هل جنط الـrb الأصلى مقاس "16 بيتباع ؟

[Mohamed_Gamil]

انا معايا أكسنت rb الهاى لاين وكيل بالجنط الـ"14 الى كلنا عارفينه وطبعآ مقاس الكاوتش مش عاجبنى خالص وشكله مش حلو فهل ممكن أشترى الجنط الأصلى مقاس "16 زى الى بينزل فى الـrb الخليجى ؟؟

أرجو الأفاده

[Ahmod]

انا معايا أكسنت rb الهاى لاين وكيل بالجنط الـ"14 الى كلنا عارفينه وطبعآ مقاس الكاوتش مش عاجبنى خالص وشكله مش حلو فهل ممكن أشترى الجنط الأصلى مقاس "16 زى الى بينزل فى الـrb الخليجى ؟؟

أرجو الأفاده

الجنط الاصلي يا تجيبه من التوكيل وده بيبقى غالي جدا وهتسمع ارقام غريبة !

ياما تنزل الحرفيين وتحاول تجيبه استيراد

انا انصحك تركب جنط اسبور بيبقى فيه تشكيلات حلوة وكشكل كمان احلى من الجنط الاصلي

ده لو معرفتش تجيب الاصلي بتاعها

[Kareem Fawzy]

ابعد عن التوكيل علشان ممكن تدفع 8000 جنيه
انزل الحرفيين وشوفه موجود استيراد ولا لا
مالاقيتش هات جنوط سبور المقاس اللى يعجبك ودة احسن فى نظرى
بالتوفيق

[el_nahal2004]

هو متهيالى اصلا مش هتلاقيه فى التوكيل
عليك وعلى الحرفين ودور عليه
او هات جنط سبور حلو
بس بقدر الامكان هاته نفس وزن الجنط الى فيها عشان متحملش على العربية

[mahmoud_afifi]

بلاش تروح التوكيل عشان ممكن تقل أدبك على الموظف في التوكيل لما تسمع سعر الجنط !!!
انا كنت هقل ادبي لما سمعت سعر جنط النترا (ب8800 جنيه) بس كنا رمضان وكنت صايم ^_^

اشتري جنط سبور او اعمل الفكره الي انا كنت هعملها اني اجيب جنط ماركه تانيه وأغير الصره بتاعته بواحده هيونداي من شارع احمد سعيد.

[sabregas2010]

فى جنوط كتير شكلها احلى من الجنط الاصلى للعربية وارخص بكتيييييييييير من التوكيل

[heart_sugar]

السلام عليكم
انا عندي العربية وسئلت على الجنط في التوكيل عامل 2500 جنية للجنط يعني الاربع فرد والاستبن يعملو 12500 جنية فانا شايف انك تشتري جنط اسبور محترم احسنلك وارتب
وعلى فكره انا مستعد اشتري الجنط بتاعك ال14 لو حبيت تبيعه لعربيتي
وانا تحت امرك وربنا يوفقك