ما هو الحل لمشكله تزييق ابواب الالنترا 2012؟

[besbest]

أفيدوني يا النتراويه ايه الحل في مشكله تزييق ابواب الالنترا 2012 وبالذات في الطرق بتاعتنا اللي الاسفلت فيها حرير :) ولما روحت صيانه 10000 وقولتلهم علي المشكله دي قالولي الكاوتش عايز يتزود ...علي اساس اني هندي وداخل مركز الصيانه بفيل هاهاهاهاها
ياريت اي حد عنده حل يفدني لان المشكله دي بجد مستفزه مقارنه بسعر السياره شكرا جزيلا

[Ayman-Ahmed]

وانت فى المحطة بتغسل العربية متخليش العامل يغسل القوايم والبيبان من جوا بمياه وخليه يمسحها كويس لما يخلص غسيل ومن عند المفصلات وبعدين ترش wd40 على المفصلات وتحرك البيبان كام مرة براحة واقفل واطلع جربها.

لو التزييق راح يبقى المفصلات لمت تراب وطينة من الجو النضيف وغسيل القوايم والبيبان بمياه.ولو مراحش يبقى تروح التوكيل على قسم الهياكل ومتمشيش الا لما تتحل المشكلة.

[me_medoo]

حبيب قلبي في اسبراي شحم ابيض بيتباع امريكي اسمو وايت جريس تمن العبوة ٢٥ جنية هيقضيلك على المشكلة دي تماما

[eng.m7md.ali]

حاسس انك بتتكلم عن تزييق في فرش الابواب مش في الباب والمفصلات

[Screenplays]

رشتين wd40 و الابواب هتبقي لوز العنب

[me_medoo]

Wd40 ده مزيل للصدى والمشكلة هنا مش صدى المشكلة. ان العربية جديدة هيا محتاجة تشحيم والوايت جريس هو شحم مخصوص لابواب والقطع الميكانيكية مابيلمش تراب وعلى فكرة المشكلة دي بتبان لمن تلاقي في ضغط على الشاسية في الطرق الغير ممهدة او معبدة بتحس ان الابواب كانها متملخة كده. ودي كمان تستدعي تببي طويس لعبشت العربية + تربيط جيد لصواميل الابواب وتحياتي

[masterzmind]

حاسس انك بتتكلم عن تزييق في فرش الابواب مش في الباب والمفصلات


+++++++11111111

[Ayman-Ahmed]

WD40 مزيل للصدا وملين للاحتكاكات وبه نسبه زيت وده بيتميز انه مبيلمش تراب غير White Lithium Grease اللى بيلم تراب لانه شحم فى الاساس والشحم ينصح بيه للتشحيم مش للتزييت.

[koshary]

Wd40 هو الحلللللللللل

[atyam]

اى شوية زيت على هيظبطولك الدنيا

[mshmshm3]

wd-40

[windofchange]

خد باللك في مفصلات الابواب بيبقي في كاوتش فيهم المفروض متجيبش عليه wd-40 لأنه بياكل الكاوتش,,,انا جبت الشحم الابيض ده علي فكره ياميدوو

[hossam_elwani]

تربيط مفصلات الابواب هو الحل.....

[ahmed_mido1889]

تزييق في الفتح والقفل والا تزييق مع المشي من عند كاوتش الابواب؟

الاولي حلها نقطه زيت علي كل مفصله وفتح وقفل الباب

الثانيه سخن مياه وبقماشه مبلووله من المياه السخنهامشي علي كاوتش الابواب علشان الكاوتش يريح ويفرد

اي كاوتش يقابلك اعمل معاه كده كاوتش باب كاوتش ازاز

وادعيلي

[besbest]

شكرا لكل الردود المفيده جدا بس انا اقصد فعلا فرش الابواب من جوه مع المطبات والطرق الجميله بتاعتنا ...