العربية كويسة فعلا بدليل إن مافيش شكاوي منها،،،ويا ريت لو حد عنده رأي في العربية يضيفه،،،جزاكم الله خيرا

[kuwaity]

العالم كلها بيشكروا بهذي العربيه ....


وانشاءالله خلال يومين هاخذ النترا 2008 .. دعائكم ليا

:)

[NineY]

Mabrook mokadaman kuwaity insha2allah ha7asalak after 1 week

[mogabr]

انا لسة جايب الالنترا........

فعلا حاجة تفرح

[hano_elmorsy]

بكل امانه http://www.nilemotors.net/Nile/showthread.php?t=29494

[mohamedzezo64]

اخطر عيب فيها انها واطية جدا جدا على الارض وهى مزعلانى جدا فى المطبات وغير ذلك فهى ممتازة

[mohamed ibiza]

عربية كويسة مش وحشة بس لو هتعمل شغل يبقي اخرها 5 سنين و تقلبها

[Scent7104]

اخطر عيب فيها انها واطية جدا جدا على الارض وهى مزعلانى جدا فى المطبات وغير ذلك فهى ممتازة

اول مرة اسمع الموضوع ده... طيب حضرتك سألت حد تاني عنده النترا هل حاسس برده انها واطيه اوي كده ... ممكن حضرتك تتأكد أحسن يكون فيه حاجة في العربية عند حضرتك.

[aswelam]

العربيه معايا من شهرين فقط و مشيت بيها 6000كم بس انا فى الأمارات و بصراحه اشتريت النترا 2000 مش ال1600 و للأمانه حتى الان السيارة ما شاء الله زى الفل و عشان انا شغلى مسافته بعيدة و بدون رادار ..زما شاء الله العربيه 200 كم فى الساعه عادى جدا و على 4500rpm ودة طبعا مش اخر الدواسه لكن بصراحه انا خواف شويه و بالنسبه للأداء عامة فانا أجدها مقبوله جدا هى اتوماتيك طبعا بس الكاسيت اللى فيها عادى و التوكيا قال لى هم بيستوردوها كدة..