فالفولين و بدايه طيبه

[m7mda7md]

بعد ما لفيت حوالين نفسي بسبب زيت فتيس الفيرنا و مش لاقي gl 4 قررت اجيب فالفولين و بالفعل اتصلت بيهم و ناس في منتهي الذوق بصراحه و طلبت 3 لتر و وصل النهارده ...... شحن نضيف مع ان الحاجه جراكن و مش محتاجه و التكلفه 10 جنيه لحد اسيوط و بصراحه سعر تنافسي جدا مقارنه بالمبالغ ال دفعتها قبل كده في عمليات تاني................عبوه الزيت منتهي النضافه و هقولكم اخر الاخبار ان شاء الله بعد ما اغيره.......هيه الكميه المفروض تتحط كام لتر صحيح؟

[verna2008auto]

بعد ما لفيت حوالين نفسي بسبب زيت فتيس الفيرنا و مش لاقي gl 4 قررت اجيب فالفولين و بالفعل اتصلت بيهم و ناس في منتهي الذوق بصراحه و طلبت 3 لتر و وصل النهارده ...... شحن نضيف مع ان الحاجه جراكن و مش محتاجه و التكلفه 10 جنيه لحد اسيوط و بصراحه سعر تنافسي جدا مقارنه بالمبالغ ال دفعتها قبل كده في عمليات تاني................عبوه الزيت منتهي النضافه و هقولكم اخر الاخبار ان شاء الله بعد ما اغيره.......هيه الكميه المفروض تتحط كام لتر صحيح؟

الف مبروك
انا جربتهم فعلا وعملت موضوع كامل عنهم
دول شركة محترمة جدااا نتمني يدوم الحال

[m7mda7md]

هو ده ال انا خايف منه و الله.......نتمني فعلا يفضل الآداء علي المستوي الممتاز ده

[Ashraf_Ibrahim]

الفتيس المانيوال تقريبا بيخد 2.15 ليتر

[m7mda7md]

ألف شكر يا اشرف بك......تم التغيير الحمد لله......الزيت كان نازل تقريبا نفس شفافيه الزيت الجديد........يعني اقل نضافه بحاجه بسيطه يدوب تلاحظها بالنظر.........الآداء اعتقد لم يفرق في شئ......بكره ان شاء الله هطلع بيها علي طريق و اشوف التسارع هيفرق ولا لأ........مش عاوز امشي ورا الاوهام بس متهيألي العربيه صوتها اوطي مع الآر بي إم العالي........كمان دخلنا في فصل الصيف و كده كده العربيه في الصيف بتبقي في منتهي النعومه و الهدوء و بالتالي الحكم بين الزيت القديم و الجديد هيكون صعب.......الأمل الوحيد يكون في استهلاك البنزين عشان احس ان ال 250 جنيه ال دفعتهم مراحوش هدر هههههههههههههههههههههههههههههه........اه صحيح كنت هنسي.......الكتالوج مكتوب فيه ان زيت الفتيس المانيوال بيتغير كل 100 ألف و الأوتو كل 40 ألف........!!!!!!!!!!!!! !!!!

[BUNSH]

الف مبروووووك ,, وربنا يباركلك فيها ,, وعايزين تقرير بقى عن الاداء ..

[m7mda7md]

الله يبارك فيك يا باشا......و اول ما اشوف التسارع و الاستهلاك هبلغكم علي طول ان شاء الله

[Kareem Fawzy]

مبروووووك يا باشا
بس زيت الفتيس مش هيفرق فى حاجة ولا فى التسارع ولا فى استهلاك البنزين
الموضوع وما فيه هو انك حطيت زيت نضيف هيحافظ على الفتيس بتاع حضرتك

[m7mda7md]

لأ يا كريم......متصدمنيش بالحقيقه المره هههههههههههههههههههههههههههههه.......انا عامل حسابي اني راكن العربيه الليله دي و فيها الزيت علي اساس الصبح ونا رايح الكليه هشيل الغطا الاقيها لامبورجيني هههههههههههههههههههههههههههههههههههههههه........كن ت قريت مره ان زيت الفتيس الكويس مقاومته للتروس قليله و بالتالي جهد اقل للموتور و بالتالي استهلاك بنزين و تسارع افضل

[Ahmed Amin]

لا ياعم محمد أنسي موضوع الامبورجيني دا :)
كريم كلامه مظبوط, هوا كل اللي ممكن يعمله معاك بس زيادة علي كلامك هتحس أن النقلات سلسلة أكتر أو ناعمة في نقلة الغيار مش أكتر.
ومبروك علي تغيير الزيت يامعلم.
وربنا يستر عليك طريقك وطريقنا.

[Samah AbdAllah]

لا يا كريم كده شكلك مش هتعمر معانا :-)
من اولها تصدم الراجل كده
هو احنا عاملينك منسق عشان تجيب احباط للاعضاء ولا ترفع معنوياتهم
انت تقوم الصبح تاخد عربيته وتحطله مكانها لامبورجينى وتكون نفس اللون وبنفس النمر :-))
دورك الرئيسى راحة الاعضاء :-)

مبروك استاذ محمد عالزيت وفالفولين من افضل الشركات ويتمتعوا بسمعة طيبة والكل اشاد بيهم لحد دلوقتى

[Kareem Fawzy]

لأ يا كريم......متصدمنيش بالحقيقه المره هههههههههههههههههههههههههههههه.......انا عامل حسابي اني راكن العربيه الليله دي و فيها الزيت علي اساس الصبح ونا رايح الكليه هشيل الغطا الاقيها لامبورجيني هههههههههههههههههههههههههههههههههههههههه........كن ت قريت مره ان زيت الفتيس الكويس مقاومته للتروس قليله و بالتالي جهد اقل للموتور و بالتالي استهلاك بنزين و تسارع افضل

ههههههههههههههه
طيب اعمل اية طيب دى الحقيقة الفرق كله انك هتحس بسهولة فى النقلات بس مش اكتر :)

[Kareem Fawzy]

لا يا كريم كده شكلك مش هتعمر معانا :-)
من اولها تصدم الراجل كده
هو احنا عاملينك منسق عشان تجيب احباط للاعضاء ولا ترفع معنوياتهم
انت تقوم الصبح تاخد عربيته وتحطله مكانها لامبورجينى وتكون نفس اللون وبنفس النمر :-))
دورك الرئيسى راحة الاعضاء :-)

مبروك استاذ محمد عالزيت وفالفولين من افضل الشركات ويتمتعوا بسمعة طيبة والكل اشاد بيهم لحد دلوقتى

ههههههههههههههههههههه
الصبح اللامبورجينى تبقى واقفة قدام البيت
تحب لونها يبقى اية؟؟؟؟
هههههههههههههههه

[Ashraf_Ibrahim]

وانا كمان عاوز لامبورجيني :d

[Kareem Fawzy]

وانا كمان عاوز لامبورجيني :d

جاى انتا فى اى زيطة وخلاص
مفيش لامبورجينى وهناخد منك زوزو كمان عجبك ولا مش عاجبك
ههههههههههههه