ساعات كتير الجير الخلفى فى الفرنا بيعلق و يعمل صوت

[atamim]

السلام عليكم ورحمه الله و بركاته

ساعات و انا بجيب ورا و غيرت الجير الاقى بيعمل صوت و مبيشتغلش

فارجع اجيبة فى المور و ادوس تانى دبرياش

ساعات بيجى على طول او يفضل مرة او اتنين ما يجيش

يا ترى حد يعرف السبب

خايف لو رحت الصيانه و قولتهم علية يبوظوة اكتر

مش هوة بيتنقل زى بقية السرعات التانية ولا فية سوسته من جوة لازم اضغط جامد و انا بنقل؟

[Ahmed Selim]

بص يا باشا

أنا سمعت الموضوع ده أكتر من مرة فى فيرنا و فى أكسنت وفعلاً بتحصل فى أكسنت 2006 بتاعت مراتى بس مش عارف من أيه

,برضه قلقان أروح التوكيل زيك بدل ما يبوظوه

[mada33]

مش هوة بيتنقل زى بقية السرعات التانية ولا فية سوسته من جوة لازم اضغط جامد و انا بنقل؟

هو كده فعلا المارشدير أتقل شوية من الباقي لازم تروح لأقصي اليمين ثم تعشق المرشدير وتكون دايس الدبرياج لآخره .
وأنا بيحصل معايا كده ساعات لكن دايما أكون يأما مش دايس دبرياج كويس ز
ومتهيئلي برضو دا بسبب نعومة النقلات الخمسة الامامية فاواحد بيحس ان المرشدير فيه حاجة غلط
وأسف اذا كنت طولت عليكم

[MoToRiZeR]

انا كنت بحس بكدة في السيريون و قلتلهم في التوكيل
و المهندس قاللي " عــيــب ســواق "
و عملها ادامي مرتين .. مرة غلط و الصوت طلع
و مرة صح و مطلعش اي صوت ولا علق عشان يأكدلي

و بعد كدة اما بقيت اخد بالي وانا بجيب الجير الخلفي مبقاش فيه اي مشاكل

دوس دبرياج عالأخر .. عالأخرررر ... و هاته اقصي اليمين و عشقه في مكانه
و إن شاء الله يكون مفيش حاجة :)

[smsmbakr]

ياباشا العيب ده عندي برده في الفرنا
بس ده مطلعشي عيب
انا سألت ورحت التوكيل
وقالي لازم تتكك على الدبرياج على الاخر
وتجيب الغيار على اليمين على الاخر ولتحت
بس ياسيدي ومتخفشي مش عيب