سرعة الماتريكس - اوتوماتيك

[osoo22]

السلام عليكم ,,,
انا معايا ماتريكس 2006 اوتوماتيك كنت عايز اسأل على حاجة دلوقتى وانا ماشى على 100 كيلو ال rpm بيبقى على 4 ؟؟ هل دة طبيعى ؟؟ و اية اقصى سرعة للعربية للعلم فقط ؟؟؟

أول مرة أركب أوتوماتيك , أرجو الإفادة .

[hany63]

بتيجي على 2750 لفه راجع العربيه

[koshary]

ار بى ام 4 ده عالى جدا راجع الحساسات بتاعت العربيه وربنا يوفقك وبالنسبة
للسرعه واحد صاحبى بيمشى بيها 170 و 180 وتمام معاه بس هو مركب جنوط وموطى العربيه علشان الثبات

[osoo22]

بتيجي على 2750 لفه راجع العربيه

معلش يا باشا ممكن توضح ؟؟

[amrelsaqqa]

كتير جدا الار بي ام ده

ممكن يكون عندك مشكلة في الفتيس
سواء بيكون ماشى على نقلة اقل او فيه تفويت

عزم العربية عامل ايه ؟

[midofayad]

كده كتير اوى على حد علمى
انا عندى في الميجان ال rpm بيبقى على 3 عند سرعة 110 كيلو بالضبط

[osoo22]

ار بى ام 4 ده عالى جدا راجع الحساسات بتاعت العربيه وربنا يوفقك وبالنسبة
للسرعه واحد صاحبى بيمشى بيها 170 و 180 وتمام معاه بس هو مركب جنوط وموطى العربيه علشان الثبات

الف شكر يا باشا انا بردوا حاسس ان فى حاجة غلط يعنى بحس انها المفروض تنقل غيار تانى و تبقى على 3 بالكتير لما أوصل ل 100 كيلو ( مش عارف بقى اروح فين لو تعرف مركز خدمة كويس يبقى كتر خيرك ) اما بالنسبة للسرعة فهيا و صلت 155 - 160 بس ال rpm كان عالى اوى يعنى فوق ال 6


لو حد معاة ماتريكس يا ريت يفيدنا يا جماعة ....

[osoo22]

كتير جدا الار بي ام ده

ممكن يكون عندك مشكلة في الفتيس
سواء بيكون ماشى على نقلة اقل او فيه تفويت

عزم العربية عامل ايه ؟

عزم العربية زى الفل مفيهوش مشكلة , هي بس قصة انى بحس انو المفروض ينقل عند ال 100 و ال rpm ينزل و دة مبيحصلش لكن فى الاول كله زى الفل الحمد لله

و 1000 شكر ليك على العموم انا هحاول اجرب تانى إن شاء الله و أشوف

[osoo22]

مفييييش حد عندة علم بالموضوع دة يا جماعة - العيب منين ؟؟

لو حد معاه ماتريكس ياريت ميبخلش علينا بالمعلومة .

[Kareem Fawzy]

انا عندى ال100 كم بتيجى على 2.5
يعنى 2500 لفة فى الدقيقة

انصحك سيب مشاركة فى الموضوع دة والبشمهندس هانى هيرد عليك بنفسه
واحد من جوه التوكبل كلاكيت تانى مره

[sanhory]

يا باشا افتح ال OD over drive و انت ماشي عالطريق

يعني المفروض حضرتك وانت ماشي عالطريق السريع ما يبقاش في اي نور في التابلوه و متبقاش OD off دي منورة

لما بيشتغل ال OD بيريح الغيارات و بتجيب النقلة الرابعة و استهلاك اقل و ار بي ام اقل (ملحوظة شغال يعني اللمبة تكون مطفية)

المفروض OD off دي تخليها منورة وانت في الاماكن الزحمة اللي مبتلحقش تمشي شوية و تقف تاني عشان العربية متفضلش تغير في نقلات كتير

اول ما تمسك طريق تشغلها (يعني تدوس عالزرار عشان اللمبة تطفي من التابلوه)

معلش هيا تلغبط شوية بس انت احسبها كده ان وانت ماشي عالطريق المفروض يبقى كل الاشارات التحذيرية مقفولة
و دي منهم و عاملينها كده عشان مش المفروض تمشى عالطريق و هيا منورة

[osoo22]

شكراً انا عملت زى ما حضرتك قولتلى و الله المستعان

بس انا لسه على أمل ان حد من ملاك الماتريكس يفيدنا ....

[amrelsaqqa]

يا باشا افتح ال od over drive و انت ماشي عالطريق

يعني المفروض حضرتك وانت ماشي عالطريق السريع ما يبقاش في اي نور في التابلوه و متبقاش od off دي منورة

لما بيشتغل ال od بيريح الغيارات و بتجيب النقلة الرابعة و استهلاك اقل و ار بي ام اقل (ملحوظة شغال يعني اللمبة تكون مطفية)

المفروض od off دي تخليها منورة وانت في الاماكن الزحمة اللي مبتلحقش تمشي شوية و تقف تاني عشان العربية متفضلش تغير في نقلات كتير

اول ما تمسك طريق تشغلها (يعني تدوس عالزرار عشان اللمبة تطفي من التابلوه)

معلش هيا تلغبط شوية بس انت احسبها كده ان وانت ماشي عالطريق المفروض يبقى كل الاشارات التحذيرية مقفولة
و دي منهم و عاملينها كده عشان مش المفروض تمشى عالطريق و هيا منورة

تمام بس اعتقد برضه هو عنده مشكلة تانية لأن مش طبيعى انه يكمل ويوصل لـ 6000 ار بي ام بدون ما الفتيس ينقل حتى لو مش عامل اوفر درايف

[sanhory]

تمام بس اعتقد برضه هو عنده مشكلة تانية لأن مش طبيعى انه يكمل ويوصل لـ 6000 ار بي ام بدون ما الفتيس ينقل حتى لو مش عامل اوفر درايف

اللي اعرفه ان لو مش عامل الاوفر درايف النقلات حتيجي لحاد النقلة التالتة و مش حتجيب الرابع مهما حرق عليها زي كده ال d3 في الهوندا

[osoo22]

انا متشكر جداً يا أستاذ سنهورى على المشاركة و المساعدة , انا فعلن و انا ماشى كنت عامل ال OD off يعنى اللمبة منورة اصل فى ناس قالتلى ان ال OD لو انتا عايز تحرق على النقلة علشان كدة انا سيبتها مطفية .

بس لو كدة انا ممكن أجرب الموضوع الى حضرتك بتقول عليه و اتمنى انها تتظبط خصوصاً و انى الحمد لله مش حاسس ان فى مشاكل فى العربية ( ادعيلنا كدة يا استاذ عمرو :) )