نيو اكسنت 2010

[shadyshod90]

صباح خير يا جماعه
كان عندي استفسار سعات بحس وانا نازل من المطب خصوصا وانا بجيب الاول بهدب ياترا ده ايه

[Kareem Fawzy]

روح لعفشجى خليه يشيكلك على المساعدين لان دة غالباً مساعد
ولو عربية حضرتك لسة فى الضمان روح التوكيل ولو قالولك هنصلحه قولهم يتغير
وعلى حسابهم طبعاً

[shadyshod90]

بس حضرتك صوت الهدب ده بحس جي من ورا مش من الكوتش

[crayvor]

ماعرفش تركيب النيو أكسنت بس اتأكد ان الجنط الاحتياطي متربط مكانه صح والكوريك في مكان ثابت مش بيتنطط وراجع كدة ع اللي جوة الشنطة.. واتأكد ان مافيش بوش ف باب الشنطة لما بيقفل.. وأكد علي ربط العفشة بالشاسيه. وقولنا صوت الهبد ده حديد في بعضه ولا زي ما تكون مخدة ولا ايه؟

وعلى حسابهم طبعاً

المساعدين والحاجات الاستهلاكية ف العربية ضمانها تقريبا 10000 كيلو أو حاجة كدة فا احتمال أغلب حايتغير علي حسابه.. الا لو توكيل غبور له نظام تاني ويبقي أول مرة ف حياتي أحترمه ف حاجة.

[Ashraf_Ibrahim]

راجع اولا على ضغط الهوا بتاع الكاوتش -الضغط الزيادة يخليك تحس بالهبدة دي - ومن ثم بعدها على اجزاء العفشة