تغيير ماكينة زجاج النترا 2010

[mmbader]

يشتكى البعض من وجود صوة طقة عند غلق الزجاج وهذا الصوت يسمع فى بعض الاحيان وللا يسمع فى احيان اخرى والسبب فى ذلك هو وجود كسر فى ماكينة الزجاج لان الماكينة كلها بلاستيك والحمد لله ونصيحة للاخوة الاعضاء الذين يشتكون من هذا الصوت وسياراتهم ما زالت فى الضمان الذهاب الى قسم الهياكل فى طريق قليوب الزراعى وسيتم تغييرها على الضمان كما حدث معى والحمد الله ( سعر الماكينة خارج الضمان حوالى 800 جنية وده من داخل التوكيل ) وكذلك لو الكاسيت فى عيب ايضا يتم تغييره فى الضمان بشرط الالتزام فى الصيانات ودى صور تغيير الماكينة
صورة الباب وبه الماكينة راكبة وبها الاسلاك والسماعة



صورة الباب بعد فك الماكينة


صورة فرش الباب وخلفة كرتونة الماكينة


صورة الماكينة الجديدة من الامام وهى فارغة وعلى فكرة التصفيح بتاع الباب هو هو الماكينة لان الماكينة مثبتة فى ظهر التصفيح


ظهر التصفيح ومثبت عليه الماكينة والورير بتاع الزجاج والجزء المكسور عبارة عن الجزء البلاستيك الموجود بجانب الماكينة وبه شرخ بسيط



وتم التغيير والحمد لله تعالى ورجع كل حاجة لاصلها وارجو ان اكون قد افدت الاخوة الاعضاء واى استفسار انا تحت امركم

[adel1212]

اولا اشكرك على نقل التجربة وجزاك الله خيرا
المشكله موجوده عندي فعلا وفى اقرب فرصه سوف اذهب لهم واه يبقى استفدنا حاجة من التوكيل العقيم
هل الموضوع لازم بالحجز زي الصيانة ولا اروح على طول
تحياتي

[mmbader]

اولا اشكرك على نقل التجربة وجزاك الله خيرا
المشكله موجوده عندي فعلا وفى اقرب فرصه سوف اذهب لهم واه يبقى استفدنا حاجة من التوكيل العقيم
هل الموضوع لازم بالحجز زي الصيانة ولا اروح على طول
تحياتي

عادى جدا روح الصبح الساعة 9 صباحا الهياكل الموجود على الطريق الزراعى ( فى فترة غذاء من الساعة واحدة الى الساعة الثانية ظهرا ) وادخل الاستقبال وهما هيكشفوا عليها ولو هتتغيير هيجبوها من ابو رواش خلال يومين على الاكثر بس الموضوع محتاج صبر لانها غالية مش رخيصة
وحاول تفتح مخك معاهم

[adel1212]

انا اصلا بعمل الصيانة في ابو رواش
وهما كانوا عرضوا يكشفوا عليها في الهياكل في صيانة العشرين بس قالولي تيجي بكرة للهياكل
وانا بالعافيه اخد يوم اجازة من الشغل وكنت فاكر انها حاجة بسيطه تربيط او صيانة عادية فقلت اعملها في اي مكان تبعي احسن من تعطيل يوم كامل
لكن طالما الوضع كده يبقى افضلهم نفسى يوم واطب عليهم
ابقى اخدلهم معايا حاجة حلوة
خالص تحياتى

[Kareem.ElAraby]

ما كانشي عندي الصوت بس ازاز السواق لتكسر و من ساعتها فيه طقه ده مش عارف بقي هيقولك عشان غيرت الازاز بره ولا لا !

[BUNSH]

جزاك الله كل خير على نقل التجربة وربنا يباركلك فيها ,, وانا فعلا غيرت سى دى بلاير (النترا 2012) فى توكيل قليوب >>حسنة وحيدة اللى عاملوها<<

[mahmoud_afifi]

مبروك عليك مكنة الازاز. انا حصل عندي نفس مشكلة الازاز (موديل 2010) وكل شوية الاقي ناس برضه موديل 2010 وحصل نفس المشكله !

عاوزين نعمل احصائيه بعدد الناس الي حصلتلها المشكله دي لأن ممكن يكون عيب صناعه في الموديل ده تحديداً .

[Kareem Fawzy]

شكر خاص لحضرتك لنقل التجربة
وكمان شكر خاص لسعيك فى حل المشكلة عند الاعضاء
جزاك الله خيراً

[mmbader]

شكر خاص لحضرتك لنقل التجربة
وكمان شكر خاص لسعيك فى حل المشكلة عند الاعضاء
جزاك الله خيراً

لا شكر على واجب وانا استفدت كتير من معلومات ونقاشات السادة الاعضاء ويجب على ان احاول افادة الاعضاء الكرام وادام الله تعاونا

[mmbader]

ما كانشي عندي الصوت بس ازاز السواق لتكسر و من ساعتها فيه طقه ده مش عارف بقي هيقولك عشان غيرت الازاز بره ولا لا !

حاول حضرتك تتصل بيهم او تذهب لهم لان الموضوع يستاهل التعب

[mmbader]

مبروك عليك مكنة الازاز. انا حصل عندي نفس مشكلة الازاز (موديل 2010) وكل شوية الاقي ناس برضه موديل 2010 وحصل نفس المشكله !

عاوزين نعمل احصائيه بعدد الناس الي حصلتلها المشكله دي لأن ممكن يكون عيب صناعه في الموديل ده تحديداً .

يا ريت بس ازى نعمل الاحصاء ده

[top_10group]

يشتكى البعض من وجود صوة طقة عند غلق الزجاج وهذا الصوت يسمع فى بعض الاحيان وللا يسمع فى احيان اخرى والسبب فى ذلك هو وجود كسر فى ماكينة الزجاج لان الماكينة كلها بلاستيك والحمد لله ونصيحة للاخوة الاعضاء الذين يشتكون من هذا الصوت وسياراتهم ما زالت فى الضمان الذهاب الى قسم الهياكل فى طريق قليوب الزراعى وسيتم تغييرها على الضمان كما حدث معى والحمد الله ( سعر الماكينة خارج الضمان حوالى 800 جنية وده من داخل التوكيل ) وكذلك لو الكاسيت فى عيب ايضا يتم تغييره فى الضمان بشرط الالتزام فى الصيانات ودى صور تغيير الماكينة
صورة الباب وبه الماكينة راكبة وبها الاسلاك والسماعة



صورة الباب بعد فك الماكينة:_alshmokh08[1]:


صورة فرش الباب وخلفة كرتونة الماكينة


صورة الماكينة الجديدة من الامام وهى فارغة وعلى فكرة التصفيح بتاع الباب هو هو الماكينة لان الماكينة مثبتة فى ظهر التصفيح


ظهر التصفيح ومثبت عليه الماكينة والورير بتاع الزجاج والجزء المكسور عبارة عن الجزء البلاستيك الموجود بجانب الماكينة وبه شرخ بسيط



وتم التغيير والحمد لله تعالى ورجع كل حاجة لاصلها وارجو ان اكون قد افدت الاخوة الاعضاء واى استفسار انا تحت امركم
:s_thum1[1]::s_thum1[1]::s_thum1[1]::s_thum1[1]:

هو حضرتك عملتها امبارح فى قليوب حوالى الساعة 12 الظهر كدة ؟
اصل انا كنت هناك وغيرت ماكينة النترا بردو وكانو جايبين مكنتين من المخزن مع بعض ولقيتحضرتك عامل التقرير فقولت اكيد انت! !!

[mahmoud_afifi]

يا ريت بس ازى نعمل الاحصاء ده

اتمنى ان كل واحد يشوف الموضوع يدخل يقول ان عنده المشكله دي واحنا ان شاء الله نقدر نوصل لحل مع التوكيل.

زي ماحصل مع الجيربوكس الmmt بتاع الكورولا والمشاكل الي حصلت فيه وانه اتغير على حساب الوكيل.

[mmbader]

هو حضرتك عملتها امبارح فى قليوب حوالى الساعة 12 الظهر كدة ؟
اصل انا كنت هناك وغيرت ماكينة النترا بردو وكانو جايبين مكنتين من المخزن مع بعض ولقيتحضرتك عامل التقرير فقولت اكيد انت! !!

فعلا يا باشا انا كنت فى الهياكل امس وغيريت الماكينة بس انا مشيت من هناك الساعة 10.30 صباحا ويشرفنى معرفة حضرتك والف مبروك على الماكينة