تقرير تعديل اضاءة الفيرنا :d

[Ashraf_Ibrahim]

الاضاءة دي روح العربية بالليل !
وأهم ما يمكن لأي عربية ماشية على طريق ضلمة كحل مفيهوش صريخ ابن يومين -ولا يوم واحد حتى - :d
المهم قريت كتير عن لمبات اوزرام وفيليبس والحجات دي وقلت بلاش نلعب في الكهربا وجبت اوزرام نايت بريكر
كانت اضاءتها احسن من الفابريكة طبعا
لحد ما جت اللمبة الشمال -النور العادي بتاعها اتحرق- يعني بقت شغالة عالي بس - عشان انا الواطي والعالي على لمبة واحدة !
بقيت في حيرة من امري!
هل اركب لمبة فابريكة مكان اللمبة اللي اتحرقت دي؟!
واللا اشتري جوز اوزرام تاني ب 120 جنيه واركب منهم واحدة واخلي واحدة استبن؟!
واللا امشي بلمبة واحدة ولما اتزنق اشغل العالي؟!
لحد ما لمع في دماغي الفكرة التانية اللي كنت رافضها وهو تغيير اللمبات بلمبات أعلى !
نزلت السوق قعدت ألف شوية على لمبات عالية ألماني لحد ما جبت لمبات 200/260 جبت 3 لمبات ب 70 جنيه -خليت لمبة احتياطي معايا في العربية -
وقمت طالع على كهربائي في شبرا شغال في التوكيل اصلا يوم اجازته
قلتله طلباتك ؟!
جبنا سلك تخين وجبنا كتاوت وسلوك رفيعة وشوية حجات كدة قعدت 100 جنيه
ركب يا ريس قعد يشتغل هو واتنين كمان معاه في العربية -تقريبا اشتغلوا ساعة ونص-
يمكن جوا المدينة محسيتش بفرق اوي
لكن امبارح وانا راجع من اسكندرية عالصحراوي بالليل -الساعة 1 تقريبا -
كان رائع جداااااااااااااااااااا
يكفي انه كان كاشفلي ال 4 حارات بتوع الطريق وكاشف قدامي بمسافة مهولة وكبيرة جدا
حسيت اني متحكم في الطريق وان كل شيء في الطريق واضح قدامي واني ماشي بالنهار مش بالليل خالص
تقريبا تكلفة العملية دي كانت 250 جنيه
بس فعلا تستاهل ال 250 جنيه على الاضاءة اللي انا شفتها امبارح
ما شاء الله عليهم -كنت عاوز اقف اصورلكم صورتين على الصحراوي - بس قلت مش انتوا تتفرجوا وانا اتثبت

[Ashraf_Ibrahim]

بما اني كنت على الصحراوي امبارح -واول مرة اعدي البوابات بالعربية -كان دايما اخري ابو رواش -
قلت اجرب العربية على سرعات عالية شوية
كنت ماشي 120 فلقيت فيرنا طاير من جنبي قلت مبدهاش بقا الواد دا غلط ولازم اعرفه غلطه
قمت كابس بنزين بدون ماسقط نقلات ولا حاجة عالخامس
العربية وصلت ل 170 بكل سهولة وبدون اي معاناه بعد كدة التسارع بدأ يقل شوية لحد ما وصلت 180 بعد كدة بدأ يقل أكتر لحد ما وصلت 190 فضلت على 190 شوية لحد ما عديت من جنبه وانا ضاربله العالي وبعد كدة فطست على نفسي من الضحك اساسا
قلت زمانه بيقول مين العبيط اللي ماشي بالفيرنا كدة
ههههههههههههههههههههه
كررت الموقف دا مع كذا عربية على امتداد الطريق
وكنت ماشي بسرعة متوسطة 130 تقريبا
لحد ما عدت من جنبي عربية معرفتش المح منها غير فانوسها
قلت اجيبه هو كمان
على ما وصلت ل 190 وفضلت ثابت عليها لفترة طويلة معرفتش اجيبه برده !
معرفش هو مين ولكن كل اللي اعرفه انه كان ماشي بسرعة تتجاوز ال 190 وثابت عليها كمان ! وانا كل شوية اقول هو فين
همشي ايه تاني اكتر من كدة
فاضلي 10 كم واقفل العداد وانا معنديش ار بي ام فمش عاوز اعملها
ههههههههههههههههههه
اخر ما زهقت وفقدت الامل قمت نازل ل 140 تاني
جميل الصحراوي في الجري :d بس تحويلاته مش حلوة :d

[koshary]

مادام ركبت كتاوت بقا واللمض ب 70 جنيه كنت زودت 25 جنية وجيبت الفيليبس رالى بجد والله ماشوفتش زيها وجربت

اللمض اللى انتا جبتها وجربت النارفا وجربت حاجات كتير والله ماشوفت زى الرالى دانتا كنت هتدعيلى لو جيبت الرالى وده

رابط الصور بتاعتها شوف الصور عامله ازاى مع ان الشارع عندى مطلع وشوف منوره ازاى ..........................

http://www.nilemotors.net/Nile/275823-a.html

[mahmoud_afifi]

الف مبروك يا أشرف باشا على اللمبات الجديده. بس عاوزين صور ليها وهي جوه المدينه حتى. والمهم تكون مابتضايقش الناس. وحمدلله على سلامتك من السفر

[moh19227]

الف مبروووك علي اللمبات الجديده بس عاوز اعرف نوعهم ايه بالظبط ؟

ركب يا ريس قعد يشتغل هو واتنين كمان معاه في العربية -تقريبا اشتغلوا ساعة ونص-

شغل قص ولحام وعك ولا حاجه سهله ولا ايه علشان الناس بتخاف من الشغل اللي زي ده
و 250 سعر كويس بس ياريت صور لو ينفع

[bmwx5n]

ممكن اعرف مكان الكهريائي عشان انا عوز اعمل الموضوع ده من فترة و انا سكان فى دوران شبرا يعنى جيران شكرا

[Ashraf_Ibrahim]

مادام ركبت كتاوت بقا واللمض ب 70 جنيه كنت زودت 25 جنية وجيبت الفيليبس رالى بجد والله ماشوفتش زيها وجربت

اللمض اللى انتا جبتها وجربت النارفا وجربت حاجات كتير والله ماشوفت زى الرالى دانتا كنت هتدعيلى لو جيبت الرالى وده

رابط الصور بتاعتها شوف الصور عامله ازاى مع ان الشارع عندى مطلع وشوف منوره ازاى ..........................

http://www.nilemotors.net/Nile/275823-a.html

والله يا عزيزي انا معلوماتي بتقول ان الرالي صعب انك تلاقيها شوية
عموما احنا عملنا كتاوت وظبطنا المسائل يعني لو حبيت اجيب الفليبس رالي سهل اني اجيبهم واكربهم مباشرة لأن الحياة كدة كدة متظبطة :D
ربنا يبارك فيك يا عزيزي

الف مبروك يا أشرف باشا على اللمبات الجديده. بس عاوزين صور ليها وهي جوه المدينه حتى. والمهم تكون مابتضايقش الناس. وحمدلله على سلامتك من السفر

حاضر يا عزيزي هصورهالك جوا المدينة بس جوا المدينة مش اوي ولكن اتفرج عليها على الطرق السريعة وسط الضلمة تحفة فنية مرسومة
مش بتضايق الناس لأني مظبط الرجلاش لا تقلق
الله يسلمك يا عزيزي
واحشني والله يا حودة

الف مبروووك علي اللمبات الجديده بس عاوز اعرف نوعهم ايه بالظبط ؟

شغل قص ولحام وعك ولا حاجه سهله ولا ايه علشان الناس بتخاف من الشغل اللي زي ده
و 250 سعر كويس بس ياريت صور لو ينفع

هجيب لحضرتك نوعهم تحديدا بكرة ان شاء الله
الشغل من انضف ما يمكن انا كنت واقف على ايده في كل حاجة وكل سلك عمله او قصه لحمه وعزله كويس جدا
شغل نضيف بكل ما تحويه الكلمة من معنى وانا راضي عن الشغل بتاعه واقدر اقول لأي حد روحله وانت مطمئن
حاضر هحاول اظبط صور بكاميرة موبايلي العظيمة -التعبانة يعني :D -

ممكن اعرف مكان الكهريائي عشان انا عوز اعمل الموضوع ده من فترة و انا سكان فى دوران شبرا يعنى جيران شكرا

الكهربائي دا جنب نصر الاسلام في ميدان فيكتوريا
حضرتك تقدر تكلمني في اي وقت ونتقابل ونروحله سوا
هو اجازته من التوكيل بتبقا يوم الاتنين وانا الاتنين من الساعة 1.30 تقريبا ببقا في شبرا لحد بالليل تقدر تكلمني في اي وقت نروحله وتعمل كل اللي انت عاوزه
دا تليفوني
01113014761 أشرف الجوهري

[BUNSH]

الف مبروووووووك ياااكبير وربنا يحفظهلك من عيين !!
فييين صور ,, تقرير دة ناقص (أنا اعترض) ,,

الكهربائي دا جنب نصر الاسلام في ميدان فيكتوريا

قريب من عربية مسمط ولا لأ ,,

[Ashraf_Ibrahim]

حاضر هصورها والله علشانكم حاضر
العربية اللي جنب نصر الاسلام يعني مش اوي بس هو في شارع جانبي
اي حد يحب يروحله يكلمني وهوديه ليه بصراحة هو فاهم هو بيعمل ايه بس يمكن حراق شوية في المصنعيات بس انا بحاول معاه نظبط الاسعار شوية لا تقلقوا :d

[mazagngi2010]

مبروك ياكبير

[Ashraf_Ibrahim]

الله يبارك فيك يا مزجانجي :d