الاكسنت بتعملي اصوات غريبة .. هي مالها؟

[egy_3assy]

يا جماعة الاكسنت دلوقتي فيها صوت غريب كدة .. و بييجي و يروح .. في الغالب لما تكون باردة بس ساعات و هي سخنة برضو يظهر .. هو صوت كدة جي من ناحية الشمال قدام عامل زي مايكون حكة او صوت زكام :] بجد والله ومش حاجة في العجل عشان هو بيفضل مستمر و انا واقف. ويعد يروح و ييجي .. و في صوت تاني هو صفارة كدة تعد تصفر بس دي فعلا لما العربية بدورها و هي باردة الصبح و كدة .. و دة مش سير ... هو تحس انو صوت الصفير اللي بيبقا في مواسير المية في العمارة ساعات .. فمش عارف المشكلة فين.

[koshary]

بصراحه انا مش فاهم المشكلة هكتفى ب ..... متابع

[lenasam]

شوف العفشة

[Kareem Fawzy]

هى اكسنت موديل كام وياترى فى الضمان ولا لا؟؟ وبتحس ان الصوت من الموتور ولا من العجل...؟؟

[A7MED_PHARMA]

شيك على السيور

[minicooper20]

صوت الصفاره دى ممكن يكون من فلتر الهواء و الله اعلم لان حصلى كده مره

[Screenplays]

ههههههههههههههه حلوه صوت زكام دي

التشخيص حاجه من الاتنين يا الدبرياج فيه مشكله يا اما بلي العجل عن تجربه

[misoalex]

لو الاصوات دى والعربيه واقفه ممكن يكون بلى الدينامو لو ليه رومان بيل عندك وممكن تكون بليه الكاتينه مثلا او طلمبه ميه

روح لمكانيكى هو حيعرف الصوت من اى جزء

[sheko_2000eg]

سيوووووووووووووووور

[egy_3assy]

شوف العفشة

هي مش عفشة يا باشا عشان الاصوات دي الصبح بس و لما بكون واقف

[egy_3assy]

هى اكسنت موديل كام وياترى فى الضمان ولا لا؟؟ وبتحس ان الصوت من الموتور ولا من العجل...؟؟

هي اكسنت 99 ال1300 كربراتير ... والصوت مش من الموتور .. ولا من العجل ,, عشان بكون واقف .. بس صوت الحكة او الخشونة دة انا شاكك انو من الدبرياج .. بس هل يعمل كدة حتى لو واقف؟؟

[egy_3assy]

صوت الصفاره دى ممكن يكون من فلتر الهواء و الله اعلم لان حصلى كده مره

بس فلتر الهوا يبقى المنطقي ان الصوت يفضل مستمر .. وانا غيرت فعلا فلتر الهوا من 3 اسابيع و لسة بييجي الصوت ,,, بس للأمانة مش كل يوم

[egy_3assy]

لو الاصوات دى والعربيه واقفه ممكن يكون بلى الدينامو لو ليه رومان بيل عندك وممكن تكون بليه الكاتينه مثلا او طلمبه ميه

روح لمكانيكى هو حيعرف الصوت من اى جزء

هي مشكلتي اني عقبال ما هروح لميكانيكي يون الاصوات راحت لأن الاصوات دي زي ما بقولك الصبح بدري بس و هي باردة .. بس صوت الخشونة فضل مكمل معايا معظم السكة و انا مسافر اسكندرية

[MohssenRashed]

باشا ده صوت بلية طقم الدبرياج عن تجربة في أكسنت 99.

شوف الطقم ماشي قد اية.

[shahen]

باشا ده صوت بلية طقم الدبرياج عن تجربة في أكسنت 99.

شوف الطقم ماشي قد اية.

+111111111111111111111