يا جماعة حد حصله مشكلة ال error في كاسيت الفيرنا

[vando]

باشا انا لسة مستلم I10 من 10 ايام و نفس المشكلة عندى فى السى دى بلاير برده و على فكرة كنت برده بعمل نفس الاسطوانات بتاعتى بالنص زى ما انت بتنسخها على النيرو و كانت مرة تشتغل و الف لا و جربت عملت resetو اشتغلت و بعد كدة رجعت تانى نفس المشكلة فياترى لسة المشكلة عندك ولا خلاص؟؟
سؤال تانى الاسطوانات الاشتغلت كانت الانت كنت عاملها بطريقتك ولا بطريقة زمايلنا النصحوك هنا ؟
يا ريت ترد علية لانى فعلا محتاج اجابة تريحنى
و اسف جدا على الاطالة

[Eng.Mina]

بص يا استاذ vando انا الاسطوانة اللي جربتها بعد الضغط علي مفتاح ال reset كانت اسطوانة اوديو عموما انا طالع بالعربية بكره إن شاء الله مشوار طويل وحاجرب الكاسيت كويس وانا كنت عامل اسطوانة بالطريقة اللي الاعضاء قالولي عليها وإن شاء الله بكره حاجربها واقولك بس انا كنت عايز اسألك علي حاجة انا الكاسيت اللي عندي هو ده http://www.roadstar.com/newsite/inde...load&id_fam=55
ياتري ال i10 بتنزل بنفس الكاسيت ده وللا موديل مختلف؟؟؟؟؟؟؟
بس ازاي من اول 10 ايام الكاسيت يهبل كده انا عندي عمل الموضوع ده بعد حوالي 5 شهور متهيألي انت ممكن تستغل صيانة الالف وقولهم علي الموضوع ده وشوف هما حايقولوك ايه وربنا معاك

[vando]

انا متشكر جدا على ردك السريع و فى انتظار رجوعك بالسلامة بكرة و اعرف منك الحصل.
على فكرة الكارثة انى مش لاقى اى لينك ولا نتيجة للموديل الفى عربيتى حتى على الموقع بتاعهم!!!
Roadstar CD-360 MP/R
ممكن تساعدنى و تجيبلى اى معلومة عنه؟
مع العلم ان الرسالة البتطلعلى هى Error-08
و اسف طولت عليك

[Eng.Mina]

العفو يا vando انا فعلا نفسي اساعدك علشان عارف انها حاجة تخنق ده انا ياراجل اضطريت اشتري fm modulator علشان موضوع الكاسيت الرخم ده بس العجيبة ان انا مش لاقي اي حاجة علي google عن موديل الكاسيت بتاعك مش عارف يمكن يكون نوع قديم ومافيش معلومات عنه ما هو بس غبور لو يسيب العربيات بالكاسيت اللي جاي فيها كانت الناس ارتاحت يلا ربنا يسامحه وعموما انا برده بتظهر عندي نفس الرسالة error 08 بس انا كنت عايز اقولك علي حاجة انا اصلا ماكنتش واخد بالي من زرار ال reset ده انا بالصدفة وانا بقرا في كاتالوج العربية لقيت ان فايدة الزرار ده هي :
1-في البداية عند اتمام التركيب واستكمال الوصلات الكهربائية
2-في حالة توقف عمل اي من المفاتيح
3-في حالة ظهور علامة الخطأ علي الشاشة
ومتهيألي ان مافيش رسالة خطأ ممكن تظهر علي الشاشة غير الرسالة دي

[Eng.Mina]

مساء الخير يا vando انا جربت الكاسيت انهارده هو الحمد لله شغال كويس بس في مرة لما جيت ادخله الاسطوانة كتب علي الشاشة error 06 مش رسالة
error 08 زي ماكان بيظهر قبل كده والاسطوانات اللي انا عملتها زي طريقة الاعضاء بس عموما انا حاسس انه حايعملها تاني وحارجع لل fm modulator
ربنا يستر

[r0xer]

ههههههههههه الظاهر ياعم مينا إن عربياتنا بيحصلها نفس الشيء في نفس الوقت ههههههههه فاكر الخبطة اللي في الرفرف؟ :D

بص ياريس النهاردة الكاسيت طلعلي إيرور 04 و دورت على الزرار بتاع الreset. لاقيته محتاج مفك أو قلم عشان يدخل لجوة و قد كان و دست عليه كذا مرة ولكن ولا الدموع و الكاسيت برضو مشتغلش...بالصدفة كنت رايح التوكيل و نفضولي على الكاسيت وقالولي روح العنوان التالي ومعاك ضمان الكاسيت :

13 شارع عباس العقاد. مدينة نصر.

حد طلعله إيرور زي اللي عندي؟

[vando]

باشا انا متشكر جدا على اهتمامك و بجد والله انا اتخنقت حتى الاف ام موديلتور بيعمل زنة جامدة فى الصوت مش عارف اعمله ايه هو التانى و غيرت الموجة بتاعته اكتر من مرة انت بيعمل عندك كدة ولا ايه؟
على فكرة انا اشتريته من راديوشاك
عندك حل ليه هو التانى
تحياتى و اسف للاطالة

[Eng.Mina]

ازيك يا roxer باشا ليك وحشة وللاهي من ايام موضوع الرفرف واضح فعلا ان مشاكلنا انا وانت متشابهة انا انهارده برده كنت في مشوار طويل والاسطوانة كانت شغالة زي الفل فجاة الاسطوانة وقفت وظهر علي الشاشة error 06 بس كان قبل كده بيظهر error 08 (واضح انك كل ماتدوس زرار reset ال error بيقل كاسيت يفرح فعلا:arghh:) المهم انا مش عارف ايه حل للموضوع ده وانا اسف اذا كنت اتسرعت وكتبت ان الموضوع اتحل كان المفروض اني اتأكد كويس الاول معلش سامحوني بس انا متهيألي ان كل رقم من ارقام ال error اللي بتظهر بيكون ليه دلالة معينة يعني مثلا لو فتحت كاتالوج العربية وجبت الصفحة رقم 81 في الجزء الاول من الكاتالوج (مميزات سيارتك هونداي/فيرنا) حاتلاقي جدول تحت عنوان (رموز اعطال النظام السمعي ) في الجدول ده حاتلاقيه بيشرح كل نوع من انواع ال error ود طبعا للكاسيت الهيونداي اللي مفروض ينزل للعربية عموما يا roxer لو حاتقدر تروح التوكيل بتاع roadstar ياريت تعرفنا هما عملوا ايه وحلوا المشكلة وللا ايه اللي حصل وكمان بالنسبة للضمان انا الضمان عندي خلص مش عارف حايبقي ايه نظامهم في الفلوس يعني لو قدرت تروح ياريت تبقي تقيملنا الموقف من حيث معاملتهم وجودة الشغل وربنا يبعد المشاكل عن عربياتنا احنا الاتنين

[Eng.Mina]

ازيك يا vando بص انا عندي موديلاتور نوعه انفينيتي هو مابيعملش زنة بس لما تعلي الكاسيت بيبقي في وش كانك مشغل الاف ام كده وطبعا كواليتي الصوت مش زي لما تكون مشغل اسطوانة من الكاسيت مباشرة ده غير كمان انك ساعات لما تضرب كلاكس تلاقي في وش في السماعات يعني من الاخر متهيالي انه حل مؤقت وماينفعش تعتمد عليه خصوصا اذا كنت عايز تسمع صوت نضيف عموما انا حاشوف roxer حايعمل ايه في موضوع التوكيل وححاول اروحلهم علشان يظبطوه وبرده انا بنصحك بكده علشان الكاسيت بتاعك لسه في الضمان وده حقك

[r0xer]

خلاص ياباشا أوكي أنا هروحلهم بكرة إن شاء الله على العنوان المذكور و هسألهم هل لو الضمان خلص ممكن يصلحوه حتى ولو بفلوس ولا أيه و لعل وعسى يصلحو الكاسيت بتاعي و يكون مشكلة سهلة.

[Eng.Mina]

معلش يا باشا احنا تاعبينك وبانتظار النتيجة ياريت برده تبقي تعرفنا خدوا وقت اد ايه في الموضوع ده علشان انا من الشرقية وحنزل مخصوص ليهم

[Eng.Mina]

معلش يا roxer ياريت تعرفلنا منهم ايه معني error 08 و error 06 و error 04 يعني كل واحد فيهم بيعبر عن ايه ؟؟؟ اصل يمكن تكون المشكلة اللي عندك غير اللي عند vando وربنا يوفقك وماتنساش تقولنا علي النتيجة

[vando]

الحمد لله اخيرااااااااااااااااااااااا لقيت الحل و انتهت المشكلة بكل بساطة
القصة كالتالى, انا روحت 13 عباس العقاد بالامانة ناس محترمة جدااااااااااااااااااا
دخلت و قلتلهم انا كنت كلمتكم امبارح بخصوص مشكلتى قالى البيستقبلنى ايوة انا يا افندم الرديت عليك و اتفضل جوة استريح لحد ما ابعت معاك حد للعربية يشوف فى ايه.
المهم جيه الفنى و هو للامانة راجل ذوق جدا و اسمه أ/ايهاب نبيل 0105397462
المهم نزل معايا للعربية و قالى الكود بتاع الارورو ده معناه ان فى مشكلة فى الاسطوانات لاما حاجة لازقة على العدسة.
و بالفعل فك الوش بالكامل و اخد الكاسيت لفوق و قالى هصلحهولك النهاردة إن شاء الله و متقلقشى الاهم انا استنيت بتاع نصف ساعة و لقيته راح جاى و نزلنا تانى للعربية و ركب الكاسيت و اشتغل و زى الفل لغاية هنا و تمام
المهم انا بطلت العربية لغاية التكة الانتوا عارفينها بتاعة قبل ما تفصل الكهرباء العمومى عن العربية و بعد كدة روحت مدور العربية راح الكاسيت فاصل التكة دى عشان التدويرة و رجع زى ما كان و ادانى نفس كود الارور المهم اجننت و كلمته قالى انت دورت العربية و الكاسيت كان شغال قلتله اه.... قالى لا اوعى تعمل كدة تانى لان انت لما بتعمل كدة الكاسيت بتوصله كهرباء زيادة و السيستم بيعمل كدة و قالى شيل الوش بتاعه و افضل دايس 30 ثانية على الزرار بتاع الreset و بعد كدة جرب المهم عملت كدة و بالفعل اشتغل بس تراك اه و تراك لا المهم حاجة قالتلى يمكن يكون لازم يتعمل فيه حركة تنشيط عكسية عشان السيستم يرجع زى ما كان روحت مدخل اسطوانة و الكاسيت جاى يسحبها روحت ماسكها و سحبتها لبرة و فضلت ادخلها و اطلعها و هى فى ايدى و بالفعل الجهاز اتلخبط شوية و مبقاش عاوز يسحب اى سىدى سيبت السىدى زى ما هو كدة فيه راح شوية و سحبه لوحدة و اخيرااااااااااااااااااااااااااااااااااااااا اشتغل تمام و حتى لحظة كتابة هذه السطور
اتمنى انى اكون افدتكم
لو حد عاوز يكلم المهندس يقوله انا من طرف أ/ عبدالرحمن بتاع الـI10
عشان ده اتفاقى معاه انى هسيب رقمه لاصحابنا كلهم يكلموه حتى لو الكاسيت مش فى الصيانة اصلا ولا عندهم ولا النوع بتاعهم
و شكرا و اسف للاطالة

[r0xer]

ههههههههههههه لا بجد حرااااام علييييك

طالما كنت هتروح ليه ودتني أنا كمان!!

المهم اللي عايز أقوله إن أنا كمان رحت التوكيل النهاردة....وقابلت نفس الشخص الأستاذ إيهاب نبيل. و الراجل فك الكاسيت كله واخده فوق ونضفه و قالي إنه غيرلي عدسة الكاسيت " مش عارف أيه مدى صحة الكلام دا؟"؟

و طبعا أخدت تلفونه عشان أصحابنا هنا وهو زي ما الأستاذ فاندو قال بالظبط.

أنا قلتله إن في واحد من طرفي جاي أول الأسبوع من الشرقية و كلمه بس وهو عارف " قوله من طرف المهندس/ مصطفى بتاع الفيرنا"

المهم إن الكاسيت حاليا بقى رائع و مفصلش تاني الحمد لله ولا مرة. و طبعا أنا راضيت الراجل عشان لو إحتجتله تاني و كمان لأنه راجل ذوق جداً في التعامل .

[Eng.Mina]

الف مبروك ياجماعة انا وللاهي فرحت ان المشكلة ليها حل وإن شاء الله انا حاروحلهم في اقرب فرصة