العربية بتقطع

[Eldaw]

السلام عليكم ورحمة الله..
انا معايا اكسينت 1300..
انا عندي مشكلة ان العربية بتقطع لما بكبس بنزين ..
بمعني لو انا ماشي 40 وجبت الثالث وكبست بنزين (عادي مش لاخر الدواسة) العربية بتجمع بس بتقطع بسيط...انما لو مكبستش و زودت بنزين خفيف اوي مش بتقطع بس طبعا بتجمع كده بعد فترة,,ده بالاضافة لان العربية ابتدت تاكل بنزين شوية,,وحاسس انها مخنوقة شوية ...
رحت للميكانيكي و زود والعربية واقفة مالقاش اي تقطيع وقالي ان العربية زي الفل والموتور صوته كويس ومش فيه اي حاجة...

انا بقول ان الكاربراتير عايز يتنضف لانه وسخ او فيه حاجة مسدودة..
يا ريت راي الخبراء او اي حد عدت عليه المشكلة دي قبل كدة

[ahmedeihab]

نضف كربيراتير و غير بوجيهات و الممشكله هتنتهى تماما
^_^

[zamalekwebas]

مش ممكن كأني انا اللي كاتب التوبك

طبق الأصل اللي حصل النهاردة معايا ولسة جاي من عند الميكانيكي قاللي بوجيهات وتنضيف كاربراتير

[ahmedeihab]

مش ممكن كأني انا اللي كاتب التوبك

طبق الأصل اللي حصل النهاردة معايا ولسة جاي من عند الميكانيكي قاللي بوجيهات وتنضيف كاربراتير

:b4_388:

[Kareem Fawzy]

بوجيهاتك بقالها قد اية
بقالك قد اية منضفتش الكربراتير
نضف الكربراتير وغير بوجيهات بنوع نضيف والمشكلة هتنتهى تماماً ان شاء الله

[moh19227]

بوجيهاتك بقالها قد اية
بقالك قد اية منضفتش الكربراتير
نضف الكربراتير وغير بوجيهات بنوع نضيف والمشكلة هتنتهى تماماً ان شاء الله

+11111111111111
وممكن كمان تشيك علي فلتر البنزين وفلتر الهوا

[original]

نفس المشكلة دى ظهرت مع واحد صاحبى عربية ماتركس بعد ما غيرنا بوجيهات وكابلات بوجيهات عشان كان فيه كابل فيه قطع!! بس أنا شاكك فى 3 حاجت وبترتيب أولوياتهم:

1. فلتر البنزين
2. الكابلات
3. البوجيهات

[ZOoOoMA]

بوجيهات اغلب الظن

[zamalekwebas]

صباع افانس الاسبراتير اتكسر وهو اللي كان مسبب كل المشاكل دي

الحمد لله غيرته

[Kareem Fawzy]

صباع افانس الاسبراتير اتكسر وهو اللي كان مسبب كل المشاكل دي

الحمد لله غيرته

مبروك حل المشكلة وبنشكر حضرتك جداً انك رجعت تانى وقولتلنا حليت مشكلتك ازاى
علشان لو حد وقع فى نفس مشكلتك ما يدوخش زى ما حضرتك دوخت ورا المشكلة
جزاك الله خيراً

[Eldaw]

فلتر البنزين بغيره باستمرار...والبوجيهات مغيرها من 4 شهور
انا هجرب انظف الكاربراتير ان شاء الله..
وهقولكم علي النتيجة..
والف الف شكر لكل الناس اللي افدتني برايها

[Eldaw]

انا رحت للميكانيكي ونظفنا الكاربراتير ,,والميكانيكي قالي جرب العربية في مشوار طويل وقولي
لو التقطيعة راحت يبقي خلاص كده,,لو لسة يبقي سلك اسبراتير
جربت النهاردة ولسه التقطيعة موجودة فا هجيب سلك اسبراتير وانا مروح واعدي عليه عشان يغيره
ايه رايكم(مع العلم ان الميكانيكي ده شاطر جدا)

[abouelmaggd]

المشكلة دى كانت عندى فى الصيف ، و بعد ما كشفنا و نظفنا الكربراتير مفيش فايدة و طلع سلك بوجيه بيقطع ، و جبت طقم سلوك كورى اعتقد كان ب 45 جنيه و الدنيا اتظبطت.