استهلاك البنزين للعربيه الماتريكس

[m_azab83]

السلام عليكم ...
انا معايا ماتريكس 2008 اوتوماتك ... تقريبا ماشية 25000 كيلو استهلاك البنزين عندى سيئ جدا تقريبا 290 كيلو فى 35 لتر بنزين 92 يعني تقريبا 8 كيلو فى اللتر الواحد من غير تكييف
العربيه التانيه نيسان صنى الاستهلاك بتعها اقل من كده بكتير رغم ان المعروف عن الصنى انها حوت بنزين تقريبا 220 كيلو فى 20 لتر بنزين 92
فارجوا الافاده عن استهلاك البنزين للعربيه الماتريكس
و شكراا

[bassam nagy]

الماتريكس الاتواتيك استهلاكها عالى بس مش للدرجة دى
حضرتك اتاكد ان الاوفر درايف مقفول
وغير بوجيهات وفلتر هواء وبنزين

[Kareem Fawzy]

الماتريكس الاتواتيك استهلاكها عالى بس مش للدرجة دى
حضرتك اتاكد ان الاوفر درايف مقفول
وغير بوجيهات وفلتر هواء وبنزين

+111111111
بالظبط كدة وابقى طمنا عملت اية؟؟

[Screenplays]

اخبار الصيانات ايه ؟

[elemam_on_line]

اولا يا جماعة مفيش فلتر للبنزين علشان الانجكشن شوف البوجيهات و فلتر الهوا و الاوفر دريفر اكد علية جدا و حاجة مهمة و ممكن متخدش بالك منها البنزينة اللي بتمون منها تكون بتغش البنزين و على فكرة الماتركس مابتكلش بنزين و لا حاجة من الكلام ده خالص انا عربيتي ماتريكس اتوماتيك و اسئل راكب ( مجرب )

[wisambasha]

ايه الكلام ده
انا خوفت من العربية من قبل ما اجيبها
اصلي بادور علي واحدة اتوماتيك ولو بتاكل بنزين كدة يبقي بلاش منها
حد يفيدنا يا جمااااعة

[mazeen]

اولا يا جماعة مفيش فلتر للبنزين علشان الانجكشن شوف البوجيهات و فلتر الهوا و الاوفر دريفر اكد علية جدا و حاجة مهمة و ممكن متخدش بالك منها البنزينة اللي بتمون منها تكون بتغش البنزين و على فكرة الماتركس مابتكلش بنزين و لا حاجة من الكلام ده خالص انا عربيتي ماتريكس اتوماتيك و اسئل راكب ( مجرب )

يعنى ايه مفيش فلتر بنزين -----------يوجد فلتربنزين للماتريكس داخل التنك

[osoo22]

السلام عليكم ,,,

بص يا باشا انا معايا ماتريكس أوتوماتيك العربية بتعمل من 190 الى 200 كيلو كل 20 لتر داخل البلد , اما على الطريق السريع لسة محسبتش - لو ممكن الأخ ال Emam أو اى حد من ركاب الماتريكس علشان كلنا نستفيد .

[koshary]

متابع

[elemam_on_line]

في الطرق السريعة الصفر بتعمل من 280 الى 320 في الصفيحة ( 20 لتر ) ده الاتوماتيك اللى انا راكبها

[osoo22]

طيب ده كده ما شاء الله حلو أوى و لو فى زحمة البلد بتعمل معاك اية ؟

و ياريت صاحب المشكلة ياريت يقولنا هل فى أى جديد

[elemam_on_line]

انا في الزحمة مبراكزش و صعب حسب الاشارات و مرات الوقوف

[m_azab83]

انا متاكد ان الاوفر درايف مقفول
وانا مغير بوجيهات وفلتر هواء وبنزين
و عامل كل الصيانات ......
و غير كده كمان ظهر عندى مشكله جديده ..... العربيه بتفصل كهربه لوحدها و مش عارف ليه .....
ارجو المساعده و المشوره فى انها مكان صيانه محترم اروحه ....
و شكرا

[banboty]

روح لماهر بتاع الهيونداى .... اول شارع الوحدة . امبابة

بس ماهر اللى يشتغل فيها

[wisambasha]

انا متاكد ان الاوفر درايف مقفول
وانا مغير بوجيهات وفلتر هواء وبنزين
و عامل كل الصيانات ......
و غير كده كمان ظهر عندى مشكله جديده ..... العربيه بتفصل كهربه لوحدها و مش عارف ليه .....
ارجو المساعده و المشوره فى انها مكان صيانه محترم اروحه ....
و شكرا

علي فكرة في بس نقطتين عاوز اوضحهم للجميع علشان الكلام يكون مفهوم وما فيهوش لبس
اولا: حضرتك بتأكد ان ال overdrive مقفول (عرفت منين؟؟؟)

ثانيا: اذا كان قصدك ان ما فيش اي لمبة بيان في التابلوه منورة ومكتوب عليها OD OFF معني ده ان ال overdrive ON والمفروض يكون ON لان ال Overdrive بيقلل من استهلاك البنزين لما يكون ON يعني ما فيش لمبة منورة في التابلوه وده الصح

اما اذا كانت اللمبة اللي مكتوب عليها OD OFF منورة قدامك فمعني كدة ان ال Overdrive مقفول والعربية بتاكل بنزين لان كدة انت كأنك بتحرق علي الغيارات وانت ماشي وده بيستهلك بنزين اكتر

وارجع للينك ده
What does the overdrive switch do