إعـــــــلان

Collapse

.

,
See more
See less

استفسار بخصوص كاوتش الفيرنا وشوية ملاحظات !

Collapse
X
 
  • Filter
  • الوقت
  • Show
Clear All
new posts

  • استفسار بخصوص كاوتش الفيرنا وشوية ملاحظات !

    السلام عليكم ورحمة الله وبركاته

    امبارح غيرت زيت الماتور وقلت اجرب فالوفين بما ان موبيل 1 جربته في الياريس وكان زي الزفت

    حطيت زيت Max Life وده ال Recommended للعربيات اللى ماشية فوق 100 الف كيلو

    طبعا حسيت صوت الماتور هدي حبتين بس برضوا لسه عالي واعتقد ان ده الطبيعي بتاع الفيرنا

    بدات اتعود على العربية وغيارتها الحمد لله ومابقتش تفصل نهائي

    كمان بدات استمتع بسواقتها خاصا العربية التسارع بتاعها ممتاز جدا !

    العربية من قوتها بتفرك على الاول والتاني واعتقد كمان لو اتعود شوية كمان ممكن تفرك على التالت ! خاصا ان العربية بدون RPM بالتالي لسه ودني ماتعودتش على اخر كل غيار فحاسس ان العربية لسه فيها احسن واقوى من كدة

    بتحس ان العربية بتسحبك لورا مع قوة السحب لكن في المقابل مضايقني جدا الثبات اللى في الكفتة والمرايات اللى مش شايف منها اي حاجة

    دلوقتي يا جماعة بفكر عشان اثبت العربية حبتين اركبلها كاوتش الياريس القديم

    هو بيرجيسدون بوتينزا مامشتش بيه الا 30 الف كيلو وحالتهم ممتازة جدا

    اللى مخوفني بس موضوع المقاس ان الكاوتش مقاسه 185/60/15 ! وطبعا هركبه بالجنوط الحديد

    والمقاس ده عامل اختلاف حوالي 4.5% مع المقاس الاصلي للفيرنا وكمان فيه ناس اشتكت من الجنط ال 15 مع الفيرنا واكيد هيتقل الدركسيون اكتر ماهو تقيل ودي حاجة هتخنقني !

    فانتو ايه رايكم ؟ اركبه واجرب مش هخسر حاجة ؟ طالما كدة كدة الكاوتش موجود ولو حسيت بمشاكل ارجع القديم ؟

    ياريت اللى مركبين جنط 15 مع الفيرنا يقولولي انطباعهم ! بس المشكلة اني هركب مقاس 15 بس مع جنط حديد مش اسبور ! !

    وفيه ملاحظة تانية اني حاسس ان الفتيس سعات بحس بخشونة فيه اثناء مابنقل ! يعني سعات الفتيس بيروح للحارات بتاعته بسلاسة وبدون مشاكل وسعات بحس بخشونة كدة شوية في النقل

    فده معناه ايه ؟ ؟ ولا ده الطبيعي بتاع الفيرنا ؟

    والف شكر ليكم
    ..

  • #2
    بص يا باشا ..... مفيش مقاس 15/60/185 .....ممكن 14/60/185 .....حيديك ثبات اكبر ....بس طبعا لازم تغيير الجنوط لو هيه 13 ............و اعتقد المقاس التاني المسموح بالنسبه للفيرنا زي اللانوس 14/60/185 .
    [mtohg=#ff0000]http://nileup.com/up/uploads/nilemotors_13797137751.jpg[/mtohg]
    مع تحيتي
    عمرو ابراهيم

    Comment


    • #3
      مدقش مع العربية اوى طالما مستعملة وماشية كتير
      اللى حيضيع بلدنا : الفهلوة و كلمة باشا و معلش و أصل


      [SIGPIC][/SIGPIC]

      Comment


      • #4
        شوف لو الغيارات بتاعت الفتيس فى الحر او لما العربيه بتكون سخنه بتكون سلسه --وفى حاله انها باردة او لسه هتمشى بيها بتكون الغيارات صعبه يبقه زيت الفتيس عاوز يتغير---بعدين هيه بتفرك علشان الكاوتش رفيع لو الجنط بقه عريض العربيه هتعقل وتهدى شويه

        Comment


        • #5
          هو الكاوتشات اللى عند حضرتك بالجنوط
          لانى اعرف ان جنوط الفيرنا 14 وفى منها 13 كمان؟؟؟

          Comment


          • #6
            المشاركة الأصلية كتبت بواسطة mero100 مشاهدة المشاركة
            بص يا باشا ..... مفيش مقاس 15/60/185 .....ممكن 14/60/185 .....حيديك ثبات اكبر ....بس طبعا لازم تغيير الجنوط لو هيه 13 ............و اعتقد المقاس التاني المسموح بالنسبه للفيرنا زي اللانوس 14/60/185 .
            يعني المقاس 185/60/15 ماينفعش للفيرنا !

            المشاركة الأصلية كتبت بواسطة ashouhdy مشاهدة المشاركة
            مدقش مع العربية اوى طالما مستعملة وماشية كتير
            مانا والله فعلا قلت كدة وهجرب مش هخسر حاجة لو حسيت فيه مشاكل او تعبني في حاجة هرجع القديم

            المشاركة الأصلية كتبت بواسطة lanos2004 مشاهدة المشاركة
            شوف لو الغيارات بتاعت الفتيس فى الحر او لما العربيه بتكون سخنه بتكون سلسه --وفى حاله انها باردة او لسه هتمشى بيها بتكون الغيارات صعبه يبقه زيت الفتيس عاوز يتغير---بعدين هيه بتفرك علشان الكاوتش رفيع لو الجنط بقه عريض العربيه هتعقل وتهدى شويه
            لاء هي سعات سعات يعني مش قصة سخنة او باردة وفعلا انا عارف ان كل مالكاوتش عرض كل ما احتمالية الفرك تقل

            عايزين نطلع بقى نجرب العربيتين يا كبير

            المشاركة الأصلية كتبت بواسطة Kareem Fawzy مشاهدة المشاركة
            هو الكاوتشات اللى عند حضرتك بالجنوط
            لانى اعرف ان جنوط الفيرنا 14 وفى منها 13 كمان؟؟؟
            اه يا باشا انا اللى عندي جنوط 13 وجنوط حديد مش اسبور
            ..

            Comment


            • #7
              عادى نجرب هنخسر ايه اكيد انته بقيت استاذ فى المانول بس شوفت المانول بيتلعب بيه ازاى

              Comment

              Working...
              X