سؤال لخبراء الالنترا 2010

[Egy_fan]

السلام عليكم. انا عايز اشترى عربيه مستعمله و الالنترا احد الاختيارات. بس انا قلقان من موضوع الثبات ده. واحد زميلى معاه النترا 2010 قالى معلومه و عايز اتأكد منها. بيقول ان العربيه المفروض ان الباور الكهربا بتاعها يفصل عند سرعة 80 كم/ساعه بس الموديلات ما قبل 2010 كان فيها مشكله و مرة تفصل و كتير لأ. لكن من اول موديل 2010 تم علاج المشكلة دى و كل العربيات بتفصل عند سرعة 80 و الثبات بقى تمام

المعلومه دى اكيده و لا لأ

اسف على الاطاله

[mahmoud_afifi]

عليكم السلام ورحمة الله

انا معايا النترا 2010 ومفيش اي مشاكل من موضوع ان الباور مايفصلش. بس بيبقى خفيف شوية برضه على السرعات مش حجر زي الباور الزيت. بل بالعكس السواقه بيه ممتعه جدا. بس الفكره ان ثبات الالنترا عامة مش تمام على السرعات العاليه والسبب وزنها الخفيف مش ان الباور مابيفصلش (الي بالمناسبه اشاعه طالعه عن الالنترا والناس ماجربتهاش). ومن ضمن الاشاعات دي ان العربيه ممكن تتقلب لو مشيت على زلط ههههههههه

[Hacker5]

بالعكس من موديلات بعد 2007 مافهاش المشكلة دى
مع انى اصلا مش مقتنع ان العربية فيها حاجة لانى سوقت موديلات 2007 و مفهاش حاجة بس هى الناس بتحب تفتى و خلاص
و اعتقد لو العربية كان فيها مشكلة جامدة ماكنتش باعت بالاعداد دى و الانتشار دة و مسكة سعرها فى سوق المستعمل
عربية جميلة جدا و قطع غيارها متوفرة و باسعار زهيدة جدا و ثباتها كويس و لو عايز ثبات اكتر ممكن تعرض الكاوتش مع جنوط محترمة هايبقى الثبات تمام

[azwoz65]

عزيزى Hacker5
أنا معاى النترا 2008 ممكن أعرف أجيب كاوتش مقاس كام عشان أعرض الكاوتش وأزود الثبات وبالمرة العربية تعلى شوية عشان المطبات وأيه أنسب نوع كاوتش
ولك جزيل الشكر

[Hacker5]

خليك بالمقاسات المكتوبة على القايم اللى جمبك
دى المقاسات اللى الشركة موصية بيها و اكيد طبعا هما ادرى بعربيتهم
اما عن نوع الكاوتش انا مركب بردجستون مقاس اللى بتنزل بيه مش معدل حاجة
لكن المرة الجاية هاغير بكومهو عشان البردجستون عمال يغلى
الكومهو كويس جدا و طرى و هو اللى عربية بتنزل بيه و هى جديدة

[Screenplays]

الباور بيفصل بعد ال 100 مش بعد ال 80

[Egy_fan]

يعنى العربيه ذى الفل و مافيهاش مشاكل بس خفيفه شويه و عايزه سواق ماسك الدريكسيون كويس و خلاص

[mahmoud_afifi]

يعنى العربيه ذى الفل و مافيهاش مشاكل بس خفيفه شويه و عايزه سواق ماسك الدريكسيون كويس و خلاص

العربيه زي الفل ومفيش مشاكل طول مانت ماشي على سرعات معقوله او سرعات عاليه بس في خط مستقيم. المشكله الي ممكن تواجهك لو سرعة الهواء شديده شوية هتلاقي العربيه بتلعب على سرعة 120

[Egy_fan]

شكرا يا شباب. جزاكم الله كل خير

[mahmoud_afifi]

شكرا يا شباب. جزاكم الله كل خير

جزانا واياك يا باشا وربنا يوفقك في عربيه حالتها ممتازه

[weta]

العربيه زي الفل ومفيش مشاكل طول مانت ماشي على سرعات معقوله او سرعات عاليه بس في خط مستقيم. المشكله الي ممكن تواجهك لو سرعة الهواء شديده شوية هتلاقي العربيه بتلعب على سرعة 120

+1

[حماده النترا]

ممكن انا اعرف ايه الى بيحصل فى صيانه 15000 وبتتكلف كام عشان انا معيا 2010 والعداد 13000 هههههههههههه اصل انا مش بتحرك بيها كتير

[aslah0923]

بالعكس من موديلات بعد 2007 مافهاش المشكلة دى
مع انى اصلا مش مقتنع ان العربية فيها حاجة لانى سوقت موديلات 2007 و مفهاش حاجة بس هى الناس بتحب تفتى و خلاص
+1111

و اعتقد لو العربية كان فيها مشكلة جامدة ماكنتش باعت بالاعداد دى و الانتشار دة و مسكة سعرها فى سوق المستعمل
+11111

عربية جميلة جدا و قطع غيارها متوفرة و باسعار زهيدة جدا و ثباتها كويس و لو عايز ثبات اكتر ممكن تعرض الكاوتش مع جنوط محترمة هايبقى الثبات تمام

+11111

عزيزى hacker5
أنا معاى النترا 2008 ممكن أعرف أجيب كاوتش مقاس كام عشان أعرض الكاوتش وأزود الثبات وبالمرة العربية تعلى شوية عشان المطبات وأيه أنسب نوع كاوتش
ولك جزيل الشكر

هتزود الثبات و هتقلل السرعه القصوى
مش الثبات اللى هتحسو جامد و بردو مثلا لو كنت بتجيب 200 كم مش هتعرف توصل لها تانى يعنى 190 192 ولا حاجه


خليك فى نفس الى راكب احسن . يا تعرض بفرق كبير ( يعنى جنوط بقا و ليله )و دا ليله لوحده على حد معلوماتى و عايز عفشه و كلام تانى

يعنى العربيه ذى الفل و مافيهاش مشاكل بس خفيفه شويه و عايزه سواق ماسك الدريكسيون كويس و خلاص

+11111111

[aslah0923]

فعلا موضوع الثبات لا علاقه ليه بالباور
موضوع الباور دا هتتعود عليه و سواء بيتقل او لأ حاسه اشتغاله لانك عشان تعرف لازم تاخد ملف جامد جدا يعنى من الاخر تعمل دريفت على 120 ولا حاجه عشان تعرف تقل ولا لأ
البونتو كان فيها الباور بيتقل لانو على 100 او اكتر وتيجى تهدى و تلف على 60 بتلاقى الدركسيون تقيل فى اول متحوده و بيخف فى ايدك اثناء التحويد غير انو كان اخف من الالنترا
لكن الالنترا هو خفيف لو انت مش عربيتك و تيجى تجربها
لكن لو سايقها ليل نهار هتحس انو عادى جدا و مش محتاج يتقل
يعنى بعد ال120 ااو 140 اقصى غرزه لو حركت الدركسيون 2 سم ( اكتر من كده هتلبس فى الرصيف سواء اليمن او الشمال يا هتقلب )فى اى عربيه متقوليش ال 2 سم هتحس بقا فيهم التقل
يعن عن تجربه لو العربيه محمله ممكن تسيب الدركسيون على 160 من غير مشاكل فى طريق مستقيم
وعن تجربه ياما لبست نقر و ظلط كبير فوق ال180 واللى بيمشى بسرعه اكيد هيكون مجرب

الموضوع اللى ممكن الناس تتكلم فيه العربيه فعلا خفيفه و تحس بيها لو راكب لوحدك فوق 140 و محتاج تكون مركز ولو فيه هوا فى الطريق هيديقك فى السواقه
بس انا شايف العيب دا معاه ميزه ان التسارع غبى جدا و بصعوبه حد يشد معاك

[Kareem.ElAraby]

عزيزى hacker5
أنا معاى النترا 2008 ممكن أعرف أجيب كاوتش مقاس كام عشان أعرض الكاوتش وأزود الثبات وبالمرة العربية تعلى شوية عشان المطبات وأيه أنسب نوع كاوتش
ولك جزيل الشكر

انا هأتكلم عن شق الثبات بس موضوع انك تعليها ده انا ضده قلبا و قالبا و عارف انها بتهبط مع الحموله بس مش لاقي حل للموضوع ده نرجع لموضوعنا بقي :]

ال جنط ال15
185/65/15 و 195/65/15 و دول مكتوبين علي القايم
205/60/15 و ده بردو صح و تمام بس مش مكتوب علي القايم

الجنط ال 16
205/55/16 و ده مكتوب علي القايم
215/50/16 و ده بالمللي صح بردو بس مش مكتوب و المقاس ده مش لاقيه في مصر و ناس قالتلي أجيبهولك بالطلب

الجنط ال17

215/45/17

أسوأهم علي الاطلاق و ده رأيي الشخصي ال side wall height
قليل جدا و مع المطبات و النقر ممكن الكاوتش يبقلل لو الضغط مش مضبوط و الفرده في المقاس ده غاليه و يطلعلك بالونه تستعوض ربنا في الكاوتش

وجهه النظر الشخصيه
ال 16 أحسنهم علي الاطلاق بس بلاش تسترخص في الجنوط و تجيب الصيني و خليك في التايواني , الاندونيسي بيبقي في حدود 2000-3500
و هات كاوتش يا بريدج يا كومهو اكستا و بلاش أي كاوتش و تبوظ الطبخه علي شويه ملح !

أو ال15 ال 205/60/15 لو مش هتجنط و عاوز تعرض

الفرامل و الشبات هيزيدوم بفارق ملحوظ و في المقابل ممكن فيه دبدبه علي خفيف مع المطبات و الحتت المكسره و التسارع هيقل شويه بردو بس لسه بتجري ( نفس الجمله ديه اتقالتلي من زميل معانا علي المنتدي لما ركب ال205/60/15) و هتعلم علي ال1.6 اللي في بلدك لسه ..... بعد السيفيك طبعا عشان ده الملكه و بأعشقها

و لو انت مقلق أو محتار خليك في ال 195/65/15 يبقي مسكت العصايه من النص ثبات وتسارع

و لو فيه أي استفسار تاني تحت أمرك و لو انا غلطت في حاجه ممكن حد يصلحلي في الاخر جل من لا يسهو !