قدر الله و ما شاء فعل

[lordvoldmort]

السلام عليكم و رحمة الله و بركاته
امبارح عربيتي الانترا 2012 اتحكت في الباب الخلفي من تحت و بقي فيها زي خطوط بيضاء من تحت و شكلها مضايقني خالص
بشوية بحث لقيت إن في مواقع بتبيع دهانات خاصة بألوان الالانترا و كل لون ليه كود زي الموقع دة
Hyundai Touch Up Paint Pen
فسؤالي هو في حد في مصر بيبيع الدهان دة؟ و بكام و منين؟
ولا في طريقة أحسن ؟ و ياريت لو حد شايف إنها تترش يرشح حد في مدينة نصر و يقول تكون بكام تقريبا
و شكرا

[S O P H O S]

حضرتك هترشها برا التوكيل يعني
وهل هي تحتاج للرش الي هذا الحد
تقبل مروري

[koshary]

لو فى قلم دوكو بنفس لون عربيتك اشتريه واعمل الحكه لو مفيش اى واحد بتاع دوكو هيدهن نص الباب ب 100 جنيه تقريبا

[Ahmed_Ramadan]

السلام عليكم و رحمة الله و بركاته
امبارح عربيتي الانترا 2012 اتحكت في الباب الخلفي من تحت و بقي فيها زي خطوط بيضاء من تحت و شكلها مضايقني خالص:h_angry[1]:
بشوية بحث لقيت إن في مواقع بتبيع دهانات خاصة بألوان الالانترا و كل لون ليه كود زي الموقع دة
hyundai touch up paint pen
فسؤالي هو في حد في مصر بيبيع الدهان دة؟ و بكام و منين؟
ولا في طريقة أحسن ؟ و ياريت لو حد شايف إنها تترش يرشح حد في مدينة نصر و يقول تكون بكام تقريبا
و شكرا

طيب ما تصور التجريح و ............إحنا ندلك على اللى يتعمل

[Ashraf_Ibrahim]

ممكن حضرتك تحط صورة ليها!؟
يمكن يكون ليها حل غير الرش!

[Kareem Fawzy]

اعتقد الافضل حضرتك تحط صورة للباب علشان نقدر نقول لحضرتك الحل الامثل وياريت الصورة تكون بالنهار علشان تبقى باينة

[A7MED_PHARMA]

كبر دماغك

سيبها تاخد العين

[minicooper20]

سبها شويه

[sayedmagic]

متضايقش نفسك اعمل زيي سبها شوية انا كمان عندي حكة في الباب الخلفي

[atyam]

ياراجل ويجيلك قلب ترش 2012؟؟؟
خليها على الله وسيبها كده شوية عشان العربيات دى ملفته وبتاخد العين

[mmaaggddyy]

كبر دماغك

سيبها تاخد العين

[hugan]

1/8 كيلو بويه فرن من عند محل لبيع بويه الدوكو
وبفرشه قلم رفيعه جدا تمشي علي الخطوط والتجريح
وان شاء الله تختفي
لون العربيه بيكون مكتوب في الحوض بتاع العربيه
والراجل بيضرب اللون علي الكمبيوتر
يعني مش بيضرب الللون علي ايده لازم تتاكد من النقطه دي

[sheko_2000eg]

اعتقد الافضل حضرتك تحط صورة للباب علشان نقدر نقول لحضرتك الحل الامثل وياريت الصورة تكون بالنهار علشان تبقى باينة

1++++++++++++++++++++++++++++

[Samir Elshahawy]

ياريت لو تنزل صورة للعربية
علشان لو حاجة بسيطة ممكن تسيبها شوية و أهي برضه تخزي العين و ألا هاتضطر في بلدنا الجميلة دي أنك ترش العربية كل شهر مرة علي الاقل

لكن لو حاجة كبيرة و جامدة يبقي تتعمل تاني و فيه ناس أساتذة في الموضوع ده ممكن يعملوها

[lordvoldmort]

اسف علي التأخير في الرد
دي صور الحكة مش عارف اذا كانت واضحة أوي ولا لا لان موبايلي الأساسي ال galaxy s 2 اتسرق فرجعت لموبايلي القديم ال nokia 6630 تاني