تقييم هيونداي ألنترا md(ج2- الاداء)

[Samir Elshahawy]

الاخوة الكرام ...

أسعد الله يومكم بكل الخير ...

مرة أخري أعود و اكتب لكم ملاحظاتي علي أداء الألنترا الجديدة بعد أستخدامي لها لأكثر من 6 شهور

أولا.. الحالة الفنية للسيارة :
- الكيلومترات المقطوعة : 15000 كم
- أخر صيانة : 10000 كم منذ حوالي شهرين و نصف
- ضغط الاطارات : 32 psi (نتروجين)
- نوع الزيت المستخدم في المحرك : زيت توتال فرنساوي

ثانيا.. وضع السيارة أثناء التقييم :
- الحمولة : أنا بمفردي و بداخل الشنطة الخلفية حقيبة صغيرة بها ملابس الشغل + حقيبة لاب توب و أوراق

- تانك البنزين : ممتلئ (48 لتر)
- درجة حرارة الجو : مابين 21 درجة مئوية صباحا و 16 درجة مئوية مساء
- الطريق : القاهرة / السويس / القاهرة

ثالثا.. التفاصيل :
بدأت رحلتي المعتادة الي السويس حيث تحركت في تمام العاشرة و النصف صباحا من الرحاب الي السويس

كانت سرعتي في البداية مابين 90 كم/ساعة الي 120 كم/ساعة حسب حالة الطريق
حتي جائني تليفون من أحد الوكلاء البحريين يطلب مني سرعة الوصول لحالة طارئة
كنت قد تخطيت مدينة بدا بقليل و كانت الساعة حوالي الحادية عشرة
و هنا قررت أن افتح السرعة و فعلا خلال لحظات وصلت الي سرعة 140 كم/ساعة زادت في بعض الاحيان الي 160 كم/ساعة
طبعا الجو كان حر شوية فأضطررت الي تشغيل التكييف

و هنا و قبيل مدينة السويس بحوالي 40 كم و بينما كنت في مرحلة شد مع سيارة شيروكي و علي سرعة 180 كم/ساعة و طبعا الالنترا عملتها كالعادة و قفزت من سرعة 120 الي 180 في ثواني لتختفي الشيروكي تماما كان امامي علي اليمين سيارة نقل بمقطورة و كنت قادم من اليسار و لكني توقعت أن النقل سينحرف يسارا لأن امامه سيارات نقل تابعة للجيش
و فعلا بدأت في تحذير النقل بالأنوار الامامية و عندما بدأت في الاقتراب (حوالي 200 متر) أذا به ينحرف يسارا
و هنا ضغطت علي الفرامل بقوة و لأول مرة يتم أختبار فرامل الالنترا في مثل هذه المواقف

المفاجأة ...
السرعة نزلت بشكل مذهل و أنكفأت السيارة من الامام و لم تنحرف يمينا او يسارا حتي وصلت الي سرعة 60 كم/ساعة علي مسافة أقل من 10 متر من النقل الذي أصبح امامي مباشرة

طبعا كانت مفاجاة سارة جدا أن الفرامل بهذه الكفائة و القدرة و لكن الغريب أني شعرت بنبضات في الدواسة كمثل تلك النبضات التي كنت اشعر بها في الياريس ذات ال abs مع أن سيارتي غير مزودة بهذا النظام اصلا

المهم أنتهيت من عملي بالسويس في حوالي الخامسة و بدأت التحرك عائدا الي القاهرة
و هنا كان القرار منذ البداية بأن أجرب السير بأقصي سرعة ممكنة في ظل وجود هواء شديد علي الطريق و فعلا وصلت الي سرعة 180 كم/ساعة في افضل حالات الطريق و خلال ذلك حدث شد مع سيارة أوبترا و طبعا تخطيتها بمراحل ثم حدث شد في أخر مرحلة من الطريق (مابين الشروق و الرحاب) مع بيكانتو وأوكتافيا و المفاجأة الثالثة .......
فيرنا اااااااااااااا

و كان الهدف هو الفيرنا طبعا
صحيح أني لم أتخطي الفيرنا نظرا لحالة الطريق المزدحمة لكني كنت ملازما لها معظم الوقت و كنت اجاريها بشكل كامل و لو أن الطريق كان مفتوحا امامي كنت ساتخطاها بالفعل بمنتهي السلاسة

المهم كان الهدف هو ...
أختبار قوة الموتور و الثبات في السرعات العالية و الفرامل و التسارع و لنأتي الي النتائج التي توصلت اليها :

1- أستجابة الموتور : جيدة جدا في السرعات العالية (مافوق ال 120 كم/ساعة)
و بطيئة تحت ال 100 كم/ساعة

2- الفرامل : و هذا هو الجديد في اختبار اليوم ... جيدة جدا بالنسبة لسيارة ليست مزودة بنظام مانع الانغلاق و لاتوجد ادني مشكلة في التوقف المفاجئ في السرعات العالية مع أني لم استخدم سوي 60 % من مشوار الدواسة تقريبا

3- الثبات .. اليوم استطعت أن أنفذ السير في منحنيات حادة كملفات الشروق و تنفيذ أكثر من غرزة علي مسافات بينية ضيقة نسبيا بين سيارات نقل (أقل من 10 متر) علي سرعات وصلت الي 140 كم/ساعة و لم يحدث أي انحراف أو شعور بأهتزاز مؤخرة السيارة التي كانت مثار قلق بسبب نظام التعليق

4- العفشة : مازالت بنفس مستوي النعومة و عدم الاحساس بالمطبات بشكل حاد

- تقييمي لأداء السيارة اليوم بشكل مجمل : جيد جدا
- متوسط أستهلاك البنزين : 7.5 لتر/ 100 كم

[koshary]

تقييييييييم رائع ياباشا بس كانت ناقصه الشدايه مع الفيرنا تكمل والتنسيق رائع تسلم ايدك يامنسقنا العـــزيز

[Hosam_Optrawy]

شكرا على التقييم يابشمهندس وربنا يباركلك فيها

[Dr'AhmZZong]

تقرير بصراحة ولا اروع يا بشمهندس سمير ..

ربنا يبركلك فيها

[koshary]

تقرير بصراحة ولا اروع يا بشمهندس سمير ..

ربنا يبركلك فيها

+11111111111

[minicooper20]

اختبار ممتااااااااااااااااز من واحد فاهم

[el_nahal2004]

تقيم اكثر من ممتاز يابشمهندس سمير
جزاك الله كل خير

[S O P H O S]

تقرير رائــــــــــــع وجميل

[weta]

برنس ....تقيم مجهود ..وتغطيه جميع النقاط

[ibnmoaz]

فعلا تقرير بجد يا بشمهندس و كالعاده منظم جدا. بس فعلا موضوع الرجرجه مع الفرامل الكبس ده انا دايما بحس بيه . انا قلت انا عندي abs ومش عايز اقول لحد عشان الحسد مع ان عربيتي زي حضرتك اوتو اول فئه
وكان مع الرجرجه الخفيفه دي حدفه يمين خفيفه(نفس اتجاه النقره اللي كنت بسمعها من علبه الدريكسيون) بس بعد ما غيرولي علبه الدريكسيون في الضمان منعت الحدفه و النقره كمان (انا صاحب موضوع "خبراء الاالنترا2012 ارجو الافاده")
وبالتوفيق دائماا

[Ashraf_Ibrahim]

موضوع وتقرير رائع يا بشمهندس
وقد أنقذتك العناية الإلهية من تجاوز الفيرنا حتى لا تظهر لعنة الفيرنا على الطريق :D :lol:

[koshary]

موضوع وتقرير رائع يا بشمهندس
وقد أنقذتك العناية الإلهية من تجاوز الفيرنا حتى لا تظهر لعنة الفيرنا على الطريق :D :lol:

لعنة الفيرنا دى زى لعنة الفراعنة كدا ولا ايه

[Ashraf_Ibrahim]

طبعا يا كشري امال ايه
اللي جرب يشد معاها قبل كدة مفكرش انه يعيد التجربة دي تاني مطلقا :d

[koshary]

طبعا يا كشري امال ايه
اللي جرب يشد معاها قبل كدة مفكرش انه يعيد التجربة دي تاني مطلقا :d

عادى مانا بشد معاها عالمحور ايه الجديد بس مش معقوله كل ما اجى اشد معاه اركب دسك واسطوانه جداد واعمل عمرة موتور ههههههههههههههه بس والله قبل معمل التغييرات دى فى العربيه كانت الفيرنا بتنفخنى بس الحمد لله بجرى معاها هههههههههههههههه

[Samir Elshahawy]

فعلا تقرير بجد يا بشمهندس و كالعاده منظم جدا. بس فعلا موضوع الرجرجه مع الفرامل الكبس ده انا دايما بحس بيه . انا قلت انا عندي abs ومش عايز اقول لحد عشان الحسد مع ان عربيتي زي حضرتك اوتو اول فئه
وكان مع الرجرجه الخفيفه دي حدفه يمين خفيفه(نفس اتجاه النقره اللي كنت بسمعها من علبه الدريكسيون) بس بعد ما غيرولي علبه الدريكسيون في الضمان منعت الحدفه و النقره كمان (انا صاحب موضوع "خبراء الاالنترا2012 ارجو الافاده")
وبالتوفيق دائماا

طيب أنت كده زي اللي سأل سؤال و جاوب عليه
هههههههههههه

طبعا طالما فيه زوايا أو عدم تساوي في ضغط الاطارات لازم تظهر حدفة مع الفرامل و تظهر أكثر في ال abs

جرب تظبط ضغط الهوا في كل الاطارات و اتاكد من ان الزوايا مظبوطة و جرب الفرامل و شوف

و بعدين مش قولنا لما نحل مشكلة ندخل علي الموضوع و نكمله و نقول أيه اللي حصل علشان يكون فيه متابعة ؟؟