سؤال بسيط لملاك النيو اكسنت

[shadyshod90]

بعد سرعه ال120 احلاظ ان الدريكسيون بيرعش ويهتز بالرغم اقل من 120 مافيش اي حاجه خالص يعني عال100 مافيش حاجه ياترا ده طبيعي ولا في حاجه شكرا واسف عالاطاله عربيني نيو اكسنت 2010

[morg]

بص يا باشا ده ترصيص كوتش و الله و اعلم :) غربله علي السرعه ده ترصيص :)

[shadyshod90]

thanks alot

[shawkylotfy]

رصص الكاوتش

[Kareem Fawzy]

فعلاً لما تحس برعشة فى الدركسيون بعد سرعة ال100 دة بيبقى ترصيص
حضرتك بترصص العجل عند اى حد بتاع ظبط زوايا فى حدود من 7.5 جنيه الى 10 جنيه للعجلة
يعنى تقريباً من 30 الى 40 جنيه للاربع عجلات وبتطلع تجرب مع الراجل العربية لحد ما تتأكد ان العربية تمام
ياريت تطمنا عملت اية بعد ما خلصت تصليحها ان شاء الله على خير

[shadyshod90]

اشكرك جدا عالرد والاهتمام
ممكن حضرتك لو تعرف حد كويس في مدينه نصر ارصص عنده
ال 4 عجلات بيتعملوا مع بعض ولا حسب الحاجه
واشكرك

[Ayman-Ahmed]

حسب الحاجة.وروح لفرع Fit & Fix بريدجستون-بنزينة كالتكس وهما هيعملوا اللازم.

[me_medoo]

أحب أيضاً أضيف شيء على زملائي الافاضل ... وزي ما تفضلو موضوع ترصيص الكويتش + أحيانا اذا مركب فردة وفردة أمامي وكل وحده نقشة مختلفة بتبان حكاية الهزة دي لأن نقشة الكوتش ده نوع من تفريغ الهواء ... فلازم يكون الفردتين الاماميات نفس النوع ونفس النقشة .

أمام أذا بانت الهزة دي وانتا بتفرمل على سرعة 120 دي تبقى مشكلة طنابير وتحياتي ...

[Samir Elshahawy]

حسب الحاجة.وروح لفرع Fit & Fix بريدجستون-بنزينة كالتكس وهما هيعملوا اللازم.

و لو معاك أستيكر المنتدي بيعمل لك خصم
كمان ياريت تراجع اللينك ده هايفيدك :

http://www.nilemotors.net/Nile/115394-a-3.html

[el_nahal2004]

هو كاوتش وجنوط الى نازل فيها ولا حضرتك مغير الجنوط؟

[shadyshod90]

اشكركم جميعا علي الرد والاهتمام
انا الكاوتش عندي بتاع التوكيل ماتغيرش
انا عندي صيانه 30 الف ممكن في صيانه اروح اقولهم عالمشكله ده وهما يحلوها ام ده حاجه اعملها انا بنفسي وخلاص

[Ayman-Ahmed]

مش مستاهلة تكلفة زيادة فى التوكيل.اعملها عند بريدجستون وكله هيبقى تمام بامر الله.

[Samir Elshahawy]

اشكركم جميعا علي الرد والاهتمام
انا الكاوتش عندي بتاع التوكيل ماتغيرش
انا عندي صيانه 30 الف ممكن في صيانه اروح اقولهم عالمشكله ده وهما يحلوها ام ده حاجه اعملها انا بنفسي وخلاص

شوف ...
هو المفروض كده كده في الصيانة الدورية تعمل تبديل للأطارات كل 10000 كم و كشف عليها و علي الطنابير و التيل و لو أنت عندك مشكلة بعملوا ترصيص
لو سعر العملية دي داخل أصلا في تكلفة الصيانة و مش هاتفرق كتير أعملها في التوكيل

لكن لو لاقيت الفرق كبير في السعر عن بره يبقي أعملها في بريدجستون أحسن
و كمان أطلب منهم يقيموا لك حالة الكاوتش

[shadyshod90]

اشكركم جميعا علي الرد والاهتمام
وربنا يجازيكم كله خير عالمعلومات ويجعلها يارب في ميزان حسانتكم

[sheka]

مش مستاهلة تكلفة زيادة فى التوكيل.اعملها عند بريدجستون وكله هيبقى تمام بامر الله.