حاجه غريبه

[shooda2020]

انا من كام اسبوع كنت كاتب موضوع عن صوت الصفاره لما بشيل رجلي من دواسه الفرامل او لما انزل الهاند بريك
الصوت راح شويه و رجع تاني مع اني لما كنت برصص و اظبط زوايا المتخصص ال هناك قال انه سليم وانا اصلا يادوبك عامل 13 الف كيلو ومشاويري قليله جدا
الصوت اختفي شويه وبعد كدا رجع تاني بس حاسه اعلي سنه عن الاول يعني الصوت اعلي ناس كتير قالتلي وساخه عالتيل و اغسله
طب سوال لما اروح .. اروح لميكانيكي سيارات ولا واحد بتاع عفشه ولا مين بالظبط
ولا اكبر دماغي و خلاص هو الصوت مش صعب اووي يعني مقرف لا صوت هادي وخفيف زاي صفاره كدا
شكرا

[Ayman-Ahmed]

معلش هو الصوت موجود لما بترفع رجلك من على الدواسة ولا لما بتضرب فرامل؟ والصوت من اودام ولا من ورا؟

طيب اخبار السحب ايه؟واستهلاك البنزين؟

[enghany]

الاخ العزيز الفاضل
الحل سهل وبسيط جدا
انك تروح التوكيل و تقوله شحم القباقيب بتاعه التيل اللي ورا او عند اي ميكانيكي يغسل التيل الخلفي و يحط شحم و بسيطه جدااا

[shooda2020]

العربيه ميه ميه في السحب وكل حاجه و الصوت الصفاره لما مش بدوس لا لما اسيب رجلي من دواسه البنزين في اخر الرفعه بتاعه الدواسه واخر الرفعه بتاعه فرامل اليد صوت صفاره كان واحد بيصفرلك :))

[shooda2020]

الاخ enghany شكرا لرد حضرتك السريع
بس هو حضرتك التيل دا مش في الامام و الخلف ولا الامام بس ..
انا اصلا موضوع التيل و الحاجات دي ماليش فيه خالص
شكرا يا اخي العزيز

[Ayman-Ahmed]

التيل خلفى وامامى ومن وصفك مشكلتك فى التيل الخلفى لانه مرتبط بفرامل اليد.اعمل اللى قالك عليه المهندس هانى وابقى طمننا.