محتاج اظبط الباب :(

[egy_3assy]

يا جماعة انا كنت هتشيع جامد .. اول امبارح ماشي عند سيتي ستارز كدة و بعدين طلعلي تاكسي غريب الاحوال كدة و طالع منت شارع جانبي بسرعة و على الواسع و حالتة غلط في غلط .. المهم انا عملت الطبيعي (شتمتة بالكلكس) :) ودي اخر حاجة عملتها .. جيت جنبة و قلتلة يعني في حد بيكسر كدة والله العظيم هو دة اللي قلتة بالظبط مكنتش اعرف انو عصبي كدة
لقيتو جري و قفل الشارع عليا و نازل من العربية و معاة 3 غيرة و جري عليا جيت افتح باب العربية فكانت رجلي الشمال برة ورجلي اليمين لسة جوة العربية ... راح بعزم ما فية قافل باب العربية على رجلي بتاع 4 مرات كدة بغباوة .. طبعا الناس اتلمت و شدوة و بتاع والعيال الي معاة عايزين يعملو الواجب وانا لا حول لي ولا قوة واول مرة تحصلي لية بقي كل دة عشان العصبية لية اشتمة من الاول .. مالواحد يبقي تمام و يعاتبة براحة او امشي في حالي وخلاص بس لا ... والله لو اتخانقت كل يوم ما اسكت لسواقين التاكسي .. عشان عاملين رجالة و يوم ما بيقف قدام الامين بيبقي زي السحلية .. المشكلة بقى مش فية و اني مش قادر امشي على رجلي .. المشكلة ان الباب مرحل و مش بيقفل الا لما ارزعة جاااااااااامد .. هل ممكن اعملة انا ولا يروح لسمكري ولا لمين بالظبط؟؟

[mado83]

اولا الف سلامه على رجلك وف داهيه الف عربيه
ثانيا انته غلطان انك شتمته بالكلاكس لازم تمسك اعصابك برضو لانك ماتعرفش ظروفه ايه انه يكون معاه حاله حرجه ولا اى حاجة تستلزم خروجه بسرعه
ثالثا مش شتمته كمان رايح جنبه ليه يبقى انته كده عايز تتخانق
لازم كل واحد يمسك نفسه شويه لان لو كل واحد عمل زيك يبقى كل 30 متر هعمل مشكله
اما بالنسبه للباب روح لبتاع بيبان يظبطهولك

[Elawany13]

حمد الله على السلامة
أستغفر الله العظيم
الناس مبقتش طايقه نفسها
أى حاجه تافهة تقلب بغم وبخناق وبضرب وممكن بموت كمان
بلطجه وقلة أدب

الشتيمة بالكلاكس بتكون إزاى ؟؟؟!!!

[Kareem Fawzy]

بسيطة ان شاء الله
علشان كدة انا سايب الكتريك فى بابى
علشان الاشكال القذرة دى
لازم الواحد يعلمهم الادب
ربنا ينتقم منهم
انصحك تروح لسمكرى علشان يرجعهالك زى ما كانت

[BUNSH]

حمدلله على سلامة حضرتك ,, وقدر الله ماشاء فعل .
وان شاء الله تكون بسيطة .

الشتيمة بالكلاكس بتكون إزاى ؟؟؟!!!

+11111

[verna2008auto]

الف سلامة عليك
المهم الباب دة مش ها يكلفك اكتر من 5 جنية عند ( السمكري )
ماتقلقش خيرها في غيرها
وابقا هتلك ( إليكتريك ) وشيلة معاك

[SAMEH_FOUAD]

انت كنت طلع عينة كمان انت سيبتة ازاى اصلا يعنى واحد مابيعرفش يسوق وخارج وكان هيخبطلك العربية , وانت شتمتة بالكلاكس ( دية غلطتك ) كنت جيت جنبة بس وقولتلة اللى هو عملة قل ادبة بقى كطنت نزلت وريت نفسة او بلغت الشرطة اذا كانت موجودة او كلم اصحابك يجوا يقفوا جنبك لكن بالمنظر دة انة يخبط الباب على رجلك اربع مرات ويوقف العربية بالعرض دة شغل بلطجة وكان لازم يتأدب

عموما الحمد لله على سلامتك والموضوع سهل انت ممكن تعملة بأيدك بس لما تقوم بالسلامة ان شاء الله دة لما باب العربية بس بيتقفل على رجلك بالراحة الواحد بيحس ان رجلة اتكسرت ربنا يكون فى عونك

[egy_3assy]

اولا الف سلامه على رجلك وف داهيه الف عربيه
ثانيا انته غلطان انك شتمته بالكلاكس لازم تمسك اعصابك برضو لانك ماتعرفش ظروفه ايه انه يكون معاه حاله حرجه ولا اى حاجة تستلزم خروجه بسرعه
ثالثا مش شتمته كمان رايح جنبه ليه يبقى انته كده عايز تتخانق
لازم كل واحد يمسك نفسه شويه لان لو كل واحد عمل زيك يبقى كل 30 متر هعمل مشكله
اما بالنسبه للباب روح لبتاع بيبان يظبطهولك

والله يا معلم كلامك صح وانا مش بتاع مشاكل بس لما جيت جنبة انا رايح اعاتبة و مكنتش بزعق اساسا ... يلا خير

[egy_3assy]

حمد الله على السلامة
أستغفر الله العظيم
الناس مبقتش طايقه نفسها
أى حاجه تافهة تقلب بغم وبخناق وبضرب وممكن بموت كمان
بلطجه وقلة أدب

الشتيمة بالكلاكس بتكون إزاى ؟؟؟!!!

بص هي ليها نغمة كدة ... الشباب يفهموك بقي عشان ملهاش كتابة :]

[egy_3assy]

الف سلامة عليك
المهم الباب دة مش ها يكلفك اكتر من 5 جنية عند ( السمكري )
ماتقلقش خيرها في غيرها
وابقا هتلك ( إليكتريك ) وشيلة معاك

انا فعلا دي الخطوة الجاية

[egy_3assy]

انت كنت طلع عينة كمان انت سيبتة ازاى اصلا يعنى واحد مابيعرفش يسوق وخارج وكان هيخبطلك العربية , وانت شتمتة بالكلاكس ( دية غلطتك ) كنت جيت جنبة بس وقولتلة اللى هو عملة قل ادبة بقى كطنت نزلت وريت نفسة او بلغت الشرطة اذا كانت موجودة او كلم اصحابك يجوا يقفوا جنبك لكن بالمنظر دة انة يخبط الباب على رجلك اربع مرات ويوقف العربية بالعرض دة شغل بلطجة وكان لازم يتأدب

عموما الحمد لله على سلامتك والموضوع سهل انت ممكن تعملة بأيدك بس لما تقوم بالسلامة ان شاء الله دة لما باب العربية بس بيتقفل على رجلك بالراحة الواحد بيحس ان رجلة اتكسرت ربنا يكون فى عونك

الحمد لله قدر الله وما شاء فعل ... المشكلة كانت معايا خطيبتي و اكيد كنت خايف عليها اني ادخل في خناقة وهي موجودة ... ويمكن دة سبب خلاني ميحصليش حاجة اكتر من كدة لو كان اداني بكوريك ولا صليبة واتشوهت... الحمد لله

[verna2008auto]

الحمد لله قدر الله وما شاء فعل ... المشكلة كانت معايا خطيبتي و اكيد كنت خايف عليها اني ادخل في خناقة وهي موجودة ... ويمكن دة سبب خلاني ميحصليش حاجة اكتر من كدة لو كان اداني بكوريك ولا صليبة واتشوهت... الحمد لله

لا تقلق يا مومبية ...
العيب ان انتا ماسكتة عليك غلط ..لانك شتمت
يعني ( اذا ارتفعت الايدي تساوت الرتب ) فا انتا كده نزلت لمستواة
معلش انا عارف سعات حجات كتير بتفور الدم ..بس لو كنت تقدر ( تلسعة شتيمة واله تيت تت ) وتجري كان ده افضل بس هوا ( رإم )وهرش الفولة وطلع سد عليك الطريق

[ZOoOoMA]

اولا حمد الله على سلامتك
ثانيا طول ما الواحد ماشي في الطريق هتلاقي مليون حاجه تفور دمك
ثالثا طالما معاك خطيبتك او اهل بيتك احكم اعصابك قوي و متتخانقش مهما حصل
لكن لو معاك حد من اصحابك او كده من حقك لما حد زي الحيوان ده يقل ادبو عليك انك تديه ب الجزمه لان هوا غلطان مليون في الميه بس هوا لما طلع عليك وانت شتمته ب الكلاكس كده واحده ب واحده و لما انت عاتبته هوا كان مستنيك تقول حاجه عشان ينزل يتخانق كان بيتحجج يعني و هاتلك الكتريك زي و حطه في الباب او تحت الكرسي زي انا ما بعمل تحمي بيه نفسك من قله ادب الناس الي زي كده
و ب النسبه للباب اي سمكري هيرجعهولك في 5دقايق و خير ان شاء الله

[المنسي]

انت كنت طلع عينة كمان انت سيبتة ازاى اصلا يعنى واحد مابيعرفش يسوق وخارج وكان هيخبطلك العربية , وانت شتمتة بالكلاكس ( دية غلطتك ) كنت جيت جنبة بس وقولتلة اللى هو عملة قل ادبة بقى كطنت نزلت وريت نفسة او بلغت الشرطة اذا كانت موجودة او كلم اصحابك يجوا يقفوا جنبك لكن بالمنظر دة انة يخبط الباب على رجلك اربع مرات ويوقف العربية بالعرض دة شغل بلطجة وكان لازم يتأدب

عموما الحمد لله على سلامتك والموضوع سهل انت ممكن تعملة بأيدك بس لما تقوم بالسلامة ان شاء الله دة لما باب العربية بس بيتقفل على رجلك بالراحة الواحد بيحس ان رجلة اتكسرت ربنا يكون فى عونك

ياسيدي هيعمل ايه ماهو لوحده والتانى معاه تلاتة وبيقولك هو شتمه والتانى قفل عليه ده كويس ان مضربوش بمفك وجابله عاهة مستديمة النوعية اللى زى دى الواحد يتجنبها احسن خلاص خرج وهو شتمه بالكلاكس كان مشي وخلص الموضوع وخصوصا ان معاه خطيبته والحمد لله انها جت على كده

[surfer3098]

تات تت تأت تات تت XD وفي حاجات تانية كتير ربنا يستر ومانتوقفش xD