فوجات لالنترا 2008

[M.Al-Hefnawy]

عندي الالنترا 2008 خليجي بدون فوجات لو حبيت اركب فوجات اشتري الفوجات وايه تاني؟

سمعت اني لازم اغير دراع النور؟ يا ترى صحيح ولا ممكن يتعملها زرار؟ أيه الافضل عشان تبقى زي الفوجات الاصلية اللي بتنزل في العربية؟

الحاجة التانية هي وصلاتها بتبقى موجودة؟

[autocross]

مساء الجمال يا حفناوى بيه :)
انا مركبهم ياباشا بقالهم سنتين فى عربيتى 2009 كنت شاريهم من عند محمد ابراهيم فى التوفيقيه كانو ب230 تقريبا او فى الرنج دا وكانو جايين كاملين بالضفيره وبالزرار بتاعهم بيتركب ليه مكانو تحت تحكم فى مستوى نور التابلوه عندك و بتتركب كأنها نازله فى العربيه من غير دراع ولا كلام فاضى وشغاله عندى زى الفل الحمد لله .يارب اكون افدك :)

[Kareem Fawzy]

اهلاً وسهلاً بحضرتك
بص يا باشا انتا هتنزل التوفيقية تسأل على السجان
هتلاقى الفوجات ماركة اسمها dlaa دى ماركة صينى بس محترمة
هتلاقى الفوجات بالضفيرة بتاعتهم بمفتاح منفصل بيركب مكان الحتة الفاضية اللى جمب مفتاح التحكم فى قوة نور الطابلوه

هتلاقيهم ب250 جنيه
انا شاريهم فى شهر 11 اللى فات
وكمان جبت زينون من عندهم ب320 جنيه hid بس ما شاء الله عليهم زى الفل

ابقى طمنا عملت اية لما تشتريهم ان شاء الله
ولو تحب اقابلك على اخر الاسبوع واشتريهم معاك انا تحت امرك

[M.Al-Hefnawy]

انا متشكر جداً لحضراتكم ... أنا قدامي حوالي أسبوع أو 10 ايام على ما اقدر انزل القاهرة ان شاء الله.

متشكر جدا ليك يا كريم على زوقك ... الحقيقة انا مش من القاهرة ... وبإذن الله تيجي فرصة اتعرف عليك.

[Kareem Fawzy]

دة رقمى
01110247080
حضرتك بس تشرف القاهرة ان شاء الله
وتكلمنى وان شاء الله اقدر اساعد حضرتك

[profimh]

كلام مضبوط و شغال تمام
و لكن لو حبيت تشترى الاصلى هتشتريهم من شارع دمشق من عند نافع الفوجين ب 375 جنيه و الدراع ب 150 ده لو عاوزهم زى الاللى بنزلوا مع العربيه
و قصاد نافع بشويه هتلاقى اولاد عشم اللى كانوا بيركبوا الانذار فى الموديل ده لصالح غبور و فهمين قوى هيعملولك الوصلات و فيوز لها انا شريهم و مركبهم من 10-2010 و زى الفل
انت معاك الخيارين و الله الموفق

[ahmed_mido1889]

http://www.nilemotors.net/Nile/245396-a.html

[ahmed_mido1889]

http://www.nilemotors.net/Nile/245396-a.html

[M.Al-Hefnawy]

شاكر جدا ليكم جميعاً وتعاونكم ... بصراحة استفدت كتير من نصايحكم.

جزاكم الله كل خير

[koshary]

الله عليكم يانجوم بصراحة ياباشا مش ناقص حاجه غير تقرير التركيب والصور هههههههههه

[M.Al-Hefnawy]

ان شاء الله.

[m7mda7md]

مبروك مقدما يا باشا......كريم كريم كريم......انا اخدت النمره......طفاسه بأه ههههههههههههههههههههههههههههههههه