مش عارف اعمل ايه وعاوز رايكوا بجد؟

[dida1482]

انا بجد مش عارف اعمل ايه؟انا كنت ناويت اجيب اكسنت rb بس وانا بلف وقعت قدامى الانترا 2009 هاى لاين كاملة عاملة 32000 كيلو ب 95000 وكمان المعرض فيه تقسيط.يعنى المقدم اللى كنت هدفعه فى الاكسنت هدفعه فى الالنترا وقسط الباقى.ولاد الحلال كثير بقى والزن كثير اللى يقولى هيا جت على 8 الاف بس تجيب زيرو, اقوله ديه هاى لاين كامله ,يقولى بس ديه زيرو.فانا عاوز رايكوا اعمل ايه؟وكمان هيا سعرها كده تمام ولا نهزها معاه

[dida1482]

وكمان عاوز اعرف هيا الهاى لاين فى 2009 بيبقى ايه بالظبط؟علشان انا رايح اتفرج عليها بكرة

[atyam]

عالية جدا ياباشا
انا لما جيت اجيب الاربى فى شهر 8 اللى فات كانت قدامى زيرو 2010 102000
فلو العربية نضيفة وكده مفتكرش انها تعدى ال90000 وموضوع زيرو وقديم دى بقى انت ودماغك هى الالنترا حلوة بس الار بى بردو موديل جديد وراكب حاجه موديل السنهوهى لو كانت زيرو خالص مامشيتش كنت هقولك خدها وش

[A7MED_PHARMA]

عالية جدا ياباشا
انا لما جيت اجيب الاربى فى شهر 8 اللى فات كانت قدامى زيرو 2010 102000
فلو العربية نضيفة وكده مفتكرش انها تعدى ال90000 وموضوع زيرو وقديم دى بقى انت ودماغك هى الالنترا حلوة بس الار بى بردو موديل جديد وراكب حاجه موديل السنهوهى لو كانت زيرو خالص مامشيتش كنت هقولك خدها وش

تمام جداااا
عربية موديل 3 سنين فاتوا بـــــــ 95 الف ليه ؟؟؟
ولما يقسطهالك كمان هيحسبها عليك كده بأغلى من سعر الزيرو بتاعها هههههههههههه

[exact]

بخصوص السعر انا مش هاقدر افتيك فيه

بس انا نظرتي لإيه
عربية بقى لها 3 سنين هاي لاين وانا (متأكد) ان حالتها العامة ممتازة زي الزيرو
وهاي لاين
وكيلومتراتها مظبوطه

وميزة ان بقى لها 3 سنين يعني قطع غيارها نسبيا هتبقى ارخص

والجديد بيقدم

وانت وظروفـــــــــــــك

[mody3on]

الالنترا طبعا خصوصا انها هايلاين والار بي اول فئة

[dida1482]

منا متردد جدا,على العموم انا رايح اتفرج عليها النهاردة ,لو وصلت معاه لحد 90000 وهيقسطهاهيبقى كده تمام وسعرها حلو

[A7MED_PHARMA]

يازميلي
الــ 90.000 دول هيبقوا السعر قبل القسط
القسط هيزود عليك مش أقل من 25 % من قيمة العربية

[khaabas]

غالية اووووووووووووووووووووووووووووووووووووووووووووووووو ووووووووووووووووووووووووووووى
وملحوظة موتور الاكسنت ار بى هو موتور الالنترا الشكل القديم
يعنى تجيب الاكسنت طبعا
والالنترا 2009 سعرها بيدأ من 65

[Medicalist]

بص يا باشا الانترا 2009 بالسعر ده وهاى لاين كويس يس انت ممكن تجيبها باقل من كده لو مش من تاجر لكن هى العربيه سعرها كده
يا جدعان ما الكورولا 2007 بتتباع لحد دلوقتى فوق ال 100 و معلش الانترا ما تقلش عنها يمكن افضل منها كمان
بص الفرق بين الاتنين هيكون كالاتى
الاكسنت ار بى عربيه زيرو ودى ميزه انك تركب عربيه زيرو وموديل السنه دى وبتاعتك وعارف كل الى فيها
الانترا عربيه جميله وناعمه جداا بس مستعمله وطبعا على حسب حالتها انت تقرر
الانترا الهاى لاين ممكن تبقى بجنظ 15 او 16 وفتحه سقف لكن الار بى لا هتلاقى بطاسات و 14 ومن غير فتحه
الانترا اثبت من الار بى واجمد و اوسع من جوه
انا رأيى اركب دى و دى وقرر وشوف الفرق بين دى ودى وقرر
انا لو مكانك بصراحه هركب جديد لانى بخاف من المستعمل وممكن تركب سيراتو ب 106 مثلا النهارده فى الاهرام معارض بتبيغ سيراتو اوتوماتيك وفيها abs وجنط ب 106900 و 2012 تحغه طبعا

[S O P H O S]

متابع

[shaddadfalcon1]

بصراحه لو معايا 90 وهشتري مسنتعمل يبقي اجيب شارك ولا ماذدا 3 ولا ميجان ولا سيراتو وهيبقي اعلي بكتيير من الالنترا

[amagroup]

ببساطة شديده العيوب اللي كانت في الانلترا والاكسنت اكيد ظبطوها في الجديد
وكمان انت مش ضامن اللي كان راكب المستعملة دي بيتعامل معاها ازاي ما يمكن بهدلها في الطريق والمطبات وبعدين لو هتقسط اشتي زيرو احسن