حاااااااادثة

[mahmoudalaa]

السواق عمل حادثة بالعربية والحمد لله جت سليمة ده فيديو للعربية والخساير الاكصدام والشبكه والريدياتير نزل المية وغالبا باظ او الاربة والصدر اللي ورا الاكصدام عايز يترد والكبوت اتعوج
ياريت لو حد يحاول يساعدني في حكاية التصليح لاني مش عارف اروح فين واجي منين وهحاول اروح خاصتا ان السواق كان غلطان و عايز يصلحها هو علي حسابة http://www.4shared.com/folder/N_AKk8Ca/_online.htmlا

[Ashraf_Ibrahim]

لينك التحميل مش سليم يا صديقي !
عموما حمدالله على السلامة وما دام الانسان بخير دا اهم حاجة
اما عن انه يصلحها على حسابه -فطبعا هو اللي غلطان - بس اعتقد ان حاله مش هتبقا ميسورة اوي انه يصلحها على حسابه فياريت تشارك معاه بجزء ليس لشيء غير لله عز وجل

[Kareem Fawzy]

حضرتك ادخل على الموضوع دة
ورشة نايل موتورز لدهان وتجديد السيارات

دى الورشة بتاعت كريم منير مدير عام المنتدى
حضرتك سيب مشاركة فى الموضوع وهو ان شاء الله هيقوم باللازم وكفاية انك عضو فى نايل موتورز
متقلقش هيعمل معاك احلى واجب

بخصوص السواق بدام هو اللى غلطان
شيل معاه جزء من التصاليح كنوع من الزكاه لانه سواق يعنى اكيد غلبان والموضوع دة هيأثر على معيشته بشكل كبير
بالتوفيق
وابقى طمنا عملت اية!!

[m7mda7md]

ربنا يعوض عليك يا باشا.....افيرنتي اتخبطت من كام يوم و هيه واقفه تحت البيت.....بطلت ازعل بصراحه لأن ده نصيب و قضاء و قدر و بقول اللهم اجرني في مصيبتي و ابدلني خير منها و الحمد لله ربنا بيعوض من عنده بس اهم حاجه تكون راضي......كان نفسي اشوف الفيديو و اقولك رأيي بس داخل موبايل للأسف

[mahmoudalaa]

الف شكر يا رجاله والله انا اصلا مش هسيبة يدفع ولا ملييم بس هو كان حاسس بالذنب لانه غلطان غلطه تافهه وكمان العربية التانية اتضرت جامد والرجل مرضيش يمشي الا لما خد 1200 جنية حق التلفيات زي ما قدرها هو و وربنا ستر الحمد لله وبالنسبة لحكاية ورشه نايل موتورز انا فعلا كلمت استاذ كريم منير وهو قمه في الذوووق وان شاء الله هروحله يوم الاتنيين وده اللينك يارب يكون شغال VID-20120310-00010.3GP - 4shared.com - file sharing - download movie file

[shaddadfalcon1]

الحمد لله انها جت سليمه
النهارده نازل اصور ابني عشان المدارس و العربيه كانت واقفه في جراج لقيت واحد الله يجازيه مبهدلي الأكصدام بحته من الرفر وكاسر الفبره اللي تحت الفانوس اليمين

[rompo10]

الحمد الله