مالفرق بين فيرنا 1500 موديل 2006 هاف و 1600 هاف

[dr_magdi2012]

لاقصد الفيفا و لكن الفيرنا قدامى عربية ففبريكة برة و جوة بتاع واحد صاحبى عاوز اشتريها منه انا معايا الان لانوس كاملة 1500 مانيوال 2001 و مضبط الفيشة على 80 و سحبها زى الفل بس عاوز اعلى شوية رايكم ايه

[medododo]

الفرق الماتور بس
بس مش هتحس بنقلة من الدايو للفيرنا وخصوصا انك معاك الكاملة
لو عايز نقلة دور على الالنترا 2005

[dr_magdi2012]

الفرق الماتور بس
بس مش هتحس بنقلة من الدايو للفيرنا وخصوصا انك معاك الكاملة
لو عايز نقلة دور على الالنترا 2005

يعنى 5 سنين مش فرق .......زز و بعدين اسمع ان مواتير الفيرنا حريقة فى الجرى و مش بيتاثر بالتكيف و كمان بتمشى ببنزين 80 عادى و العربية دى خرج بيت واحد صديقى مش عاوز اسبها بصراحة .... سؤال اخير هى الفيرنا الهاف دى فيها اريال كهرباء ولا لا

[medododo]

كلام سليم
بس الركوبة عموما مش نقلة الا لو حالة عربيتك مش قد كده والفيرنا حالتها أحسا
وفرق الأوبشن يخنق
يعني مفيش اريال كهرباء
ولا ازاز كهرباء
ومريات عادة
ولا ساعة في التابلوه
ولا عداد ار بي ام

[Hesham94]

يعنى 5 سنين مش فرق .......زز و بعدين اسمع ان مواتير الفيرنا حريقة فى الجرى و مش بيتاثر بالتكيف و كمان بتمشى ببنزين 80 عادى و العربية دى خرج بيت واحد صديقى مش عاوز اسبها بصراحة .... سؤال اخير هى الفيرنا الهاف دى فيها اريال كهرباء ولا لا

بص ياباشا انا سوقت الفيرنا 1600 واللانوس

طبعا اكيد اللانوس حافظها لانها عربية حضرتك

الفيرنا 1600 فعلا السحب والجرى افضل من اللانوس
ودواسة البنزين سريعة الاستجابة تحت اى ظرف على عكس اللانوس بحس ان هى كسلااانه تحت ال 3000 rpm

بس اللانوس افضل فى السرعات العالية والمناورات خصوصا انى كنت بحس ان الفيرنا بتميل جامد فى الحوادانات عن اللانوس

وصالون اللانوس بحس انه افخم من الفيرنا ودا رايى مع احترامى لاراء الباقين

صوت موتور اللانوس مميز جدا ومريح للاذن على عكس الفيرنا اما ال rpm بيبقى عالى بيبقى صوته غير مريح للاذن مقارنة باللانوس

اما عن الفيرنا 1500 فانا معرفش عنها حاجة الله

اتمنى انى اكون افدت حضرتك

[chicobon]

بلتوفيق ان شاء الله

[kshahin]

الفرنا الاستابيلتى فى السرعات العالية سيئة جدا ومرعبة

[lanos2004]

الانوس اضمن ولو عاوز سرعه ركب ليها وش نوبيرا هتنفخ اي فيرنا ١٥٠٠ او ١٦٠٠