اية اكتر سرعة جبتها بالهيونداى بتاعتك ؟؟؟؟؟

[koshary]

بسم الله الرجمن الرحيم

فى البداية بحب اهنىء قسم هيونداى بمناسبة قدوم معرض الفورميلا وان شاء الله شركة هيونداى تقدم

واجهة مشرفة عن سيارات هيونداى فى مصر وتلفت النظر لسيارتها الى الجميع .....

كنت حابب اسمع وجهة نظر كل واحد على اكتر سرعة جابها بالهيونداى بتاعتو وكان ايه احساسو وقتها ؟؟؟؟؟


وطبعا تقييم السياره على السرعات العاليه ؟؟؟؟؟؟

ومدى استجابة سيارته للفرامل المفاجأه ؟؟؟؟؟؟؟

بسم الله هبدأ بنفسى ......

اقصى سرعة جبتها بالسياره كانت 160 وكان عالمحور العربيه كانت ثابته فى مكانها بس لما اجى

اتفادى اى عربيه بتحس ان العربيه بتعوم من ورا جامد والفرامل جيده الى حد ما وبتسعفنى على قد

السرعه اللى ماشى بيها ......

وبعد ماخلصت تليين طلعت انا والميكانيكى بنجرب جبنا 195 وكان الموتور اديتلو امتياز ساعتها بس

مكنتش شايف جمبى اصلا وكانت فيه بعض الاهتزازات فى العربيه للعلم الميكانيكى هو اللى كان

سايق وكان الطريق فاضى تماما كان عالمحور فى الفجر.....

وده كان تقييمى للاكسيل بتاعتى .....

ياتر ا انتو تقيمكو ايه ؟؟؟؟؟؟؟؟؟

[Dr'AhmZZong]

أقصى سرعة جبتها بـ الفيرنا 170 في طريق أكتوبر ..

شكرا على الموضوع اللي هيموت كل قسم هيونداي قريب إن شاء الله هعهعهعهعهع ..

[Mohab555]

هيونداى جيتز 2010 ... اقصى سرعة 200 فى نفق التسعين بليل .
وربنا يسترها علينا

[moneer_yousf]

عن نفسى أقصى سرعة جبتها كانت 200 ك بسيارتى الفيرنا

Mounir - YouTube

[Ahmed Saad]

180 بالا كسيل بتاعتي علي الدائري الساعه 5 الصبح

[Samir Elshahawy]

كويس جدا ...
دي فرصة أقول رأيي بصراحة في الألنترا md

العربية أول فئة أوتوماتيك من غير abs
أقصي سرعة كانت بعد التليين و للأختبار فقط علي طريق القطامية / السخنة 200 كم/ساعة
و قلبي ما طاوعنيش أزود رغم أن كان ممكن تجيب أكثر

- الثبات و التحكم :
أحساسي بثبات العربية و قدرتي علي التحكم فيها بدأ يقل عند سرعة 200 كم/ساعة لكن تقديري أن علي سرعة 180 كم/ساعة هو أقصي سرعة تشعر فيها بقدرتك علي التحكم في السيارة بنسبة 100 %

- نظام الفرامل :
تم أختبار الفرامل بشكل فعلي عند سرعة 180 كم/ساعة علي طريق القاهرة / السويس الصحراوي و بالفعل كانت فعالة بشكل جيد جدا و ثبات العربية فاق توقعاتي مع هذه الفرملة القوية التي نزلت بالسرعة من 180 الي 60 كم في خلال ثواني

- صوت المحرك و العزل :
في سرعة 200 كم/ساعة صوت المحرك بدأ يعلو فعلا و لكنه أقل من صوت الكورولا الجنوب أفريقي اللي جبت بيها نفس السرعة علي طريق الاسكندرية الصحراوي
بصراحة عزل الالنترا يكاد يكون هو عزل تويوتا كورولا و بشهادة خبير التجارب و أختبارات القيادة (م/ سبعاوي)

دي أعلي سرعة حققتها في حياتي بعربية و ما أعتقدش أن لا العربيات المتاحة و لا الطرق تسمح بأكثر

[essam2z2]

احنا عايزين بقا حد من المرور يجى يقرا الموضوع دا و يقولنا رأيو ايه

[yoko]

احنا عايزين بقا حد من المرور يجى يقرا الموضوع دا و يقولنا رأيو ايه

هههههه هنروح في ابو حديد كلنا
وانا لو بتاع مرور ركب جمبي وانا مستعجل على الدائري ممكن يحكم عليا بالإعدام شنقا

[hanyemad123]

- الثبات و التحكم :
أحساسي بثبات العربية و قدرتي علي التحكم فيها بدأ يقل عند سرعة 200 كم/ساعة

حلوه بدا يقل دى يا هندسه

عموما انا داخل مصر اقصى سرعه جيبتها كانت 140 كم/ساعة بفيرنا على طريق ال na قبل التوسعه اللى اتعملت و ما حسيتش بالسرعه للا لما لقيت العربيه بقت خفيفه على الطريق

خارج مصر جيت 202 كم/ساعة على طريق مكه الرياض بس ب سيفيك
و مره تانيه 212 كم/ساعة بسيفيك برضه على طريق المدينه الرياض

[original]

170 نيو أكسنت على طريق الغردقة

[bakkarahmed]

210 علي طريق مصر الفيوم وكان الار بي ام علي 5 تقريبا
الطريق مستقيم وده اللي بيشجع علي الجري.... وبالتالي مش هاعرف اقيم الثبات
الفرامل استحاله تسعف نهائي علي السرعه دي(ضايعه) لاني لاقيت عربيتين قدامي فجأه( اصلي سرحت شويه للاسف غصب عني) وجربت الفرامل ساعتها فعرفت انها مش هاتعمل حاجه ومكانش ينفع اخد غرزه لاقصي اليمين لولا ستر ربنا ان العربيتين فتحولي حاره في النص
صوت الموتور كان مقبول مش عالي اوي
العربيه النترا hd ومنصحش حد بالجري

[Samir Elshahawy]

حلوه بدا يقل دى يا هندسه :b4_282:

انا بأقول علي اللي حسيت بيه و علي فكرة انا لما باتكلم علي الالنترا بالشكل ده فانا بأقارنها بالكورولا اللي جبت بيها نفس السرعة

[hanyemad123]

انا بأقول علي اللي حسيت بيه و علي فكرة انا لما باتكلم علي الالنترا بالشكل ده فانا بأقارنها بالكورولا اللي جبت بيها نفس السرعة

انا معاك شكلك من السواقين اللى قلبهم جامد

بس هو بصراحه يعنى سرعه 200 دى ما حدش يتكلم فيها عن ثبات فى فئه السيارات المتوسطه

يعنى اعتقد لو انا بتكلم عن سوناتا او ازيرا او جنيسس ماشى

يعنى مثلا لو حتى اتكلمنا عن السيفيك لما جيت بيها ال 212 (طبعا 1800 مش 1600)

ماسك الدريسكون كويس و الطريق كان مساعد بس لو كان فى زلطه فى الطريق كانت ممكن تقلب العربيه و كان زمانى دلوقتى ما بعلقش عن الموضوع ده

الفيرنا بقى مااقولش لقيت العربيه بتروح يمين و شمال (خفيف مش حدف يعنى ) قولت يمكن الطريق مش مضبوط برمى عينى على العداد لقيته رايح على 140 قولت يا خراشششششششششى (الله يمسيكى بالخير يا سيفيك )

بس بامانه احلى موتور تعلم بيه على اى حد فى الطريق مش عاجبك

[koshary]

أقصى سرعة جبتها بـ الفيرنا 170 في طريق أكتوبر ..

شكرا على الموضوع اللي هيموت كل قسم هيونداي قريب إن شاء الله هعهعهعهعهع ..

منورنى فى موضوعى يابوحميد بغض النظر عن موضوع الموت ده ههههههههه ...

بس مقولتليش تقييمك ايه للعربيه كانت ثابته ولا بتعوم وتقييمك للفرامل ؟؟؟؟

[koshary]

انا معاك شكلك من السواقين اللى قلبهم جامد

بس هو بصراحه يعنى سرعه 200 دى ما حدش يتكلم فيها عن ثبات فى فئه السيارات المتوسطه

يعنى اعتقد لو انا بتكلم عن سوناتا او ازيرا او جنيسس ماشى

يعنى مثلا لو حتى اتكلمنا عن السيفيك لما جيت بيها ال 212 (طبعا 1800 مش 1600)

ماسك الدريسكون كويس و الطريق كان مساعد بس لو كان فى زلطه فى الطريق كانت ممكن تقلب العربيه و كان زمانى دلوقتى ما بعلقش عن الموضوع ده

الفيرنا بقى مااقولش لقيت العربيه بتروح يمين و شمال (خفيف مش حدف يعنى ) قولت يمكن الطريق مش مضبوط برمى عينى على العداد لقيته رايح على 140 قولت يا خراشششششششششى (الله يمسيكى بالخير يا سيفيك )

بس بامانه احلى موتور تعلم بيه على اى حد فى الطريق مش عاجبك

هو موتور الفيرنا ممتاز بس حوار تعلم بيه على اي حد دى مش مظبوطه والله الحوار حوار سواق يعنى انا
فى فيرنات ببهدلها بالاكسيل بس فى فرق بين سواق والتانى وعربيه فايقه ومتفتحه وعربيه مكتومه......