تشغيل بلور التكييف بدون تشغيل الكمبروسر(فيرنا)

[KING_A841]

سؤال لولبي؟؟ انا معايا عربيه فيرنا اولا وبصراحه مبعرفش امشي براحه (مرض السرعه) المهم مع السرعات العاليه الشباك بيدايقني وبحس اني بصدع منه فكنت عايز اشغل البلور (المروحه)بتاع التكييف وقفل الشبابيك واسحب الهواء من بره الصالون (مش تقليب لهواء الصالون) زي ماهو من غير تبريد اوتسخين يعني من غير ماشغل التكييف ولا سربنتينه ميه تبريد الموتور تفتح بردو , يعني هواء طبيعي (نفس درجه حراره الهواء الخارجي)من بره من غير كمبرسور ولا مرور لمياه تبريد الموتور ( مش عارف حد فاهمني ولا انا كده بهذي) وياريت اللي يرد علي يقولي هل جربها قبل كده ولا لأ ؟؟

وشــــــــــــــــــــــــــــــــــــــــــكرا

[m7mda7md]

عادي يا باشا هتفتح المروحه من غير ما تدوس علي زرار التبريد بس عيبها انها هتدخل هوا سخن الي حد ما و مش هتستحملها غير ف الشتا

[Kareem Fawzy]

بالظبط كدة زى ما محمد قال لحضرتك
وكمان هتفتح الهواية

[KING_A841]

طيب لو حطيت الزرار اللي بيحول من السخن للبارد في النص بالظبط بين الأحمر والأزرق ايه اللي هيحصل مش المفروض كده ميدخلش ميه لسربنتينه ميه التبريد ؟؟
مهي أكيد ليها حل ياجماعه بردوو الواحد مش هيعرف ياخد شويه هوا عادي من بره ؟؟

[weta]

جربها عادي بس في مشكلتين ؟؟!!!!
الاولي :الهواء الداخل مليان تراب وهيردملك العربيه من جوه وريحه التراب
الثانيه : الهواء الداخل هيعمل اعاقه لسرعه العربيه مش هتبقي قويه وياسلام لو دض تيار الهواء

متشغل التكيف وانت بتجري فيها اي؟!!! واعمله عي النص بين البارد الساخن!!!

[KING_A841]

جربها عادي بس في مشكلتين ؟؟!!!!
الاولي :الهواء الداخل مليان تراب وهيردملك العربيه من جوه وريحه التراب
الثانيه : الهواء الداخل هيعمل اعاقه لسرعه العربيه مش هتبقي قويه وياسلام لو دض تيار الهواء

متشغل التكيف وانت بتجري فيها اي؟!!! واعمله عي النص بين البارد الساخن!!!

هو ممكن في الأول فعلا تجيب تراب لأن في العاده الكل بيشغل التكييف على وضه ال circulation للهواء اللي داخل عشان يقلل الحمل من على الكمبروسر ويخليه يفصل كل شويه دي انا معاك فيها بس التراب ده هيعد قد ايه دقيقتين تلاته خمسه ياعم ولا تزعل وهيختفي.

لكن بأه حوار اعاقه السرعه ده مش مقتنع بيه لأن فتحات الهوا الخارجي بتكوت في او الكبوت من ناحيه القزاز وواطيه عن مستوى الكبوت شويه عشان الشوائب متدخلش فيها حتى بتكون بزاويه ميل القزاز كمان(وفي عربيات فيها فلتر تكييف) ومتعيقش سرعه زي ماحضرتك بتقول لأن مستواهى اوطى من ةمستوى الكبوت ؟؟

أما بقى أني اشغل التكييف وخلاص وحط السيلكتور في النص فكده هشغل الكمبروسر ودخل ميه سخنه لسربنتينه التسخين فده هيحمل عالمتور وغير كده انا مش بمشي ققل من 160 مع التكييف صعبه اوي وهتنفخ في البنزين

[omaroof]

حضرتك افصل الزرار بتاع a c وبعدين شغل المروحه عادى بس واعمل سحب الهواء من الخارج بس افتكر دايما كل اسبوع تنضف فلتر الهواء بالكمبروسر او البلور لان سحبك للهواء من بره على طول بيخلى الفلتر يتوسخ فلازم تنضفه

[dr.hazem]

مبدئيا اللي انت عايز تعمله مش معجزه يعني ولا حاجه

زي مقالو الشباب
هتحول البوابه تجيب هوا من بره (وده عادي من الدراع اللي بيروح يمين وشمال)
هتخلي الحراره على اول الأزرق كأنك مشغل التكييق تمام (يعني على ابرد حاجه)
هتشغل المروحة عالسرعه اللي تعجبك من غير متشغل زرار الac

النتيجه اكيد بيدخلك هوا من بره ونفس حرارة بره
اكيد اكيد اكيد

كل المشكله انك لازم تبقى مطمن ان فلتر الهوا موجود اولا
وثانيا بعد العمليه دي لما يدخل الصيف تفكه تنضفه او تغيره عشان فتح البوابه بيخليه يتملي وساخه ويقلل كفاءة التكييف..

موضوع استهلاك البنزين مع احترامي للي قاله بس فتح البوابات بيقلل الاستهلاك لان مقاومة الهوا بتقل مش هتزيد الا لو قفلتهم وفتحت الشباك

موضوع التراب ملوش معنى طالما الفلتر بتاع التكييف موجود وشغال

مفيش داعي تلعب في مؤشر الحراره وهتسيبه على اعلى بروده لانك مش محتاج ميه سخنه تخش السربنتينه السخنه والا كده هيخشلك هوا سخن

تحياتي

[m7mda7md]

بالنسبه للسحب اعتقد مش هتفرق لأن الهوا هينضغط جوا العربيه بمقدار معين و مش هيزيد بعده و في اللحظه دي الوضع هيكون مساوي لوضع البوابه المغلقه!!!!!!!!!!!!!!!!!!!!!!
ممكن نقول لن العربيه هتبقي اخف لأن الهوا هيبقي جوه العربيه ضغطه اعلي مع ثبات الحجم و بما ان الكثافه تساوي الكتله علي الحجم اذن كثافه السياره ستقل بالنسبه للهواء الامر الذي يؤدي ال طفو السياره بعيدا عن الاسفلت و ممكن لو قرصت جامد الضغط يزيد جامد الكثافه تقل هوووووووووووووووووووووووووووووب تلاقي نفسك وسط النجوم هههههههههههههههههههههههههههههههههههههههههههههههههه هه......انا بهزر يا جماعه و الله و مش بوجه كلامي لحد ربما حد يزعل مني

[KING_A841]

مبدئيا اللي انت عايز تعمله مش معجزه يعني ولا حاجه

زي مقالو الشباب
هتحول البوابه تجيب هوا من بره (وده عادي من الدراع اللي بيروح يمين وشمال)
هتخلي الحراره على اول الأزرق كأنك مشغل التكييق تمام (يعني على ابرد حاجه)
هتشغل المروحة عالسرعه اللي تعجبك من غير متشغل زرار الac

النتيجه اكيد بيدخلك هوا من بره ونفس حرارة بره
اكيد اكيد اكيد

كل المشكله انك لازم تبقى مطمن ان فلتر الهوا موجود اولا
وثانيا بعد العمليه دي لما يدخل الصيف تفكه تنضفه او تغيره عشان فتح البوابه بيخليه يتملي وساخه ويقلل كفاءة التكييف..

موضوع استهلاك البنزين مع احترامي للي قاله بس فتح البوابات بيقلل الاستهلاك لان مقاومة الهوا بتقل مش هتزيد الا لو قفلتهم وفتحت الشباك

موضوع التراب ملوش معنى طالما الفلتر بتاع التكييف موجود وشغال

مفيش داعي تلعب في مؤشر الحراره وهتسيبه على اعلى بروده لانك مش محتاج ميه سخنه تخش السربنتينه السخنه والا كده هيخشلك هوا سخن

تحياتي

شكرا على الرد وانا مقتنع فعلا بالكلام اللي حضرتك قولته وحوار استهلاك البنزين بيزيد لما تفتح البوابات ده مش انا اللي قولته . انا كنت بقول على استهلاك البنزين مع سرعه عاليه اوي مع تشغيل التكييف

[Ashraf_Ibrahim]

بس خلي بالك
الفيرنا مفيهاش فلتر تكييف
ركبلها فلتر لو عاوز تعمل الموضوع دا
والشباب فوق وضحوا وشرحوا كفاية ما شاء الله عليهم

[koshary]

لازم موضوع الفلتر ولازم يتنضف كل شويه بس هيبقا افضل طبعا