بلية واسطوانة وديسك وكوبلن بعد 130 الف كيلو

[osamaelbaz]

علربيتى ماتريكس 2008 عاملة 130 الف كيلو امبارح سماعة صوت زقزقة وانا بدوس على الدبرياج وطقطقة وانا بلف بالعربية ...روحت انهردة لمركز تاج قالى بلية الدبرياج عايزة تتغير وعايزة كوبلن شمال ولما حل الفتيس لقى الاسطوانة والديسك على وشك مع العلم ان سحب العربية كان حلو قولتلة غيرهم بالمرة روحت جبتلة الاسطوانة والديسك اصلى ب 350 جنية والبلية اصلى 130 جنية والكوبلن ملقيتشى اصلى جبت ايطالى (راس كوبلن ) 250 جنية ومصنعية تركيب كلة 190 جنية وزيت فتيس 55 جنية
اتظبطت يعنى
مع العلم انى مبحرقش ولا بفرك بالعربية كدة يبقى استهلاك بعد فترة كويسة ولا عربيتى كدة ادبهدلت بدرى

[amrelsaqqa]

الفترة كويسة الى حد كبير

خلى بالك الكيلو متر هو اللى كتير على موديل 2008

[alnmr79]

كويس بس يا ريت كونت غيرت الكوبلين كامل الجانبين لان اكيد الناحية اليمين هتحصل اختها فى وقت قريب

[osamaelbaz]

هو الكيلو مترات كتير فعلا بس عشان بسافر كتير انا بعمل فى حدود 35 الف كيلو فى السنة ...انا فكرت فعلا اغير التانى بس المهندس قالى كويس وسيبة لحد ميبوظ

[Ashraf_Ibrahim]

كويس بس يا ريت كونت غيرت الكوبلين كامل الجانبين لان اكيد الناحية اليمين هتحصل اختها فى وقت قريب

العمر الافتراضي للكوبلن اليمين يتجاوز ضعف العمر الافتراضي للكوبلن الشمال هنا في مصر تقريبا -لو القيادة عادية - لأن جميع ملفاتك على الطرق المصرية بتكون شمال فبالتالي استهلاك الكوبلن الشمال بيكون أسرع بكتير

[mazagngi2010]

انا شايف ان الكيلو مش كتير بس واضح ان الماتريكس عمرها بيتقصف اسرع من اللانسر عن تجربه وفيه واحد زميلى غير برضه ديسك واسطوانه ماتريكس على 150 الف برضه !

[Kareem Fawzy]

اعتقد كويس جداً على الكيلو ميتر اللى حضرتك عامله
ربنا يباركلك فى عربيتك