Tweet
السلام عليكم يا جماعه انا عندي مشكله جامده جدا...انا اشتريت النترا 2007 من 4 شهور وكانت عامله 89000 كم وبعد مرفعتها في بنزينه وتوكلت علي الله واشتريتها عرفت اني خدت مقلب جامد جدا ..لمبه الeps منوره علطول وحسيت بطقه في الدركسيون وتخبيط في المطبات في الدركسيون من تحت..المهم روحت التوكيل وبعد الكشف قالولي ان العلبه وعمود القطمه و الوصله عايزين يتغيروا ودول تمنهنم 15000 جنيه ..وطبعا خرجت من التوكيل وانا مش عارف اعمل ايه ..فيا ريت يا جماعه لو حد يعرف حد كويس بيشتغل في الهيونداي الجديد يقولي عليه عشان انا عايز اركبهم استيراد ويكون واثق فيه انه بيشتغل في الهيونداي الجديد وهل ممكن اشتريهم جداد بدل الاستيراد ومشاكله ..ويا تري حد مر بالمشكله دي وازاي اتصرف فيها..يا ريت يا جماعه حد يدلني لاني مش عارف اعمل ايه..وشكرا لكم ومنتظ ردودكم.
-
-
ما تقلقش فعلاً المشكلة دى فى هيونداى 2007 بالتحديد وتمنها فى التوكيل 17 الف مش 15 مش عارف غبور بقا بيرخص ولا اية
بخصوص القطمه دى تمنها استيراد يا 1500 جنيه يا 1700 جنيه مش فاكر
ما تقلقش الموضوع بسيط جداً ان شاء الله
اسأل عليها بس استيراد ولما تشتريها ان شاء الله نكون شوفنا حد خبرة ينفعك
ما تقلقش انتا هنا بين اخواتك وكلنا هنساعدك ان شاء الله
بالتوفيق -
شكرا جدا يا بشمهندس لذوقك وسرعه ردك ..انا بس مش زعلان انه اتضحك عليا في العربيه بس قلقان لانهم قالولي ان الدركسيون ممكن لا قدر الله يقفش وانا سايق ..المهم انهم في التوكيل مش عارف عملو ايه ولمبه الeps طفت بس انا فعلا قلقان والحمد لله طبعا علي كل حال ويا ريت لو تعرف حد بيشتغل في الموضوع ده تقولي هل ممكن يكون العيب سهل وهما بيضخموه في التوكيل.في ناس كتر قالتلي بيع العربيه بس انا مش عايز اغش حد زي منا اتغشيت وشكرا جدا يا بشمهندس.Comment
-
انا علي فكره فعلا سالت عليها استيراد وهي في نفس الحدود اللي حضرتك قولت عليها بس هل في حد ممكن يركبهالي وهل تركيبها سها..المهندس اللي في التوكيل قالي انه مش اي حد ممكن يركبها ولازم يكون عنده الجهاز وقال ان العربيه ممكن تبات يوم في التوكيل عشان تتغير.Comment
-
ان شاء الله تتحل وتبقي بسيطة
والله يسامح الي بيبع حاجة وميكنش صريح
ان شاء الله خير متقلقشComment
-
يعني لو هتسمع رأيي الخاص اقلب الباور زيت اصلا عشان متفكرش في المشكلة دي تاني
لأن برده ممكن تجيب القطمة وتتكرر نفس المشكلة
يمكن الزيت هيبقا مكلف اكتر شوية ممكن يدخله في سكة 4000 جنيه تقريبا بس هتعمله وتنساه خلاص مش هيتكرر الموقف دا تاني ان شاء الله
*متحاولش تمشي بالعربية كتير
وممكن حضرتك تشوف المهندس هاني اكيد عنده معلومات اكتر عن القصة ديAshraf_IbrahimComment
-
شكرا يا استاذ اشرف بس اغير الباور زيت ازاي وعند مين واوصل ازاي للمهندس هاني..منتظر ردودكم يا جماعه ............................ من فرج عن مسلم كربه من كرب الدنيا فرج الله عنه كربه من كربات يوم القيامه..Comment
-
المشاركة الأصلية كتبت بواسطة ah_bodo511 مشاهدة المشاركة
هو انتا من ساعت لما اشتريت العربية وفيها العيب دة؟؟
مش شرط يكون صاحب العربية القديم غشك ممكن يكون ظهر معاك انتا
على فكرة دة عيب صناعة فى الالنترا الموديل دة وانا متوقع انها تحصل عندى قريب جداً
ربنا يستر
بخصوص البشمهندس هانى
هو عامل موضوع اسمه واحد من جوه التوكيل كلاكيت تانى مرة
هتلاقيه فى اول صفحة او تانى صفحة
سبله مشاركة فى موضوعه وهو هيساعدك لو يقدر يعملهالك هيعملها او حد من الناس اللى معاه يعملهالك ان شاء الله
وبخصوص كلام التوكيل فى ان العربية بتات دة حقيقى لانها هتاخد شغل كتير
ربنا معاك يا باشا
وما تقلقش
ولو البشمهندس هانى طلع يقدر يعملها كلمنى اروح معاك ان شاء الله وانا عنيا ليك انا وكل هيونداى تيمComment
-
المهندس هاني احد مهندسي التوكيل سابقاالمشاركة الأصلية كتبت بواسطة ah_bodo511 مشاهدة المشاركة
ودا الموضوع بتاعه تقدر تدخل تحكيله المشكلة تحديدا وهو اكيد هيقول لحضرتك ايه الصح اللي تعمله
وزي ما كريم فوزي قال لحضرتك
حضرتك تقدر تبلغنا ايه هيحصل واحنا معاك ان شاء الله لا تقلق
ودا تليفوني لو احتجت شيء
01113014761
Ashraf_IbrahimComment
-
متقلقش اتصل بالاستاذ اشرف دكتور ميكانيكى فى عربيات هيونداى لانه شغال فى توكيل هيونداى ابو رواش وبقاله اكتر من 12 سنه فى التوكيل وهو تيم ليدر هناك وهو ساكن فى روض الفرج وانا بصين عنده الافيو بتاعتى عنده بقالى سنتين ونص
اتصل بيه واحكيله مشكلتك وان شاء الله خير وهو انسان خالوق وعنده ضمير وقوله انا من طرف هيثم بتاع الافيو الهاتش باك السودا وده رقمه 01006182426
والله المستعانComment
-
شكرا جدا م/كريم و ا/اشرف وهيثم....وعلي فكلره انا اشتريت العربيه بالاعيب ده ومكنتش اعرف لاني لمخا اشتريتها كانت لمبه eps منوره علطول بس انا مختش بالي ساعتها..وانا استخدامي قليل للسياره فمحسيتش الموضوع بسرعه..ومتشكر لاهتمامكم اوي يا جماعه وجاري التواصل مع م/هاني وحقولكوا انا عملت ايه معاه بس بعد التواصل معاه ....وشكرا هيثم وانا حكلم ا.شرف اساله واقولك عملت ايه برده ...ربنا يعديها علي خير...Comment
-
السلام عليكم
اولا انا اسمي محمد عبد الله ومعايا نيو اكسنت 2006 وفيها نفس العيب بس كمان متتطور بيقفل الدريكسيون معايا او بيتقل وانا ماشي المهم روحت غير كنترول وفي الموال دة من حوالي سنة طيب عموما كلمني اقول لحضرتك يمكن تعرف تستفاد من الي حصلي01021178476Comment
-
شكرا للمنتدي الجميل والحمد لله المشكله اتحلت يا جماعه بفضل الله ومساعدتكوا و طبعا م/هاني ...وانا مقدرتش استني للصبح انا لسه جاي من عنده و قولت لازم اقول شهاده حق في الانسان ده..وبشكر طبعا ا/اشرف ابراهيم اللي كان مهتم بموضوعي جدا وكلمني كمان عشان يطمن عليا عملت ايه وتاني مره بشكر م/هاني وطبعا ححكيلكوا ايه اللي حصل...انا خدت رقم م/هاني وكلمته انهارده الصبح وحكيتله المشكله بصراحه انسان محترم جدا وذوق جدا وتحس انه قلبه عليك مش زي الصنايعيه اللي تحس انهم عايزين يمصوا دمك ويدخلوك في متاهات وخلاص..
المهم اتفقت علي معاد معاه عشان يشوف العربيه وبعد الكشف الحمد لله طمنني ان القطمه سليمه والمشكله في العلبه والوصله بس وده طبعا بعد الكشف بس موضوع فك العلبه بياخد وقت شويه وقالي لو ممكن تسيب العربيه بس انا قولتله اني جاي من الهرم _علي فكره يا جماعه هو في جسر السويس ورا حديقه بدر) بس بصراحه يستاهل المشوار واكتر والراجل تفضل مشكورا وبدؤا شغل في السياره والموضوع خد حوالي من ساعتين ونصف لثلاث ساعات وهو تقريبا عمل رجلاش للعلبه وطلعنا نجرب العربيه بعد مهو جربها الاول والحمد لله صوت التخبيط راح وقالي ان العلبه شغاله بنسبه 65% وده حل لحد مربنا يكرم واغير العلبه والوصله والحمد لله احنا كنا فين وبقينا فين كفايه اني اطمنت علي القطمه ...
انا خلاص ان شاء الله حتابع صيانه العربيه معاه لانه انسان عنده ضمير و اسعاره ارخص بكتير من التوكيل مع انه نفس الكفاءه واحسن من ناحيه السعر والاهتمام وسيبك بقي يا معلم من شغل الاسطي بليه ...
انا بشكركم يا جماعه تاني وبشكر المنتدي الجميل ده وطبعا شكرا للمهندس هاني لانه فعلا يستحق الشكر...Comment
-
شكر جامد جدا للمنتدي العظيم .....وشكر خاص ل ا/اشرف ابراهيم --م/كريم فوزي وطبعاااااااااا م/هاني ....Comment
-
ويا ريت يا جماعه تقولولي اجيب استيكر نايل موتورز منين في الهرم..................................Comment
Comment