طلمبة البنزين الالنترا باظت

[Hacker5]

العربية كان بقالها كام يوم بتغيب فى الدوارة
النهاردة الصبح انها تدور ابدا
المارش شغال طبيعى جدا لكن الموتور مش عايز يقوم ابدا و اكبس بنزين تدور و تبرجل و بعدين تبطل
جيت ادور تانى سمعت بوم بوم من الشكمان ورا روحت سايبها و ماشى
كلمت الميكانيكى قالى دى كدة طرمبة بنزين و طبعا كان النهاردة يوم الحد و مافيش صنايعية فاتحين
قلتله طب كدة العربية مش هاتتحرك قالى لو دارت معاك بكرة هاتها و تعالى لو مادرتش اركب مواصلات و تعالى الورشة و ابعت معاك حد يشوفها
يا يطلع المشكلة من الطرمبة نفسها او ممكن فيوز

انا عايز اعرف كدة لو طلعت الطرمبة هى اللى بايطة بتتغير كلها ولا الموتور بتاعها بس هو اللى بيتغير زى الدايو كدة ؟

[mohamed5800]

ممكن يبقى الماتور بس

[Screenplays]

الطلمبه كلها عايزه تتغير و موضوع تغيير موتور الطلمبه اشتغاله و كنت مجربه في اللانوس و يدوب مفيش يومين و الطلمبه قطعت فريح عقلك و هات طلمبه كامله و ياريت تكون اصلي عشان تشيلها من دماغك لفتره كبيره

[sheko_2000eg]

الطلمبه كلها عايزه تتغير و موضوع تغيير موتور الطلمبه اشتغاله و كنت مجربه في اللانوس و يدوب مفيش يومين و الطلمبه قطعت فريح عقلك و هات طلمبه كامله و ياريت تكون اصلي عشان تشيلها من دماغك لفتره كبيره

1++++++++++++++

[Samir Elshahawy]

المضخة كلها بتيجي حتة واحدة (موتور + مضخة)

[Hacker5]

انا سألت على الطرمبة اصلى موبيس 950 جنيه
الموتور او القلب بـ 70 جنيه بوش و 125 جنيه كورى
فى التوكيل الموتور عامل 1430 جنيه
و الطرمبة كلها بـ 2420 جنيه
طبعا اسعار تطلع من النافوخ

[Hacker5]

ركبت موتور الطرمبة البوش اللى بـ 70 جنيه و اتضح ان ابن عمتى اللى انا شارى منه العربية كان مغيره برضو بموتور بوش لما كلمته النهاردة قالى يا عم انا كنت مغيره و جايبه بـ90 جنيه و فضل شغال لحد ما انتا خت منى العربية
يعنى انا دلوقتى كنت ماشى بالموتور دة حوالى 50000 كيلو فقلت كويس انه قاعد دة كله و بـ 70 جنيه بس يابلاش
فالحمد لله ركبته و العربية شغالة تمام الحمد لله و كان فيها رجة خفيفة الحمد لله راحت

[Kareem Fawzy]

مبرووووك عليك والحمدلله انها جت سليمة وبسيطة