صيانة ال5000

[مهندس محمد صلاح]

رحت امبارح صيانة ال5000 فى غبور اسكندرية .. عربيتى فرنا 1600 .. العربية كانت عاملة 4400 .. وصلت متأخر جدا حوالى الساعة الواحدة والنصف ظهرا .. وقفت فى الطابور لحد ما جاء دورى .. العامل قام بتغليف الدركسيون بالسوليفان ولبس للكرسى كيس بلاستيك .. وجاء المهندس يشوف طلبات الزبون ايه .. قلت له خد عندك اولا بتحدف يمين لدرجة انى بافضل شادد ايدى على الدركسيون ناحية الشمال لحد ما ثوجعنى .. شوف حجم الحدفة اية وعلى فكرة دى برضة حاجة غريبة ان عربية جديدة وتبقى محتاجة زوايا .. انا مش فاهم لية .. ثانيا بعد ال110 بتبدأ تغربل معايا .. ثالثا وانا داخل على شارع غبور الصبح الكلاكس قطع لوحده ليه ماعرفش . رابعا الموتور على السرعات صوته عالى شويه .. اخد منى العربية وقال لى تعال الساعة خمسة ونصف .. اخدت بعضى وقعدت اتسكع يمين وشمال لحد الساعة اربعة ونص .. رجعت التوكيل وقعدت مستنى شويه لغاية ما لقيتها هاله عليا كدة زى العروسة قلت له كله تمام قال تمام .. اخدت الورق وقرأته لقيت انه جاى جنب الغربلة والترصيص وعامل علامة غلط فسألته ليه قال لى اصل الغربلة اتلغت لان الجهاز بتاع الترصيص بايظ .. الساعة بقت خمسة ونص والوقت اتأخر والدنيا اسودت قدامى اول ما قال لى الجهاز بايظ .. قلت له وبكل هدوء انا مش ماشى من هنا الا لما العربية تتصلح .. وحسيت باحساس المهندس المسكين من رعب الموقف لانه قرأ الغضب فى نظراتى .. ومش عاوز احكى لكم عن نظراتى لان الوقت ما يسمحش دلوقتى .. المهم قال لى بص حضرتك المدير بيصلى وجاى حالا وبيتدور وراه لقاه جاى قال لى هو ده ابو قميص ازرق .. دخلت عليه وبكل ادب وذوق قلت له الموضوع كذا كذا وانا سعادتك مش ماشى .. قال لى هما قالوا لك ان الجهاز بايظ وراح سايبنى وقعد ينادى على مش عارف مين .. المهم قال لى عربية سعادتك دى قلت له ايوه راحوا واخدينها ودخلت على الجهاز وسبحان الله تم ترصيص العجلات والجهاز اتصلح وطلعت .. وانا مش فاهم حاجة ولا عاوز افهم حاجة كل اللى كنت عاوز افهمه انى اخد العربية وامشى .. وعلى فكرة حاسبونى على فيوز الكلاكس وعلى التلرصيص وعلى ضبط الزوايا بالاضافة الى 145 جنيه مصنعية صيانة ال5000 وكل عام وانتم بخير .. احلى ما فى الموضوع ان الجو كان متكهرب وكل شوية واحد ييجى جنب ودنى ويقول لى هو فيه ايه .. ما اردش عليه وابرق له .. يقوم ياخد بعضه ويمشى .. الى لقاء اخر مع فيلم قاهر الاقزام مع صيانة ال 1000 ان كان فى العمر بقية .

[mohamed el hussien]

ماشي ال 145

بس استحالة يخدوا تمن فيوز الكلاكس ولا تمن الترصيص وظبط الزوايا
لان الحاجات دي في الضمان
دي اسمها قلة ادب

وبعد اللي حضرتك عملتوا في الاخر يخدوا فلوس :mrgreen:

[sokasoon]

الكدابين المعفنين

يقولولك ان الجهاز بايظ وهو شغال

لازم الواحد يزعق ويبهدل الدنيا علشان يصلحو الحاجة

بس والله برافو عليك

[fahd_628]

مش فاهم هما بيوفرو الجهاز ؟؟؟؟؟؟؟؟؟؟؟؟

[mohamed yousry]

وعلى فكرة حاسبونى على فيوز الكلاكس وعلى التلرصيص وعلى ضبط الزوايا بالاضافة الى 145 جنيه مصنعية صيانة ال5000 وكل عام وانتم

هذا الكلام انا مش فادر اصدقة مع احترامى ليك.....لأنى عملت ترصيص وزوايا فى صيانة الالف ومدفعتش غير ثمن الزيت والفلتر بتوع الالف..... طب اسمع دى.... زميلى عمل حادثة بالعربية وخرم سربنتينة التكيف واتحايل عليهم شوية غيروهالوا مجانا مع ان مش من حقة.....
اما حكاية العربية بتطلع مش مظبوطة فى الزوايا انا معاك انة مش كويس بس هما بيركبوا العربية على بعض وخلاص وبتيجى يظبطوها فى الصيانة.... اما عن فيوز الكلكس دة بقى اللى لا يمكن يحصل.....ازاى تدفع ثمنة؟؟؟؟
وحكاية الكدب ان الجهاز بايظ دى فعلا موجودة فى الترصيص والزوايا عشان يجبروك تعملة برة بسبب العربيات الكتيرة التى تدخل الصيانة يوميا بأعتبار انة حاجة هايفة... بس بيجوا معاك بالزعيق....

[مهندس محمد صلاح]

بكرة تصدق ياصاحبى وتعرف ان الله حق

[mohamed yousry]

بكرة تصدق ياصاحبى وتعرف ان الله حق

بقلك انا بروح اغير اى حاجة فى العربية مجانا طالما فى الضمان(فيرنا واكسنت) ....انا مش عارف انت لية مش مصدقنى ... واللة العظيم مجانا الا لو كان عيب استخدام......

[مهندس محمد صلاح]

خلاص ياصاحبى ماتزعلش نفسك .. يعنى لو عاوز تضبط زوايا مثلا او اتزان اكتر من مرة بتعملها ببلاش طول فترة الضمان يعنى 3 سنين او 50000 كيلو متر .. والله دى حاجة حلوة قوى .. ولا فى الاحلام

[mohamed yousry]

خلاص ياصاحبى ماتزعلش نفسك .. يعنى لو عاوز تضبط زوايا مثلا او اتزان اكتر من مرة بتعملها ببلاش طول فترة الضمان يعنى 3 سنين او 50000 كيلو متر .. والله دى حاجة حلوة قوى .. ولا فى الاحلام

لا طبعا ... الحاجات دى مجانا فى صيانة الالف بس (مش عارف فى صيانة الخمسة كمان ولا لأ) ....لأن العربية بتكون لسة ممشيتش لكن بعد كدة بيعتبر عيب استخدام.......ولا انت رأيك اية؟