اخوكم كورسير محتار وعايز رئيكم

[corsair]

دلوقتي يا جماعه معايا عربية واحد حبيبي كيا سيراتو 2010 خليجي

العربية دي اتخبطت من الجنب في البابين اليمين وتم ظبطهم وردهم علي السخن

والموضوع كدا مفيش في اي مشاكل

المهم وديتها عند وحد حبيبي بردك عنده ورشه دهان واصلاح علشان يمعجنها ويرشها وكمان هيرش الاكصدام الامامي بالشمع بنفس لون العربية اللي هو الابيض

فانا حاولت اعرف منه تكلفة الحاجات دي كام مش راضي يقولي وحلف انه مش هياخد مني غير اللي هدفعه دلوقتي انا محتار ومش عايز اديله مبلغ يكون اقل من اللي المفروض ياخده لاني عمري ما هاجي عليه ولا هاجي علي صحبي صاحب العربية ولازم ادي للاثنين حقهم

بصوا يا جماعه هو معجن الجزء اللي تحت من الباب وهيرش نصف سفلي في البابين يعني هتدخل كابينة رش

والاكصدام الامامي هيترش كله شمع ابيض

وانا بما اني عمري ما اتعاملت قبل كدا طول حماتي مع ورشة دهان ومش عارف اسعارهم ايه فياريت لو حد عنده فكره بالاسعار يقولي الشغل ده هيتكلف كام

وبالمره يا جماعه احتمال اعمل الشنطه لان هيه كانت اتخبطت قبل كدا خبطه جامده واتردت علي البارد بس باين فيها بردك الخابطه ولازم تترد علي السخن علشان ترجع زي الاول لو عملتها ورشتها يبقي اجمالي التكلفة هتكون كام وعلي فكرة الشنطه اللي بتفتح وتقفل بس اللي هتتعمل الاكصدام الخلفي سليم

[Ashraf_Ibrahim]

والله كان نفسي افيدك يا كورسير بس معنديش علم بأسعار الدهان الحقيقة !

[ezatooo]

في حدود 140 جنية شامل المعجون + الدهان كابسي + المصلب + الملامع طبعا من غير المصنعية ممكن السعر دة يزيد عن كدة لاكن ميقلش

[koshary]

ممكن التكلفة النهائيه بالشنطه تتكلف 650 مثلا لانو هيعمل نص البابين

[corsair]

ربنا يباركلكم يا رجالة الله يسامحه بقا صحبي ده اللي محيرني الحيرة دي كلها يعني كدا لو عملت الشنطة وردتها علي السخن واترشت يبقا احاسبه علي 700 مثلا

ولو ماتعملتش اديله كام يا رجالة

[Ashraf_Ibrahim]

على فكرة بما ان استاذ كريم منير عنده ورشة نايل موتورز
ممكن تبعتله هو هيقلك على التكلفة الفعلية تقريبا بحيث متظلمش صاحبك في شيء
لأن برده الصداقة لما بيدخل فيها فلوس ممكن تتأثر شوية -
مش الصداقة بس دا تقريبا كل العلاقات البشرية لا تصمد أمام المادة -دي من تجارب واقعية حياتية - :d

[SASA3]

على فكرة بما ان استاذ كريم منير عنده ورشة نايل موتورز
ممكن تبعتله هو هيقلك على التكلفة الفعلية تقريبا بحيث متظلمش صاحبك في شيء
لأن برده الصداقة لما بيدخل فيها فلوس ممكن تتأثر شوية -
مش الصداقة بس دا تقريبا كل العلاقات البشرية لا تصمد أمام المادة -دي من تجارب واقعية حياتية - :d

+111111111111111

[Kareem Fawzy]

ممدوح حبيب قلبى
الحتة بتترش ب 150 جنيه عند معظم الناس ( بتوع الدوكو يعنى )
يعنى نفترض انك هترش باب وتمعجنة وتظبطه هو والاكصدام يبقى انتا بتحكى فى 300 جنيه
انا متأكد من كلامى اكتر من كدة يبقى هو صنايعى غالى جداً

[corsair]

على فكرة بما ان استاذ كريم منير عنده ورشة نايل موتورز
ممكن تبعتله هو هيقلك على التكلفة الفعلية تقريبا بحيث متظلمش صاحبك في شيء
لأن برده الصداقة لما بيدخل فيها فلوس ممكن تتأثر شوية -
مش الصداقة بس دا تقريبا كل العلاقات البشرية لا تصمد أمام المادة -دي من تجارب واقعية حياتية - :d

تسلملي يا اشرف باشا وان شاء الله ابعت للاستاذ كريم رساله علي الخاص واعرف منه التكلفه بالظبط

ممدوح حبيب قلبى
الحتة بتترش ب 150 جنيه عند معظم الناس ( بتوع الدوكو يعنى )
يعنى نفترض انك هترش باب وتمعجنة وتظبطه هو والاكصدام يبقى انتا بتحكى فى 300 جنيه
انا متأكد من كلامى اكتر من كدة يبقى هو صنايعى غالى جداً

تسلملي يا كريم بس دلوقتي انا هرش 2 باب + شنطه والاكصدام مش لاقي الشمع اللي بيترش بيه فكدا يبقي مش هعمله عايز اعرف بقا 2 باب + الشنطه اتردت علي السخن وهتترش تتكلف كام

[Kareem Fawzy]

600 يا ممدوح يعنى قول 650 بس مش اكتر من كدة

[corsair]

تسلملي يا كرميله ومنتحرمش منك يا غالي

[ICE_MAN]

ممدوح حبيب قلبى
الحتة بتترش ب 150 جنيه عند معظم الناس ( بتوع الدوكو يعنى )
يعنى نفترض انك هترش باب وتمعجنة وتظبطه هو والاكصدام يبقى انتا بتحكى فى 300 جنيه
انا متأكد من كلامى اكتر من كدة يبقى هو صنايعى غالى جداً

+111111
القطعة (باب - رفرف - اكصدام) من 150 ل 200 حسب المكان و الكابوت بيتحسب قطعتين!

[koshary]

+111111
القطعة (باب - رفرف - اكصدام) من 150 ل 200 حسب المكان و الكابوت بيتحسب قطعتين!

بس فى صنايعية بتستهبل كتير اوى مره كنت عند واحد فى شبرا بتاع دوكو قالى عالاكصدام 350 جنيه

ههههههه وساعات كمان زى كورسير كدا هيعمل نص باب يحسبها تكلفة كامله عاوزين ناس فاهمه تتعامل

معاهم

[ICE_MAN]

بس فى صنايعية بتستهبل كتير اوى مره كنت عند واحد فى شبرا بتاع دوكو قالى عالاكصدام 350 جنيه

ههههههه وساعات كمان زى كورسير كدا هيعمل نص باب يحسبها تكلفة كامله عاوزين ناس فاهمه تتعامل

معاهم

ده نصاب وشششش ههههههه و للاسف فيه بعض الصنايعية معندهمش ضمير يروح ضاربلك السعر فى 5 مثلا على اساس انه يمكن يكون الزبون مش عارف و يدفع عادى!!
انا اتنصب عليا كتير زمان من النوعيات دى...

[Karim_Monir]

السلام عليكم ورحمه الله
انا برد بناء على طلبك النصيحة عالخاص
عشان في ناس بتفهم اني عشان شريك في ورشة دهان هايكون ليا مصلحة
احب بس اوضح للاعضاء بلاش التعميم
هو حقيقي في نصابين
لكن في درجات من الشغل
في صنايعي درجة اولي
وفي صنايعي على ما تفرج
في صنايعي يوميته 30 او 40 جنيه
وفي صنايعي تاني بدفعلة 100 جنيه يوميه سواء في شغل او مفيش غير مصروفه والاكراميات
في باب بيترش تبع التامين ب 120 مش ب 150 بس ما تستلمش وما تتكلمش في فرق الوان ولا خامات ولا نوع معجون ولا ورنيش ولا ولا ولا
في قطعة تترش ب 150 وفي قطعة تترش ب 300 وفي ب 400
بيفرق الصنايعي
بيفرق نوع الدهان مصري ولا استثماري اوميجا ولا كوري ولا اسكينز
عربية سيراتو 2010 نازلة من بلدها اسكينز احطلها بوية استثماري زي اللي بيرش منها منصور وغبور وتلاقي العربيات بتكلح
اول حاجة لازم تعرف ان كود اللون مش هايطلع صح
وهاتلاقي فرق لو دققت في الشمس مهما الصنايعي حاول يطفي الباب اللي جنبها عشان ما تبانش وده طبعا بياذي عربيتك
لو باب في خبطة وسمكري مش تمام عملها لازم الوهيجي الصح يستلم منه
انا رشيت عربيتي الاكسيل في 2005 كلها ب 1200 جنيه في العاشر من رمضان
وشهرين وكنت بعيدها تاني عشان اللون كان مفارق وبدء يكلح
ودفعت تاني 2500
سنة 2005
احنا عندنا في الورشة بنعمل قطعة ب 300 جنيه
بس تعالي استلم واتفرج وشوف الشغل والغلطة نقولك ما تدفعش حقها
شغل متكلف ومتجهزله صح وصنايعي واخد فلوس فبيخدم الشغل صح
والله جاتلي عربية زميل لينا في الشغل من اللي بيستخسر وراح عمل القعة زي ما بتقولو ب 150 جنية
والله العظيم وقسم اتحاسب علية العربية 4 الوان :-)
ولون سهل في هيونداي النبيتي
4 الوان تشوفهم وانت بينك وبين العربية مترين
وفي اللي يقولك هاعملهالك اسكينز
ويديلك ورنيش اسكينز بس بعد شهرين تلاتة تلاقي الون غير ودي حصلت مع زميل لينا هنا بمازدا 3 ودفع 3 الاف جنيه في العربية اسكينز والعربية كلها معمول اوميجا
مفيش اسهل من السرقة في الحاجات دي
ومفيش اصعب من انك تتقي ربنا وتخاف منه قبل ما تعمل حساب للناس
ويكفي ان مفيش حد دخل ورشتنا وخرج زعلان لحد النهاردة ولو خرج زعلان بنرجعة نراضيه شكلا وموضوعا
هو ده الفرق وعذرا للاطالة
تحياتي