ياشباب حد جرب تيل Gold او Hi-q

[Mohab555]

ياشباب انا نزلت اجيب تيل امامى للعربية لقيت نوعين غير الاصلى وشكل خامتهم نضيفه جدا بس مش عارف حد جربهم ولا بلاش .. النوعين دول هما GOLD كورى ب 60 جنية و HI-Q ده ب 100 جنية الراجل قالى انوا التيل الرسمى فى كوريا وشكلة زى الاصلى بالظبط.... مش عارف اجيب انهى فيهم ؟؟؟ مساعده يا رجالة
- صورة ال HI-Q :
------------

صورة الجولد :

[m7mda7md]

هو الاصلي بتاعها بكام؟

[Dr'AhmZZong]

gold دوووول اعرف واحد كان مركبهم في صني و بيقولي ممتازين ..

[Mohab555]

هو الاصلي بتاعها بكام؟

التيل الاصلى ب 290 جنية ومبقاش حلو زى الاول بقه فى نحاس كتير فمبقاش بيقفش كويس .

[koshary]

كنت بركب الجولد ده فى الاكسيل كان كويس بس ملقيتهوش بقالو فترة مش بلاقيه بس معرفش النوع التانى ده ايه ظروفه

[akmm]

هات الأغلى دى فرامل ---- ونفسى اعرف اشترى نوع ايه من التيل للفرامل امامى وخلفى للسياره سبرانزا 620 بدل التيل اللى فيها بتاع التوكيل وياريت منبن وبكام -- وشكرا للجميع

[mada_76]

انا جربت الجولد
وبصراحة كان نفس اداء التبل الاصلي بس عمر اقصر يا هوبااااااا

[Manchestrawy]

gold دوووول اعرف واحد كان مركبهم في صني و بيقولي ممتازين ..

انا هوا الواحد

الجولد ده ممتاز ومش قبل 25000 اما تبدأ تفكر تغير

ودي صورة التيل وهوا عامل 10000 ..




بس انا غيرت الطنابير فجبت طقم تيل جديد خالص وشلت دول عشان احافظ ع الطنابير .. وبردو جبت جولد على فكره

[Eng.Geo]

انا مركب ال hi-q
مش كويس وبيصفر
مكملش 6000 كم

[M.Elgergawy]

الجولد ممتاز
كنت مركبه في اللانوس
ومكنش بيصفر

[Hacker5]

جوووووووووووووولد عن تجربة 30000 كيلو فى الالنترا
و حاليا مركبه و ماشى بيه 9000 كيلو و ممتاز جدا جدا و لا يفرق عن الاصلى و بيكلبش تمام و مش بيصفر خالص حتى لو جيه عليه مية او تراب
بتاع الالنترا عامل 80 جنيه صناعة كورى مع انى بجيب كل قطع الغيار اصلية ماركة mobis بس الجولد ممتاز جدا جدا

[Mohab555]

طب ايه احسن مكان اقدر اشتري منه و يبقي مضمون يا رجاله ؟؟

[mahmoud_afifi]

جوووووووووووووولد عن تجربة 30000 كيلو فى الالنترا
و حاليا مركبه و ماشى بيه 9000 كيلو و ممتاز جدا جدا و لا يفرق عن الاصلى و بيكلبش تمام و مش بيصفر خالص حتى لو جيه عليه مية او تراب
بتاع الالنترا عامل 80 جنيه صناعة كورى مع انى بجيب كل قطع الغيار اصلية ماركة mobis بس الجولد ممتاز جدا جدا

انا جايب الجولد وماكملش 5000 كيلو وبيصفر. بس مش عارف دي صفارة عشان في تراب ولا خلص.
اعمل ايه ؟

[Ashraf_Ibrahim]

انا جايب الجولد وماكملش 5000 كيلو وبيصفر. بس مش عارف دي صفارة عشان في تراب ولا خلص.
اعمل ايه ؟

ممممممممممممممممممممممممممممممممممممممممممممم
شوفه جايز فيه تراب او محتاج يتسنفر
روح لأي ميكانيكي يفكلك التيل ويسنفره وينضف الطنابير وشوف ايه الاخبار
لو صفر تاني معاك غيره سريعا متستناش عشان ميبوظش الطنابير

....انا جربت الهاي كيو وتيل مش كويس
الجولد مجربتهوش الحقيقة بس اسمع انه كويس ! والله اعلى وأعلم

[mahmoud_afifi]

ممممممممممممممممممممممممممممممممممممممممممممم
شوفه جايز فيه تراب او محتاج يتسنفر
روح لأي ميكانيكي يفكلك التيل ويسنفره وينضف الطنابير وشوف ايه الاخبار
لو صفر تاني معاك غيره سريعا متستناش عشان ميبوظش الطنابير

....انا جربت الهاي كيو وتيل مش كويس
الجولد مجربتهوش الحقيقة بس اسمع انه كويس ! والله اعلى وأعلم

التيل اداءه كان كويس بس ابتدى يقل مع ظهور الصوت.
هشوف كده ان شاء الله وربنا يسهل.
شكرا يابو اشرف ^_^