استشاره من الخبراء فى الهيونداى الاوتوماتيك

[atyam]

السلام عليكم ورحمة الله وبركاته

عندى سؤال فى مشكله معايا فى الاكسنت ار بى الاوتوماتيك

اولا انا اول مره اسوق اتوماتيك بعد سواقه مانوال اكتر من 10 سنين

اول مجبت العربيه كان السحب عادى جدا فى الطلعه ولما بهدى واعلى السرعه تانى

ومن فتره لقيت انى لما بكون ماشى واهدى السرعه واجى ادوس تانى بحس ان مفيش سحب وعشان اخلى العربيه تحسب لازم اعمل كيك داون واحرق عشان اعلى السرعه تانى

فهل ده عادى ولا عندى عيب بس اللى انا شايفه انى بحرق بنزين مع الموضوع ده

وعشان اخليكو معايا فى الصورة

لسه مغير زيت وفرق معايا فى سحب العربيه العادى بس الموضوع ده لا

مغير مع الزيت فلتر k&n

مركب فلتر سبور امريكى K&N

وناس قالتلى بس مش عارف هل ده صح ولا لا انى اغير فلتر البنزين او البوجيهات علما بان العربيه عامله 8000 كيلو وانا مش مقتنع

ومستنى ارائكم

تحياتى,
محمد

[Ayman-Ahmed]

عموما انت قبت على صيانة ال10000 وقولهم فى التوكيل شوف ايه رايهم.ولكن مؤقتا ممكن :

-شوف ضغط الهوا فى الكاوتش

نضف فلتر الهوا فى المحطة

-غير محطة البنزين اللى بتتعامل معاها

-اتاكد ان زرار الاوفر درايف مش منور عندك فى التابلوه.

[me_medoo]

أصل خلي بالك العملية دي ممكن يكون بسبب انك كنت سايق عربية اسرع قبل كده ... عامة في عربيات كتير سحب الاتوماتيك بتاعها مش قد كده ... زي النيسان صني ... سقتها لقيتها تقيله تقيله تقيلة وسقت العربية اليارس اتوماتيك والسيريون اتوماتيك لقيتهم جمال واخر حلاوة ... عامة ًَ ياريت الي عندو هنداي ار بي يقلنا عن الاتوماتيك أخبارها ايه علشان ناوي اجيب وحده قريب اخبار الاتوماتيك فيها ايه ؟؟؟

[original]

الموضوع عادى ول عملت حاجة جديدة طمنا بس حاول تجرب عربيات تانية عشان تتأكد لو فيه فرق..

[original]

جرب عربيات موديللات تانية كمان

[hany63]

ده عادي في كل العربيات الفكره هي دايما بتجيب نقله اعلى عشان توفير البنزين ولو سايستها بالراحه هاتسحب و انا راكب سيفيك دايما تجيب الخامس على سرعة 60 كم و ايما اعمل كيك داون كل شويه او اُثبت الرابع بالشيفت

[sabregas2010]

الموضوع ده ساعات بيحصل معايا وانا شايف انه عادى فبسيب العربية تاخد راحتها من غير ما ادوس بنزين لمده ثانيتين تقريبا وبعدين ادوس بنزين تانى فتسحب معايا عادى جدا

[hany63]

و على فكره اكيد الموضوع ده بسبب الفلتر الاسبور عشان عزم العربيه بيقل على الار بي ام الواطى فبتضطر تعمل كيك داون كتير لو رجعت الفلتر الاصلي الموضوع هايتحسن بس هتخسر التسارع على الار بي ام العالي

[m7mda7md]

طب يا رجاله بالمره بصوا علي زيت الفتيييييييييييييييييييييييييييس

[original]

على فكرة ركزت فى الموضوع لقيته موجود عندى برده بس طبعا فيه فرق بين المانيوال والأوتو..