إعـــــــلان

Collapse

.

,
See more
See less

تقييم النترا 2012 من خلال تجربتك وقيادتك لها بعد وجودها أكتر من ست شهور في الأسواق

Collapse
X
 
  • Filter
  • الوقت
  • Show
Clear All
new posts

  • تقييم النترا 2012 من خلال تجربتك وقيادتك لها بعد وجودها أكتر من ست شهور في الأسواق

    السلام عليكم يا أحلي ناس في أحلي منتدي مصري:

    ياريت كل واحد اشتري النترا 2012 _(بعد مرور اكثر من ست شهور علي نزولها الأسواق في مصر والعالم كله)_ يكتبلنا انطباعه عنها بعد ماجربها واتعود عليها من ناحية القوة والأداء والراحه والعفشه واستهلاك البنزين وتقفيل العربيه من الداخل وجودة الخامات المستخدمه والتسارع وكل النواحي التانيه .

    يعني تقرير مبسط عنها من كل النواحي.
    وهل لو رجع الزمن بيك لـ ورا : هل هاتشتريها مره تانيه ولا هاتقول لأ مش هاشتريها أنا كنت هاخد مقلب؟ وليه؟
    وجزاكم الله خيرا عن كل من سيدخل ويقرأ هذا الموضوع ويستفيد به, فأرجو الا تكونو بخلاء في الرد.
    وشكرا لكم مقدما.
    [SIZE=4]Mr.Essam Ibrahim Abdelhamid Ayad[/SIZE]
    An English language teacher - Kuwait
    [img2]http://www5.0zz0.com/2013/02/26/16/410206724.jpg[/img2]

  • #2
    حبيت أني أكون اول واحد يرد علي نفسي واكتب تقييمي البسيط عن السياره الرائعه فعلا النترا2012 من خلال قيادتي لسيارة زميلي منذ يومين لمسافه أكثر من 60 كيلو رايح جاي__ بس انا في الكويت مش في مصر يعني العربيه خليجي __ وبسم الله ماشاء الله ولا أروع من كده وتستاهل فعلا فلوسها وماسمعتش أي تزييق ولا طقطقه في الديكورات خالص وأخدت فيها أكترمن حفره بسيطه وصغيره كده علي الماشي والسياره ماشيه ولا كأن في حاجه ومشيت علي سرعة 100 كيلو علي عين القط__ وكان تقريبا خمس أو ست صفوف جنب بعضها يعني قويه__ وماحستش بيه أوي زي اللي بحس بيه في عربيتي __ نيسان ماكسيما _وفي جنب شقتي مطب رخم عربيتي بتحك فيه لما أكون واخد مطب علي سرعة عشرين العربيه أخدته بكل راحه يعني يا جماعه العفشه بتاعتها حلوه وكويسه ومش زي مابعض الأعضاء قالو ان عفشتها ناشفه ومش طريه.
    لكن حسيت ان الكراسي بتاعتها مش مريحه قوي والمشكله الأكبر اني لما جيت اركنها في وش الحيطه أخدتها بالإحساس وده كان مضايقني جدا لأن كان ممكن احساسي يخوني وألمسها في الحيطه
    لكن برضو بإذن الله هي سيارتي القادمه في خلال تلات اربع شهور ان شاء الله.
    [SIZE=4]Mr.Essam Ibrahim Abdelhamid Ayad[/SIZE]
    An English language teacher - Kuwait
    [img2]http://www5.0zz0.com/2013/02/26/16/410206724.jpg[/img2]

    Comment


    • #3
      سيدي الفاضل ..

      العربية معايا فعلا منذ حوالي 5 شهور و عامل بيها الي الان 14000 كم معظمهم سفر
      أولا.. العربية أوتوماتيك أول فئة

      ثانيا.. تقييمي المبدئي للعربية كالاتي :
      1- من حيث القوة : موتور جاما 4 - 1600 سي سي بقوة 128 حصان
      بصراحة رغم التسارع الجيد جدا للعربية ألا أني شايف أن الموتور قليل عليها كانت محتاجة قدرة أعلي من كده علشان كده أعتقد أن المواتير الجديدة gdi و الغير متوفرة اصلا بالشرق الاوسط هي المناسبة لهذه السيارة أكثر لأنه بيعطي قدرة أكبر 138 حصان لكن بشكل عام العربية من حيث القوة جيدة

      2- الأداء و أستهلاك البنزين : طبعا الكوريين عوضوا موضوع القدرة و ضخامة العربية بنظام متطور لنقل الحركة بيتيح لها 6 سرعات الامر اللي بيوفر في البنزين بشكل مذهل تقريبا بتعمل من 6.5 - 7.2 لتر لكل 100 كم بسرعات متفاوتة تبدأ من 35 كم/ساعة و حتي 138 كم/ساعة و ده هو نطاق السرعات الاقتصادية طبعا أداء الموتور ممتاز في السرعات الثابتة و في التسارع جيد زي ماقولت

      3- الراحة : العربية من الداخل واسعة و مريحة جدا و عفشتها ناعمة تقدر تقارنها فعليا بالتويوتا كورولا اللي جربتها فعلا لفترة طويلة قبل الالنترا و طبعا عزل الصوت جيد جدا صحيح مش زي تويوتا لكن نظرا لأنها أول فئة فتعتبر نقلة نوعية للسيارات الكورية في تلك الفئة

      4- التقفيل و جودة الخامات : ممتازة

      5- الثبات : نقدر نقول انها من العربيات الجيدة جدا في السرعات العالية (جربتها لحد سرعة 200 كم/ساعة) و جربت الملفات بيها علي سرعة 140 كم/ساعة كانت ثابتة في نفس الحارة و لم تنزلق للحارة الاخري

      عيوبها كالتالي :
      1- بالرغم من الشكل الممتاز و الانسيابي ألا ان كبر حجم الفوانيس الامامية و الخلفية عامل لي مشكلة خاصة أننا في مصر بنسوق وسط عربيات المسافات البينية بينها بتكون سنتيمترات معدودة و قد يتخللها موتوسيكلات و دراجات فاي لمسة غلط هاتكلف فانوس تمنه الشئ الفلاني

      2- العربية من الداخل منخفضة نسبيا خاصة الكنبة الخلفية ماتنفعش طوال القامة نظرا لميل السقف الي الخلف بشكل كبير

      3- نظام التعليق الخلفي (torsion bar) و اللي بتشعر معه أن العربية بتنحرف من الخلف مع بعض أنواع المطبات خاصة في الملفات و لو ان ده مالوش تاثير كبير في ثبات العربية لكني شايفه عيب

      لكن بشكل عام لو رجع بيا الزمن تاني : هأجيب الالنترا 2012 و لكن فئة أعلي علي الاقل اللي فيها abs و أيرباج

      و عموما أحب أطمئن حضرتك و جميع السادة أعضاء قسم هيونداي أننا حاليا بنجهز فعليا لعمل أختبارات قيادة لكل من : الألنترا 2012 و الاكسنت rb و موديلات أخري من هيونداي تمهيدا لعمل تقييم شامل لتلك السيارات و بشكل حرفي لأول مرة بمصر و لكن المسألة مسألة وقت فقط
      [SIGPIC][/SIGPIC]

      Comment


      • #4
        انا ركبت الالنترا وهى جامدة الصراحة2012

        وركبت هوندا سيفيك 2012 الشكل الجديد التابلوه بتاعها وهمممممممم

        والتسارع السيفيك افضل من الالنترا وافضل فى عزل الصوت وفى مجال الرؤية

        لو فى امكانياتك تجيب سيفيك فهى تستاهل سعرها جدا الصراحة

        اما لو حضرتك عايز الالنترا فهى ممتازة بردو لكنى افضل السيفيك خصوصا كنت بحس انى عارف ابعادها على عكس الالنترا الزجاج الخلفى مقرف جدا فى الالنترا الجديدة

        والقرار الاخير لك
        http://www.nilemotors.net/Nile/282133-a.html#post3874229383
        ارض للبيع بالاسكندرية

        Comment


        • #5
          المشاركة الأصلية كتبت بواسطة hesham94 مشاهدة المشاركة
          انا ركبت الالنترا وهى جامدة الصراحة2012

          وركبت هوندا سيفيك 2012 الشكل الجديد التابلوه بتاعها وهمممممممم

          والتسارع السيفيك افضل من الالنترا وافضل فى عزل الصوت وفى مجال الرؤية

          لو فى امكانياتك تجيب سيفيك فهى تستاهل سعرها جدا الصراحة

          اما لو حضرتك عايز الالنترا فهى ممتازة بردو لكنى افضل السيفيك خصوصا كنت بحس انى عارف ابعادها على عكس الالنترا الزجاج الخلفى مقرف جدا فى الالنترا الجديدة

          والقرار الاخير لك
          فعلا نسيت أذكر العيب ده في الألنترا 2012
          الزجاج الخلفي مشكلة لأن درجة ميله بتقلل مجال الرؤية الخلفية و بتحتاج وضعية خاصة لظبط المراية و الكرسي لكن المرايات الجانبية مساحتها كبيرة بشكل يعوض ذلك و الموضوع بيصبح أعتياد بعد ذلك زي ماقولت لما تعرف أزاي تظبط المرايات مع بعض

          أما بالنسبة للسيفيك فطبعا هيا أختيار رائع ماحدش يقدر يقول حاجة و لكن يعيبها أنخفاضها و قربها للارض مقارنة بالالنترا مع أرتفاع سعرها بشكل كبير جدا
          [SIGPIC][/SIGPIC]

          Comment


          • #6
            السيفيك ب 200 الف جنيه يا عم متسواش اكتر من 150 اصلا !!
            بس العربية نازلة مصر من اكتر من سنة دلوقتي
            [shr71=http://media.il.edmunds-media.com/scion/fr-s/2013/fe/2013_scion_fr-s_actf34_fe_823124_717.jpg][/shr71]

            Comment


            • #7
              المشاركة الأصلية كتبت بواسطة mody3on مشاهدة المشاركة
              السيفيك ب 200 الف جنيه يا عم متسواش اكتر من 150 اصلا !!
              بس العربية نازلة مصر من اكتر من سنة دلوقتي
              بص أنا هأقولك اللي قولته لموظفي المبيعات بهوندا التجمع الخامس لما العربية كانت لسه نازلة و كنت أنا يومها بأجرب السيتي معاهم

              قولت لهم أن العربية دي هاتفشل في تسويقها زي ما تويوتا أيجبت فشلت في تسويق الياريس ال 1500 و الكورولا الجديدة و ده بسبب السعر العالي جدا في حين أن هيونداي و كيا بينزلوا بعربيات علي قدر عالي من الكفائة و الكماليات و بأسعار اقل بكتييييير من أسعار تويوتا و هوندا

              كمان قولت لهم ان السيتي اتظلمت لما نزلت في نفس توقيت نزول السيراتو بالسعر ده مع أنها في أعتقادي افضل من السيراتو من نواحي كتير أهمها الموتور و الثبات و عوامل الامان لكن مش معني كده انها تنزل بأكتر من 130000 جنيه

              و للأسف .... اهو أنت بتشوف كام عربية سيتي الشكل الجديد أو سيفيك أو كورولا في مقابل كام سيراتو و ألنترا
              [SIGPIC][/SIGPIC]

              Comment


              • #8
                مش الهوندا وبس كل توكيلات العربيات الياباني بيغالوا في السعر جدا لمجرد ان العربية ياباني , عشان كده الياباني مبقاش الاول عالسوق زي زمان وبقى اللي مسيطر الكوري والاوروبي
                [shr71=http://media.il.edmunds-media.com/scion/fr-s/2013/fe/2013_scion_fr-s_actf34_fe_823124_717.jpg][/shr71]

                Comment


                • #9
                  ياجماعة كل اللى يعيب السيفيك بس هو سعرها وشكلها فى الموديل الحالى

                  يعنى شكلها تحسة انة مافيش تطوير او مش عربية نازلة عام 2012 وهتقعد كمان 5 سنين زى مالسيفيك عودتنا اشكالها ممكن تفضل 15 سنة وتقول عليها انها جديدة وبحالتها لسة

                  بالنسبة للسعر انة غلى مع عدم توافر محرك جديد او فتيس جديد ومش هقول 6 سرعات لان فعلا اداء فتيس الهوندا احسن بكتير من اداء ناقلات حركة كتير وطالما انة مغطى العزم والسرعة وبدون الاحساس بالنقلات يبقى تمام بس مشكلتة ان ممكن تلاقى صوتة عالى شوية على السرعات العالية فوق ال180

                  لكن كثبات + نعومة + شكل داخلى + تقفيل + رؤية + اعتمادية كل دة لا يمكن الشركات الكورية تضاهيها فيها ابدا مع احترامى لكل الكورى بس فعلا الكورى مع تجربتى لية لاكثر من سيارة واكثر من موديل هو اتقدم فى حاجات و رجع فى حاجات واولها

                  1- التقدم فى الشكل سواء خارجيا او داخليا

                  2- التأخر فى نظام التعليق من نظام تعليق مستقل الى نظام تعليق torision beam ودة سبب مشكلة كبيرة ومش صغيرة لانى وانا ماشى بالعربية ال rb اى فاصل العربية بتعدى علية وكان على سرعة 80 كم العربية بحسها بتتزحلق من الخلف ناحية اليمين ودة طبعا شىء مخيف لان الموضوع دة زاد لما وصلنا لسرعة 130 والعربية ثباتها بيقل جدا سواء هية او الالنترا ودة اللى مش عارفين يعملوة الكوريين

                  - صوت التاكيهات العالى جدا وانت بتسخن العربية الصبح بتحسسك ان فية مشكلة فى المحرك ودية مش عارفين يعالجوها من الاجيال اللى فاتت

                  - مجال الرؤية اللى ماينفعش خالص فى مصر بسبب الزحمة والشوارع الضيقة بيعرض العربية كتير لخبطات وتجريحات دة غير طريقة التصميم بتاعها اللى اى خبطة فيها ممكن تكلفك تغير القطعة كاملة

                  - تصميم العربية ممتاز بس يفتقر للجاذبية يعنى مش العربية اللى تلفت انتباهك ومش عارف الصراحة دة بسبب اية هل الانتشار ولا هية اصلا كدة وبردة بعكس السيراتو تحس ان فيها جاذبية وخصوصا الكوبية تحب تبص عليها بالرغم من انتشارها

                  طبعا دة مجال للمناقشة ياريت محدش يزعل دية كلها مناقشات
                  [CENTER][SIZE=6]SEMSEM KANE سابقا[/SIZE][/CENTER]

                  [img2]http://nileup.com/up/uploads/nilemotors_13635570671.jpg[/img2]

                  Comment


                  • #10
                    المشاركة الأصلية كتبت بواسطة semsem kane مشاهدة المشاركة
                    ياجماعة كل اللى يعيب السيفيك بس هو سعرها وشكلها فى الموديل الحالى

                    يعنى شكلها تحسة انة مافيش تطوير او مش عربية نازلة عام 2012 وهتقعد كمان 5 سنين زى مالسيفيك عودتنا اشكالها ممكن تفضل 15 سنة وتقول عليها انها جديدة وبحالتها لسة

                    بالنسبة للسعر انة غلى مع عدم توافر محرك جديد او فتيس جديد ومش هقول 6 سرعات لان فعلا اداء فتيس الهوندا احسن بكتير من اداء ناقلات حركة كتير وطالما انة مغطى العزم والسرعة وبدون الاحساس بالنقلات يبقى تمام بس مشكلتة ان ممكن تلاقى صوتة عالى شوية على السرعات العالية فوق ال180

                    لكن كثبات + نعومة + شكل داخلى + تقفيل + رؤية + اعتمادية كل دة لا يمكن الشركات الكورية تضاهيها فيها ابدا مع احترامى لكل الكورى بس فعلا الكورى مع تجربتى لية لاكثر من سيارة واكثر من موديل هو اتقدم فى حاجات و رجع فى حاجات واولها

                    1- التقدم فى الشكل سواء خارجيا او داخليا

                    2- التأخر فى نظام التعليق من نظام تعليق مستقل الى نظام تعليق torision beam ودة سبب مشكلة كبيرة ومش صغيرة لانى وانا ماشى بالعربية ال rb اى فاصل العربية بتعدى علية وكان على سرعة 80 كم العربية بحسها بتتزحلق من الخلف ناحية اليمين ودة طبعا شىء مخيف لان الموضوع دة زاد لما وصلنا لسرعة 130 والعربية ثباتها بيقل جدا سواء هية او الالنترا ودة اللى مش عارفين يعملوة الكوريين

                    - صوت التاكيهات العالى جدا وانت بتسخن العربية الصبح بتحسسك ان فية مشكلة فى المحرك ودية مش عارفين يعالجوها من الاجيال اللى فاتت

                    - مجال الرؤية اللى ماينفعش خالص فى مصر بسبب الزحمة والشوارع الضيقة بيعرض العربية كتير لخبطات وتجريحات دة غير طريقة التصميم بتاعها اللى اى خبطة فيها ممكن تكلفك تغير القطعة كاملة

                    - تصميم العربية ممتاز بس يفتقر للجاذبية يعنى مش العربية اللى تلفت انتباهك ومش عارف الصراحة دة بسبب اية هل الانتشار ولا هية اصلا كدة وبردة بعكس السيراتو تحس ان فيها جاذبية وخصوصا الكوبية تحب تبص عليها بالرغم من انتشارها

                    طبعا دة مجال للمناقشة ياريت محدش يزعل دية كلها مناقشات
                    فعلا عندك حق السيفيك الجيل اللي فات شكل تحفة ومفيهوش غلطة بس عيبه ان العربية واطية جدا .. بس بالنسبة لتصميم العربية حرام عليك ده تصميم الالنترا الجديدة مكسر الدنيا ومفيش حد بيشوفها الا ويعجب بيها وكل تصميمات هيونداي الجديدة زي الار بي والسوناتا .. بعكس الياباني اللي تحس انهم بقوا بيكسلوا يعملوا حاجة نضيفة , مفيش تصميم عدل ولا سعر كويس .. شوف الكورولا والكامري مثلا مفيهمش اي حاجة تدعوك انك تدفع فيهم المبلغ بتاعهم
                    [shr71=http://media.il.edmunds-media.com/scion/fr-s/2013/fe/2013_scion_fr-s_actf34_fe_823124_717.jpg][/shr71]

                    Comment


                    • #11
                      المشاركة الأصلية كتبت بواسطة mody3on مشاهدة المشاركة
                      فعلا عندك حق السيفيك الجيل اللي فات شكل تحفة ومفيهوش غلطة بس عيبه ان العربية واطية جدا .. بس بالنسبة لتصميم العربية حرام عليك ده تصميم الالنترا الجديدة مكسر الدنيا ومفيش حد بيشوفها الا ويعجب بيها وكل تصميمات هيونداي الجديدة زي الار بي والسوناتا .. بعكس الياباني اللي تحس انهم بقوا بيكسلوا يعملوا حاجة نضيفة , مفيش تصميم عدل ولا سعر كويس .. شوف الكورولا والكامري مثلا مفيهمش اي حاجة تدعوك انك تدفع فيهم المبلغ بتاعهم
                      ماشى ياباشا انا ماختلفتش معاك ان التصميم ممتاز واحسن من اليابانى بس انا بتكلم عن الجاذبية اللى تخليك تلف عينك مع العربية ودة عمرى ماشوفتها فى عربية كورى غير السيراتو كوبية الصراحة , او الهيونداى جينيسيس او السوناتا الجديدة لكن الالنترا او ال rb لم الاحظهم
                      [CENTER][SIZE=6]SEMSEM KANE سابقا[/SIZE][/CENTER]

                      [img2]http://nileup.com/up/uploads/nilemotors_13635570671.jpg[/img2]

                      Comment


                      • #12
                        انا اقدر اقول ان السيفيك المودسل الجديد اعلى من القديم

                        وداخلية العربية افضل بكثير من داخلية الالنترا وخصوصا فى التابلوه

                        والسيفيك مش ب 200 الف فى فئات اقل من كده

                        الالنترا اما سوقتها حسيت انها غوييييضة اوى ودى الصراحة حاجة دايقتنى

                        اما عن ال torsion bar فانا الصراحة ماحسيتش بيه لانى ماجبتش سرعات عالية

                        اكتر من كدا الالنتر مالهاش عيوب

                        اما لو شوفنا ليها عدوها اللدود اللى يقدر يغلبها هو renault fleunce

                        طبعا العربية دى لا تعليق مع احترامى للالنترا ورغم انى ما سوقتهاش حتى الان

                        عالية عن الالنترا وخامات افضل و abs فى كل الموديلات وامكانيات اكثر

                        وسعرها مناااااااااااااااافس جدا لسعر الالنترا

                        طبعا انا بحاول اوضح ليك السيارات المنافسة لتاخذ القرار الصحيح وليس لشى اخر

                        والرينو اظن معروف

                        وتوكيله من افضل التوكيلات فى مصر وخدماته ما بعد البيع لا اظن ان هناك توكيل ينافسه فى امانته

                        متابع
                        http://www.nilemotors.net/Nile/282133-a.html#post3874229383
                        ارض للبيع بالاسكندرية

                        Comment


                        • #13
                          المشاركة الأصلية كتبت بواسطة SE_coralsea مشاهدة المشاركة


                          5- الثبات : نقدر نقول انها من العربيات الجيدة جدا في السرعات العالية (جربتها لحد سرعة 200 كم/ساعة) و جربت الملفات بيها علي سرعة 140 كم/ساعة كانت ثابتة في نفس الحارة و لم تنزلق للحارة الاخري

                          e Respect ياباشا,
                          دى مش مقاييس للثبات.. لا المشى على 200 فى Straight, ولا الملفات الـFlat على 140-160..؟؟!!! (مش موضوع حارات برضه).


                          3- نظام التعليق الخلفي (torsion bar) و اللي بتشعر معه أن العربية بتنحرف من الخلف مع بعض أنواع المطبات خاصة في الملفات و لو ان ده مالوش تاثير كبير في ثبات العربية لكني شايفه عيب
                          على فكرة العيب مش فـ الـTorsion-Beam (كـ نظام تعليق معتمد من شركات أوروبية كتيييييييير),
                          وأثبت كفاءة عالية فى الثبات, والهاندلينج بتاع الحاجات اللى زى كده.. الفواصل, مطبات الهواء.. مع الملفات وفـ الـmaneouvres الحادة والسواقة الرياضية..؟؟!!!

                          الموضوع ده قتل بحثا فـ المنتدى قبل كده,
                          وقلنا الأسترا والميجان والبرافو والـC4 والـ308.. كل دى عربيات تورشن-بيم, ومش بتعوم فـ الفواصل زى الألنترا الجديدة (واختها السيراتو قبلها)..

                          دى مشكلة تصميم.. وتم اثبات الموضوع بالصور فـ كذا Topic, وكان وااااااااااضح جدا الفرق الهندسى بين الـSetup الأوروبى.. والعيب اللى فى الـSetup الكورى..؟؟؟!!

                          كفاية عيب وضعية السوست (والدامبرات).. السبب الأول فى ان العفشة ناشفة.. والعربية بتتنطط من ورا فـ السرعات مع مطبات الهواء..!!!

                          المشاركة الأصلية كتبت بواسطة semsem kane مشاهدة المشاركة
                          - صوت التاكيهات العالى جدا وانت بتسخن العربية الصبح بتحسسك ان فية مشكلة فى المحرك ودية مش عارفين يعالجوها من الاجيال اللى فاتت
                          +111
                          رغم ان (المفروض) ان التاكيهات هيدروليك, بس فعلا صوتها عالى فـ الـCold-Start..؟؟!!!
                          ماتعرفش بقى الـTappets مفروض تاخد طبقة DLC.. وهما مش بيعملوها؟؟
                          ولا عمود الكامات نفسه لازم يبقى Mirror-Coated عشان الاحتكاك والصوت.. وهما برضه مش بيعملوها..؟؟؟!! حاجات كده يعنى.
                          [CENTER][SIGPIC][/SIGPIC]

                          [/CENTER]

                          Comment


                          • #14
                            المشاركة الأصلية كتبت بواسطة formulator مشاهدة المشاركة
                            +111
                            رغم ان (المفروض) ان التاكيهات هيدروليك, بس فعلا صوتها عالى فـ الـcold-start..؟؟!!!
                            ماتعرفش بقى الـtappets مفروض تاخد طبقة dlc.. وهما مش بيعملوها؟؟
                            ولا عمود الكامات نفسه لازم يبقى mirror-coated عشان الاحتكاك والصوت.. وهما برضه مش بيعملوها..؟؟؟!! حاجات كده يعنى.
                            بالظبط كدة

                            والدليل ان الصوت مش بيروح الا لما الزيت بيغطى المنطقة وعلى فكرة لو حد ركز هتلاقية مش بيروح اوى بردة بيفضل موجود
                            [CENTER][SIZE=6]SEMSEM KANE سابقا[/SIZE][/CENTER]

                            [img2]http://nileup.com/up/uploads/nilemotors_13635570671.jpg[/img2]

                            Comment


                            • #15
                              بس ممكن سؤال ليه السيفيك برده ب200 الف جنيه يا سمسم
                              وبعدين يعني اللي معاه 100 ولا 150 الف مش هيلاقي عربية يركبها ههههههههههههه
                              ايه الهم ده .... حسبي الله ونعم الوكيل :)))
                              يعني غبور وعارفين اللي فيها هو والمدعوء منصور .... لكن لما يبقي كله علينا كده يبقي حرااام
                              يعني ابيع لصني كده واجيب جنوط للسيفيك :)))
                              [CENTER][COLOR="Blue"][SIZE="5"]أُمـــ الغوالــــــــــــــــي ..... أُسطــــورة لـــــهــــــا تاريـــــخ :F_eyeb1[1]:[/SIZE][/COLOR]
                              [CENTER]
                              [img3]https://fbcdn-sphotos-g-a.akamaihd.net/hphotos-ak-prn1/524144_516916281678719_387980934_n.jpg[/img3]
                              [/CENTER]
                              [CENTER][SIZE="5"][COLOR="DarkRed"][marq="4;right;2;scroll"]Eng.Hussein GaMal[/marq][/COLOR][/SIZE]
                              [SIZE="5"][COLOR="Blue"][marq="4;left;2;scroll"]Mob. +20111 960-9399[/marq][/COLOR][/SIZE][/CENTER][/CENTER]

                              Comment

                              Working...
                              X