حاجة حصلتلى وانا سايق مضحكة جداً هههه الستات بقا قلبهم جامد قوى

[Kareem Fawzy]

امبارح وانا مروح من الجامعة
كنت عايز اروح بسرعة فكنت واخد الطريق كله غرز
ففى غرزة اخدتها بسرعة يادوبك عديت العربية
وبعد ما اخدتها الاقى عربية اوبترا جايا من ورايا وترمى عليا رمية كأن حد يقصد
ابص الاقى اللى سايق بنت استغربت
لاقيت الشباك اتفتح وطلعتلى ايديها وبتشاورلى بصباعها وتقولى بالاشارات دى الاولى وبتعملى بأيديها تعالى بقا
انا قعدت اضحك طبعاً سخنت وراها وعرفتها يعنى اية السواقة وبعد ما فرقت عنها جامد فتحت الشباك بتاعى وطلعت ايدي وشاورتلها بأيديا ان دى الاولى والتانية والتالتة والرابعة والخامسة وعملتلها باى باى ههههههههههه
كان الطريق خلص وانا هسيب الدايرى وانزل النازلة بتاعت المعادى وهى مكملة تقريباً ناحية الجيزة
بس اتسغربت ان البنات بقا قلبهم جامد كدة
كنا زمان عارفين كلنا ان الستات مبيعرفوش يسوقوا اصلاً
دلوقتى مش بس بياخدوا غرز لا كمان بيشدوا مع باقى العربيات
عايز اسمع تعليقاتكم

[osama.m]

والله ربنا يستر .. دا بقى في بنات قلبهم اجمد مننا .. بيعملوا حاجات غريبة

[BassamHafez]

هههههههههههه

حلوة دي

بس شكلها بنت دماغ

بس كويس انها ما علمتش عليك هههههههه

[lad]

دى مش بنات قلبها جامد ديه بنات لا مؤخذه

---------------------------------
يرجي مراعاه اسلوب و اداب الحوار

2.14ص
27/2/2012

م.ع. 12

[yoko]

عادي من فتره كنت بشد مع بنت معاها بيجو
والي بيقول بنات لا مؤخذه معلش إنت تعرفهم منين عشان تقول كده يعني الي كنت بجري معاها دي محجبة ومحترمة جدا
ومش عشان واحده طلعت إيدها يبقى كل البنات الي بتجري .....

[lad]

وانت عرفت منين انها محترمة عشان محجبة يعنى بنت بتشد مع ولد تبقى لا مؤخذه ده رأى وانا حر فيه وكل واحد ياريت يقول رأيه و ملوش دعوه برأى حد تانى ده رأى وانا مصمم عليه

[osama.m]

وانت عرفت منين انها محترمة عشان محجبة يعنى بنت بتشد مع ولد تبقى لا مؤخذه ده رأى وانا حر فيه وكل واحد ياريت يقول رأيه و ملوش دعوه برأى حد تانى ده رأى وانا مصمم عليه

خانك التعبير في الحته دي

[yoko]

وانت عرفت منين انها محترمة عشان محجبة يعنى بنت بتشد مع ولد تبقى لا مؤخذه ده رأى وانا حر فيه وكل واحد ياريت يقول رأيه و ملوش دعوه برأى حد تانى ده رأى وانا مصمم عليه

no comment يا ريت تشوف إنت بترد إزاي
ولو على كلامك "كل واحد ياريت يقول رأيه و ملوش دعوه برأى حد تانى " يبقى مكنش المفروض تقول "وانت عرفت منين انها محترمة عشان محجبة يعنى"
سلام

[الغزالى]

عندنا واحده برضو بلانسر .. طول النهار شغاله لف فى الشارع .. وشد وجرى على الكورنيش ..

[harmadan]

باشمهندس كريم
ماتستغربش من اللى حصل بسم الله ماشاء الله فى بنات قلبها اجمد بكتير من شباب زى مافى بنات برضه بتجيب كرسى السواقه فىاول مكان والدركسيون يبقى لازق فيها وماسكاه بايديها الاثنين!!!!!!!!
بس اللى انا مستغرب له ان اى رأى او اى نقاش دلوقتى لايحتمل الرأى والرأى الاخر واى مناقشه (مهما كانت طريفه ولذيذه) ممكن تتحول لجدال وسوء تفاهم!!!!!!!! من حق كل انسان يقول رأيه مادام لايجرح لاخرين ومادام على قناعه تامه به وما علينا الا احترامه واعتقد هذا ما اصبحنا نفتقده.
انا مش مع حد ضد حد تانى انا نفسى نقول راينا اللى مقتنعين به من غير تجريح ومن غير ماننجرح.
سيبك انت افتقدناك اليوم انا والباشمهندس سمير.
رجاء خاص توخى الحرص وانت سايق فى الشارع المصرى وربنا يكفيك ويكفينا شر اخطاء الغير.

[lad]

شكرا

[yoko]

العفوا

[dr_hady4447]

وبعد اللى قلته دا عايز تعليق

ربنا يهدى

حتى فى السواقة مش سايبنا

نروحلهم فين طيب؟

[HASSAN SERRY]

وانت عرفت منين انها محترمة عشان محجبة يعنى بنت بتشد مع ولد تبقى لا مؤخذه ده رأى وانا حر فيه وكل واحد ياريت يقول رأيه و ملوش دعوه برأى حد تانى ده رأى وانا مصمم عليه

مع احترامى ليك الشد ده مزاج , ملوش دعوه بالاخلاق او اى حاجة

[MNabeih]

زي ما في شباب بتحب تجري و حريفة سواقه في بنات بردو
بس هو مش المفروض نحكم علي اي بنت محترمه او مش محترمه من قصة اتقالت
الراجل بيحكي تجربته و غرضه ان بقي في بنات بتشد كتير و حريفة سواقة
و خلاص مش كل حاجة تبقي بنت مش محترمة و دة قصف محصنات حتي لو هي كدة ما حدش بردو يعرف......