قهوة هيونداي

[dolly13]

يا دوللى راجعى نفسك بجد لان الاكثر ضرراً على البلد هما عمرو موسى واحمد شفيق

انا ممكن اتعايش مع اى مرشح حتى مرشح الاخوان ( محمد المرسى )
لاكن لو موسى او شفيق مسكوا البلد انا مش هقعد فيها يوم واحد
لانى مش هعتبر نفسى مصرى اصلاً

احنا عملنا ثورة وناس ماتت وامهات قلبها انحسر
علشان نرجع النظام تانى!!!
هل دة يعقل

مش باقولك بافكر من اول الثورة !
يعنى اكيد عندى وجهة نظر مختلفة شوية عن الكثيرين واحتمال اقولهالك لكن بعد الانتخابات وقبل النتيجة

[Kareem Fawzy]

لية بعد الانتخابات..؟؟

[Ashraf_Ibrahim]

هو ركب معاه بصراحه واتأخروا يعني مش لفه صغيره زينا هههههههه. بس انا ماكنتش معاهم
و اه ركب التيدا وعجبته (وعجبتني شخصيا) ناعمه في السواقه ماشاء الله والعفشه انعم من الالنترا.

وبرضه كتر خيري ان بقالي 4 سنين ماسوقتش مانيوال واسوق كده :d
بس كان نفسي اجربها على طريق سريع واشوف الفيرنا الي بتقولوا عليها دي :d (ربنا يباركلك فيها يا بومبو)



امييييييييييييين. ياعم انت لو بتشتغل حرامي مش هتتعب التعب ده كله هههههه
ربنا معاك ان شاء الله وتفوق للجواز ونخلص منك بقىىىىىىىىى :d

يارب يا ولدي
بص تقلي مسوقتش معملتش ملكش حجة
انا قعدت 6 سنين منقطع عن السواقة تماما وروحت استلمت العربية من المعرض وطلعت بيها زي الفل ووصلت بيها البيت كمان فمتهرجش يعني دا مش سبب :d

هو ركب العربية بس ماطلعش بيها
دور الموتور و جرب العزل و الباور بتاع الدريكسيون فقط

و حكمه عليها كالتالي :
1- الباور : جيد جدا
2- العزل : جيد جدا
3- الفتيس : تقيل شوية (بس يمكن علشان العربية كانت علي مطلع و مريحة علي التروس) لكن بالنسبة لي في الطبيعي بيكون خفيف
4- أتساع الصالون : تعليقه أنه ضيق و عكس ماكان هو متوقع
5- الرؤية : صعبة و خاصة الخلفية و أنا شرحت له أنه لازم يظبط الكرسي مع مراية الصالون و المرايات الجانبية أما الرؤية الامامية فهي واضحة لكن من الصعب تحديد أبعاد العربية و هي طبعا مسألة وقت و تعتاد عليها

ان كان كدة ماشي
كنت هشك فيك يا بشمهندس لو سبتهاله :d

انتا بتقول اية ياض انتا
بشمهندس سمير سابله العربية بجد
مستحييييييييل
انا عايز من دة يا حزومبل انا عايز من دة :)) هههههه

وانا كمان يا حزونبل
هههههههههههههههههههههههه

المشاريب النهاردة على حسابى بمناسبة انى بقيت عضو فضى
الدعوة مفتوحة شوفو هاتشربو ايه قبل مارجع فى كلامى

مبروك يا دولي
عقبالي الذهبي يا رب

ده مشروب والا دوا شرب ؟
بص انت روح صيدلية المنتدى واطلب اللى انت عاوزه وابعت الحساب على القهوة

ايوة يابني اصرف الروشتة وتعالالي او اقلك هاتهالي قبل ما تصرفها اجبهالك بخصم الصيدلي
هههههههههههههههههههههههه

يامحمود احلام سيادتك اوامر انا عاملة محشى النهاردة وعنوانى معروف تعالى العبور واسال اى عيل صغير يدلك على طول
وبعيدن عيب بقى اوى كدة انى لحد دلوقتى مش باعرف اعمل الاقتباس المتعدد
ينوبكو فية ثواب حد يقولى اعمله ازاى
الحقيقة اشرف حاول يفهمنى قبل كدة بس برده معرفتش اعمله مش عارفة بقى هل ده غباء مزمن والا الانتخابات تسببت فيه الله اعلم

انا حاولت بس يظهر اني فشلت :d
غالبا المشكلة في الثيم بتاع المنتدى اللي بتستعمليه
انتي بتستعملي انهي ثيم فيهم؟!

مش باقولك بافكر من اول الثورة !
يعنى اكيد عندى وجهة نظر مختلفة شوية عن الكثيرين واحتمال اقولهالك لكن بعد الانتخابات وقبل النتيجة

لا انا عاوز اعرف وجهة نظرك حاليا
يعني ولا حمدين ولا مرسي ولا ابو الفتوح !؟
محدش من دول عاجبك خالص يا دولي!؟

[dolly13]

الله يخليك يا اشرف مرسيه لك جدا
اولا مرسى وابو الفتوح اخوان وانا ضد جماعة الاخوان فكريا
ثانيا حمدين عايش فى الوهم السعيد وكأن الاشتراكية قد اتت ثمارها زمان لما هانعيد النظام الفاشل ده تانى
ثالثا وده الاهم انى فعلا مش عايزة اتكلم فى السياسة قبل الانتخابات
انا بالمشاركة دى دخلت مرحلة الصمت الانتخابى وهاخرج منها على 2019 استنونى بقى اوعو تمشو

[mahmoud_afifi]

مرسيهيامحمود على الافادة بس عندى مشكلة تانية خالص
شكل الصفحة عندى الشكل القديم مش عارفة انا متخلفة عن المنتدى كام سنة على كدة ؟
امابالنسبة للعبور فانا ساكنة فى العبور من اربع سنين بس انا على الشارع الرئيسى عند السبع عماير
اما بالنسبة للمرشح فانا ساختار عمرو موسى مع انى لم اكن مستفيدة من النظام السابق ولا مدفوعلى فلوس ولا انا من النظام السابق اصلا ولا عندى امل استفيد بس زى ماتقول هواية
لكن كل اللى اتمناه اننا منقعش ضحية لطيور الظلام

حضرتك ممكن تغيري شكل المنتدى من اسفل الصفحه خالص. غالبا شكل الصفحه عندك اسمه nile-blue والي عندي اسمه Nile-MC. وفي اشكال تانيه كتير ممكن تختاري اي واحد فيهم وغالبا الاقتباس فكرته واحده زي ماقولت لحضرتك واي استفسار برضه انا تحت امرك مابزهقش :d

حلوه المنطقه بتاعت السبع عماير,, ساعة لما انا كنت موجود كانوا لسه جداد والمنطقه فعلا جميله. ربنا يباركلكم فيها ^_^

على فكره انا والدي و والدتي برضه شايفين ان عمرو موسى كويس لأنه لما كان وزير الخارجيه كان كويس وعشان كده حكومة مبارك نقلوه لمنصب يبعد عنهم المشاكل لذلك خلوه في مجلس الدول العربيه. وكانوا قربوا يقنعوني بس لما الواحد قعد على الفيس بوك عرف الحقيقه وانه برضه كان من المستفيدين يمكن اقل بس برضه استفاد. هو مش اوحش من شفيق بس برضه وحش. و ماتحسيش انه عنده حاجه يديها للبلد خلاص. يمكن نستفيد من خبرته بس يكون في وظيفه تانيه مش رئيس.

انا هرشح ابو الفتوح مع ان كان نفسي البرادعي يرشح نفسه. تفكيره عالي جدااااً

[mahmoud_afifi]

يارب يا ولدي
بص تقلي مسوقتش معملتش ملكش حجة
انا قعدت 6 سنين منقطع عن السواقة تماما وروحت استلمت العربية من المعرض وطلعت بيها زي الفل ووصلت بيها البيت كمان فمتهرجش يعني دا مش سبب :d

بص أساحبي,, كل واحد ومتعود على عربيه ولما يركب عربيه تانيه اساسا وكمان مانيوال !
على العموم برضه انا حريف عشان مابطلتش مني وهي على التالت
مووووت بغيظك :d

ثالثا وده الاهم انى فعلا مش عايزة اتكلم فى السياسة قبل الانتخابات
انا بالمشاركة دى دخلت مرحلة الصمت الانتخابى وهاخرج منها على 2019 استنونى بقى اوعو تمشو

هانت كلها 7 سنين :d
طب خليها 2016 على الانتخابات الجايه !
مش لازم البلد ينصلح حالها من اول سنه ولا تاني سنه ولا حتى تالت سنه. البلد انا شايف انها متدمره اقتصاديا واجتماعيا وكل حاجه. انا مش عارف البلد كانت ماشيه ازاي.

الانتخابات الجايه ان شاء الله اتوقع شخصيات اقوى ممكن تدخل الانتخابات الرئاسيه. وربنا يولي الصالحين على البلد..

[m7mda7md]

دي قهوه قهوه مش اي كلام.....كنت داخل اسألكم الموبيل xhp و شل الأصفر معدني ولا نصف تخليقي بس الظاهر ان المكان مش مناسب ههههههههههههههه

[Kareem Fawzy]

دي قهوه قهوه مش اي كلام.....كنت داخل اسألكم الموبيل xhp و شل الأصفر معدني ولا نصف تخليقي بس الظاهر ان المكان مش مناسب ههههههههههههههه

هههههههههههههههه
امال انتا فاكر اية يا حج محمد :))
شل الاصفر معدنى يا معلم

[mahmoud_afifi]

دي قهوه قهوه مش اي كلام.....كنت داخل اسألكم الموبيل xhp و شل الأصفر معدني ولا نصف تخليقي بس الظاهر ان المكان مش مناسب ههههههههههههههه

وحياتك ده سوق هههههههههه
انت فييييييييييين ياعم الدكتور انت ؟ مختفي ومابقتش تيجي القهوه خالص !!

بخصوص الزيت . مش هقدر افتي لأن ماتعاملتش غير مع شل الترا

[m7mda7md]

شكرا كريم بك....اصل في احد المواضيع لقيت احد الاعضاء بيقول انهم نصف تخليقي ف قولت كويس لأني بستخدمهم بس واضح انها فرحه ما تمت ههههههههههههههه

[m7mda7md]

هههههههههههه....ازيك يا نجم عفيفي( نجم دي رتبه زي لواء فلان ههههههههه)...جيت يا عمنا قبل كده و محدش جابلي حتي شاي بنعناع ههههههههه....اسكت صحيح عندي امتحانات كمان اسبوع و هايص و لايص عظام مسالك اوعيه دمويه تجميل جراحه قلب و صدر جراحه مخ و اعصاب و هلمه جره ههههههههههههههه

[BUNSH]

دي قهوه قهوه مش اي كلام.....كنت داخل اسألكم الموبيل xhp و شل الأصفر معدني ولا نصف تخليقي بس الظاهر ان المكان مش مناسب ههههههههههههههه

اى دة دوووك مرة وااحدة ,, يااااهلا يااااهلا .

هههههههههههههههه
امال انتا فاكر اية يا حج محمد :))
شل الاصفر معدنى يا معلم

وحياتك ده سوق هههههههههه
انت فييييييييييين ياعم الدكتور انت ؟ مختفي ومابقتش تيجي القهوه خالص !!

بخصوص الزيت . مش هقدر افتي لأن ماتعاملتش غير مع شل الترا

هوة مش زيوووت تخليقية افضل من معدنية ولا اى ,,,

وبعدين يااااجدوعااااااان مفيش حل فعلى لخدوووش اللى بتتنيل تظهر ف صااج عربية !!
كنت فى مشوار وانزل ابص الاقى عيل ابن @#$%^ اظااااهر كان مزنوووق فى رسمة عاملى خط من بعد رفرف شمال لغاية شنطة وعاملى اكس صغنتوووت تحت فانوس خلفى (يمين) وخطين فى باب يميين .. بجد لو شفت عيل دة هطلع &^%$*@ اللى جابت &@$#@ .. عقليات بدها حرق !

[m7mda7md]

ده نوووووووووورك يا قبطان...بالفعل التخليقي افضل من المعدني....انا نفسي اشوف عيل من العيال دي و يا سلام لو عربيتي لونها احمر...هلون الخدوش بدمه هههههههههههه

[m7mda7md]

من كام شهر كده لقيت قلم خدوش...بس هو مش قلم بالظبط...فرشه صغيره كده مع انبوبه فيها بويا...جبته ب 25 لوح بس استخدامه صعب عشان تظبط الفرشه جوا الخدش بالظبط...الكليه بنت الهرمه دي مش مخلياني اعمل ابحاثي في مجال معالجه الخدوش هههههههههههه....كان في موضوع بردو في المنتدي العام ال هوه 45 ،بيتكلم عن طريقه جديده لمعالجه الخدوش و تكلفه بين 100 الي 300 جنيه حسب الشغل

[mahmoud_afifi]

هههههههههههه....ازيك يا نجم عفيفي( نجم دي رتبه زي لواء فلان ههههههههه)...جيت يا عمنا قبل كده و محدش جابلي حتي شاي بنعناع ههههههههه....اسكت صحيح عندي امتحانات كمان اسبوع و هايص و لايص عظام مسالك اوعيه دمويه تجميل جراحه قلب و صدر جراحه مخ و اعصاب و هلمه جره ههههههههههههههه

ههههههههههههههههههههه حبيب قلبي يا نجم النجوم .. (نجوم و نقعد ههههههه)
ربنا معااااااك في الامتحانات ومعلش حقك عليا المفروض نجيبلك شاي بالياسمين كمان مش بالنعناع :d

اى دة دوووك مرة وااحدة ,, يااااهلا يااااهلا .






هوة مش زيوووت تخليقية افضل من معدنية ولا اى ,,,

وبعدين يااااجدوعااااااان مفيش حل فعلى لخدوووش اللى بتتنيل تظهر ف صااج عربية !!
كنت فى مشوار وانزل ابص الاقى عيل ابن @#$%^ اظااااهر كان مزنوووق فى رسمة عاملى خط من بعد رفرف شمال لغاية شنطة وعاملى اكس صغنتوووت تحت فانوس خلفى (يمين) وخطين فى باب يميين .. بجد لو شفت عيل دة هطلع &^%$*@ اللى جابت &@$#@ .. عقليات بدها حرق !

انا مره كنت ماشي ولقيت واد ابن $$^&$&$#%#^#@%@!@$% معاه علبة كبريت وعمال يولع في العربيه بتاعتي. مره في الشنطه ومره في الرفرف ومره في الفانوس. مشيت بخطوه بسرعه لغاية لما جيت وراه وزعقتله قولتله بتعمل اييييييييييه؟ .. الواد كان هيعملها على روحه من الخوف وقالي مابعملش حاجه وحتى عود الكبريت مطفي اهو.. فاكرني هندي هههههههه
كنت عاوز انفخه بس قولت بلاش كفايه انه قطع خلف بدري بدري هههههههههه