الفيرنا سخنت على سرعة 180 ليه

[moontear]

كنت مسافر أليكس يوم الجمعة الطريق كان جميل والعربية بقالها فترة مخنوقة من زحمة الشوارع فقلت أشد مع نفسي شوية لحد ماوصلت لل 180 شوية ولقيت الحرارة أرتفعت نزلت لحد 140 الحرارة .. نزلت زودت تاني الحرارة زادت قولت اقف في الماستير ولقيت الساعقة مافيش مياة في القربة والريداتير بيغلي جبت مياة خضراء وحطيتها ومشيت على مهلي 140 بصراحة ظبطت بس وانا راجع قلت اجرب ازود لحد 180 سخنت تاني ... بصراحة انا مش عارف ايه العلاقة

[ashouhdy]

روح سللك الردياتير ياباشا ودورة التبريد حطلع بلاوى :)

[yoko]

هتطلع هباب لما تتنظف وحط مياه فالفولين لغن تركيبتها محترمة جدا ومطابقة للماوصفات العالميه من كذا شركة

[ZOoOoMA]

عليك و على دوره الردياتير يا معلم

[moontear]

شكرا يا رجالة على الردود بس مش المفروض المياة تسخن وانا جوة البلد دة انا حتى طلعت على المحور وفتحت التكيف وحرقت على العربية مي راضية تسخن انا مستغرب

[Mohab555]

نصيحة من الاخر غير الريداتير بواحد جديد و اشترى دماغك احسن من موضوع التسليك معن تجرية مش بينفع فى كل الاحيان .. فغير علشان تنسا موضوع السخونة خالص .

[elmohandes1]

هتطلع هباب لما تتنظف وحط مياه فالفولين لغن تركيبتها محترمة جدا ومطابقة للماوصفات العالميه من كذا شركة

حضرتك فين نلاقى المياه دى؟؟

[yoko]

http://www.nilemotors.net/Nile/245367-valvoline.html

[koshary]

نصيحة من الاخر غير الريداتير بواحد جديد و اشترى دماغك احسن من موضوع التسليك معن تجرية مش بينفع فى كل الاحيان .. فغير علشان تنسا موضوع السخونة خالص .

اؤيد الرأى ده بصراحة التسليك هتدفع فلوس عالفاضى ووشهر وهيرجع تانى وبرضو مش هترجع البروده زى الاول +111111111

[exact]

الخطيئة الكبرى تتمثل في التزويد بالمياه الخضراء

لأن المياة تتبخر وتسيب الايثيلين جليكول فحضرتك تزود ميه خضرا تثقوم تركيزها يعلى وبالتالي مع التشغيل والايقاف مرة فمرة تقوم تترسب فالردياتير ويتسد

لازم اما تزود الميه تزودها ميه عادية وليست خضراااااااااااااااء

[Screenplays]

معلش حضرتك ازاي بتجيب 180 بالفيرنا ؟ الواحد بيجيب 120 و هو مرعوب و الجنوط بتظبط لحد 140 بس
انا شايف انها مخاطره بس كان الثبات عامل ايه بالظبط ؟ و صوت الموتور ؟ و كنت ماشي علي كام ار بي ام ؟

[S O P H O S]

موضوع المياه الخضراء ده وانها تتزود بمياه عادية ؟؟؟
مستغربه
هل ده الطبيعي

[SAMEH_FOUAD]

دلوقتى حضرتك بتقول انك مالقيتش مياة فى القربة خالص ودة معناة ان عندك فية تسريب فى دورة التبريد هية اللى خلت المياة تنقص فى القربة كدة

حضرتك دلوقتى اول حاجة تكشف عليها تشوف التسريب منين وحالة المروحة + كفاءة الثرموستات

[telarius]

حصلى نفس المشكلة
مركز كارافان بمدينة نصر لم يتيوصوا إلا أن غطاء الرادياتير هو اللى بايظ و طبعا رفضوا يغيروه على الضمان عشان قالوا ده سوء إستخدام منى (عشان كنت كل يوم بعمل تمارين الصباح عليه)
جبت غطاء مماثل حيث لم يتواجد الأصلى فى هذه الفترة فى السوق و قمت بتزويد الرادياتير و بقت نفس المشكلة إن الرادياتير يفضى و الإربة تملى حتى ضرب جوان وش السلندر من جهلهم و إنعدام خبرتهم فى إصلاح السيارات
جميع المروش اللى زرتها أكدوا ان العيب من ترموستات الرادياتير (إللى جوة كوع مش بتاع المروحة)
قم بتنظيف دورة المياه و غير غطاء الرادياتير و الترموستات هترجع أحسن من تقفيل غبور

[SiM0]

أنا كل الناس اللي معاها فرنا اللي اعرفها عندها نفس المشكلة ده... معرفش ده صدفة ولا عيب صناعة ولا إيه... وأنا عندي فرنا بس أكتر حاجة جبتها بيها كانت 140 فـمعرفش افيدك :(