النترا 2012 مسروقه برجاء المساعده

[party_0000]

ربنا ان شاء الله هيرجعهالك او هيروقك باحسن منها .. احتسبها لله .. بس معتقدش ان الحرامي هيرجع بالعربية للهرم تاني يعني .. هي متأمن عليها ؟

ربنا يكرمك
العربيه متامن عليها ولسه هشوف ايه اللي ممكن يتعمل مع التامين
هيا القزاز اتكسر وهيا تحت البيت واكيد درات عادي ومشيت
انا مش عارف التكونولوجيا اللي بيحظوها في العربيات دي اشتغالات والا ايه ؟!
ربنا ينتقم من حرامي دنيا واخره

[engtmk]

لا الله الا الله والمنتقم هو الله
سرقت من اما منزلنا بهضبه الاهرام اليوم 17-3-2012 عربيه هيونداي النترا 2012 gls
رقم ( ر ن 7425 )
اللون : اسود gls بدون فتحه سقف ولكن بجنط
السياره من شركه المصريه يعني مكتوب عليها من الخلف اسم شركه المصريه على الشنطه
رقم موبايل 01003509399

ربنا يردها لك وان شاء الله اي عربيه النترا سودا هتعدي ادامي هشوفها وان شاء الله ربنا يعينا ونلاقيها ان شاء الله.

[party_0000]

ربنا يحرق قلبهم .. ده أنا دمي إتحــرق ليك والله
ربنا يحرق بيوتهم .. ويحرق قلبهم .. ويرزقهم بنار في الأخرة تحرقهم للأبدية
حسبي الله ونعم الوكيل
.
طيب عملت محضر في الشرطة الهمامة بتاعتنا؟

ربنا يكرمك وميحطش حد في الموقف ده ابدا
اه عملت محضر بس وبعدين !!!

[party_0000]

ياخى والله قلبى اتوجعلك اقسم بالله نفسى اشوفى حرامى بعينى بيسرق عربية بالله لاقطعه حتة حتة شعور وحش اوى اوى انك تنزل ومتلاقيش عربيتك ده انا بحس انها حتة منى اينعم هيا صفيح بس بحس انها بنى ادم بيفهمنى عارف ان كلامك ممكن ناس تقول عليه هبل
بس ازاى سرقوها الكونتاك مشفر مبيدورش الا بمفتاحها الاصلى انا حاولت ادور عربيتى برضه بمفتاح عادى مدارتش وسالت فى التوكيل لازم المفتاح الاصلى

يارب ميحط حد في الموقف ده ابدا
انا حاسس اني في كابوس مش مصدقه ان احنا وصلنا للمرحله دي
فعلا السارق اقل عقوبه قطع ايده علشان الحرقه اللي بيحس بيها المجني عليه
العربيه بمفتاح وامبوبليزر بس انا مش عارف بقوا يدوروا العربيات بالسهوله دي ازاي ؟؟؟؟

[ahmed255741]

باذن الله العزيز الحكيم حترجع انا متاكد
لو الحرامي عرف ان ايده حتنقطع ماكنش فكر ف السرقة
لا حول ولا قوة الا بالله العلي العظيم
اللهم اجرني في مصيبتي واخلفني خير منها قول الدعاء ده

[Amro_ON]

حسبي الله ونعم الوكيل ....ربنا يفك كربك على خير إن شاء الله
اللون الاسود في الالنترا الجديده قوليل ....ان شاء الله اي واحده تقع قدامي هشوف نمرها

ان شاء الله هترجع

[احمد المصرى]

للهم رد إليه ضالته.
ربنا يردها إليك سالمه بإذن الله.

[SAMEH_FOUAD]

ربنا يصبرك ويعوضك خير عليها بإذن الله

وان شاء الله تلاقيها فى اقرب وقت وتكون بحالتها

وبجد ربنا يكرمنا ونقدر ننهى بقى المهزلة دية اللى كل شوية عربية تتسرق ولسة جديدة وبيبقوا عارفين الحرامية ومش عايزين يجيبوهم ولا يمسكوهم , بجد الواحد بيبقى دافع تحويشة عمرة فى عربية تريحة وفجأة تروح منة بمنتهى السهولة
انا حاسس ان الواحد اصبح غير طبيعى بالمرة فى الموضوع دة بجد انا بخاف اسيب العربية فى اى مكان حتى لو نازل اشترى حاجة من محل وبطلت اخرج بالعربية عشان ماسيبهاش فى الشارع وفى الاخر الواحد لازم يكون ايمانة قوى بربنا ويقول( قل مايصيبنا الا ماكتب الله لنا ) وقول الحمد لله وعسى ان تكرهوا شيئا وهو خير لكم دة اختبار وان شاء الله عربيتك ترجعلك

وممكن تعمل حاجة كويسة انك تدى اوصاف ونمر العربية لسائق تاكسى وقدرلة مكأفئة مالية فى حالة العثور على السيارة وان شاء الله تلاقيها فى اقرب وقت , وماتزعلش نفسك كل حاجة بتروح وتيجى والله المستعان

عليك بالدعاء ثم الدعاء ثم الدعاء وان شاء الله ربنا يكون معاك

[kbarema]

ربنا يعوضك بافضل منها ويخرب بيت اللى سرقها
بس ياريت لو عندك معلومات عن طريقة السرقة تبقي تعرفنا
وللمرة التانية ربنا يعوض عليك

[el_nahal2004]

اللهم رب الضالة رد عليه ضالته
واقراء فواتح سورة الطارق

[shimo_moh]

ربنا يعوض عليك وان شاء الله تلاقيها
فعلا الموضوع بقى سخيف جداااااااااااااااا ومبقاش فيه حاجة نافعة معاه مع ان الشرطة بقت موجوده اكتر من الاول بس للاسف فيه ناس بتسرق وهى مش حرامية اصلا فبيقولوا يجربوا :(

ان شاء الله ترجعلك فى اقرب وقت

[M.Elgergawy]

لا حول ولا قوة الا بالله
وكويس انك مأمن عليها

[moinem2009]

اكيد هيتصلوا بيك لو فى اى حاجه تدل على شخصية مالكها - أخوانى عندى سؤال ارجوا احد يجاوبنى عليه قمت بإغلاق سرينة السيارة عن طريق الريموت عن طريق الخطاء بالضغط عليه لمدة 5 ثوانى ولم اعرف اعيده مرة اخرى حيث الوضع الان السررينة مكتومة لا تصدر صوت وتقوم بفلاشر فقط -- فهل أحد يعرف كيفية اعادة التشغيل هى سيارة النترا موديل 2010 مانويل وشكرا ..

[CryptonX]

التامين بعد 25 يناير بيردلك 75% فقط في حالة السرقة.
الا اذا دفعت زيادة 50% في الاول تقريبا.

بس ان شاء الله متحتاجلوش ... وتلاقيها .

[mahmoud_afifi]

باشا لو انت مش مبلغ عن سرقة العربيه الحق بلغ عنها عشان بيستخدموا جهاز جديد اسمه P.D.A بيكشف العربيات المسروقه في خلال 30 ثانيه

http://www.nilemotors.net/Nile/277938-30-p-d.html