رأيكم فى الجيتز

[f4f8f12]

السلام عليكم .. انا ناوى اجيب عربية جيتز مستعملة استعمال نظيف قوى .. وحابب اعرف ايه رأيكوا فيها .. وياترى وقف تصنيعها مأثر على التوكيل؟ وانا على علم ان توكيلها سىء فيا ترى قطع غيارها بره التوكيل متوفرة ولا لأ؟ ومحتاج اعرف عدادتها نورها لونه ايه بليل؟ وياترى اخضر ولا ازرق؟ اتمنى منكم سرعة الرد واعطائى الردود الوافية ونصيحتكم الكاملة لى فى شرائها .. مع العلم ان هجيب سيارة فى حدود 70 او 75 الف .. وسر اختيارى للجيتز انى عايز عربية هاتشباك .. شكرا

[f4f8f12]

وسؤال اضافى هلى الجيتز فعلا مفيهاش مؤشر للحرارة؟ ولو مفهاش ايه اللى بيخلينى اعرف ان العربية سخنه مثلا؟

[Mohab555]

بص من جيتزاوى اصيل .. الجيتز من العربيات القليله فى هيونداى تستاهل كل قرش فيها محترمه بمعنى الكلمه اعطال الحمد لله ومشاكل قليله جدا جدا ... طول ما الصيانات بتتعمل عمرها ما هتعمل شىء مفاجىء .. موضوع وقف التصنيع ملوش اى تأثير ..
بالنسبه لقطع الغيار قطع غيار الموتور متوفره عند السوبر ماركت لانها هى هى الماتركس تمام .... الفرامل كمان متوفره ... بالنسبه للفوانيس و الرفارف والحجلت دى ... محتاجه تدور شويه عليها
نور العددات باليل اهو (اصفر) :

-----------
بالنسبه لمؤشر الحرارة هى فعلا مفيش مؤشر حرارة لاكن فيه لمبه تحذير بتنور لما العربية بتسخن .. توكل على الله عربيه محترمه والله ....

[al_manara]

حاجاتها موجودة جديد بس . وتقريبا التوكيل موفر لها اغلب الحاجات .
استيراد موجودة لها كل حاجة تقريبا (الشكل القديم) . لاكن ال 2011 مالهاش حاجة استيراد خالص (الشكل الجديد) .

[Samir Elshahawy]

العربية كويسة جدا أنا لسه جايبها من أسبوع تقريبا
من جوه واسعة و بشكل ماكنتش متوقعه كنا 3 ورا و قاعدين مرتاحين و اللي كان سايق مش عايز اقولك حجمه كان قد أيه ..... ههههههههه

لسه ماعملتش تقييم كامل عنها لكن أقدر أقولك بعجالة كده مميزاتها و عيوبها :

المميزات :
1- عربية صغيرة سهلة في الركنة و المناورة
2- سريعة و سحبها ماشاء الله طلقة بسبب ماتورها ال 1600 اللي هو نفس موتور الفيرنا علي جسم اصغر
3- التكييف فريزر
4- الصالون زي ماقولت واسع و مريح
5- أستهلاك البنزين لحد دلوقتي موفرة جدا
6- قطع الغيار منتشرة و في السوبرماركت
7- العربية مطلوبة و ماسكة سعرها يعني أعادة بيعها سهل و مش هاتخسر كتير و بالعكس ممكن ماتخسرش حاجة خالص
8- الفرامل بسم الله ماشاء الله ممتازة بس تستخدم التيل الاصلي

نيجي بقي للعيوب :
1- الشنطة صغيرة
2- المرايات الجانبية لاتوفر رؤية جيدة نظرا لأني متعود علي مرايات الياريس و الالنترا لكن مراية الصالون مع الزجاج الخلفي بتغني تماما عن مرايات الجانب
3- صوت الموتور عالي شوية نظرا لأنخفاض العزل و قوة الموتور علي العربية
4- العفشة ناشفة سنة مقارنة بالالنترا مثلا

عموما العربية كويسة جدا خاصة لو حالتها جيدة جدا ممكن تكون في حدود 64000 الي 70000 حسب السنة و الكيلومترات

[lanos2004]

بالتوفيق الجيتز سيارة ممتازة جدا

وهنا مواصفاتها الفنيه من زيرو الى 100 فى 9.5 ثانيه
Autopics – car catalog, photos, specifications, ratings

[f4f8f12]

الله يكرمكم جميعا .. انا فى حيرة بقالى 4 شهور وكل ما اقول لواحد على عربية يقوللى ابعد عنها ما عدا التيدا ومن ساعتها بدور عليها مش لاقيها .. فقولت ازاى مفكرتش فى الجيتز .. عربية هاتشباك شكلها حلو وادءها بسمع عنه كل خير .. وكمان انتوا بجد ربنا يباركلكم طمنتونى لحاجات انا كنت قلقان منها زى قطع الغيار واعادة البيع .. احسن حاجة انى بسأل ناس ركباها مش بسأل واحد تاجر .. وعلى رأى المثل اسأل مجرب .. ربنا يبارك لكم .. ربنا يوفقنى فى واحدة حالتها كويسة .. انا هيبقى اخرى 2009 مش اقل من كده مدام العربية نفس الشكل والاداء .. الله الموفق .. شكرا شكرا شكرا

[Dr'AhmZZong]

العربية أظن مفيهاش أي وسائل أمان !! صح ولا ايييه ؟؟

لو كلامي صح يبقى متشترهاش ..

نصيحة مني بلاش

[Sehsss]

العربية أظن مفيهاش أي وسائل أمان !! صح ولا ايييه ؟؟

لو كلامي صح يبقى متشترهاش ..

نصيحة مني بلاش

+11111111، بالإضافة إلى إن سعرها (زيرو) مبالغ فيها، ومرة قريت في عدد الأهرام بتاع السيارات أسعار قطع غيارها في التوكيل غالية شويتين

[f4f8f12]

العربية أظن مفيهاش أي وسائل أمان !! صح ولا ايييه ؟؟

لو كلامي صح يبقى متشترهاش ..

نصيحة مني بلاش

بص يا باشا .. مفيش عربية كاملة .. واغلب الكورى اصلا مفيش فيه وسائل امان .. انا معاك ان وسائل الامان حاجة مهمة .. بس هى وسيلة برده يعنى المكتوب مكتوب .. اعرف واحد اتقلب من كوبرى وعربيته مفهاش امان وكان مجروح بس واعرف واحد عربيته ميجان كان فيها 9 ايرباج واتبهدل مع انه كان على سرعة قليلة.. مدام متوكلين على الله يبقى خلاص.. اصل انا كدا كدا سواقتى هادية مش بتاع جرى .. فربنا يسترها علينا جميعا .. مش عارف كلامى صح او غلط بس انا مؤمن انه فى مصر صح بس فى اى بلد تاتية غلط 100% وشكرا لمرورك يا باشا

[f4f8f12]

+11111111، بالإضافة إلى إن سعرها (زيرو) مبالغ فيها، ومرة قريت في عدد الأهرام بتاع السيارات أسعار قطع غيارها في التوكيل غالية شويتين

دلوقتى مفيش منها زيرو وانا مش هجيبها زيرو .. وقطع غيارها زى الماتركس يعنى الطبيعى بتاع الكورى زيها زى الالنترا او اقل

[Sehsss]

دلوقتى مفيش منها زيرو وانا مش هجيبها زيرو .. وقطع غيارها زى الماتركس يعنى الطبيعى بتاع الكورى زيها زى الالنترا او اقل

ابن خالي جايبها زيرو أوتو من 3 أسابيع وبحاجة و80 ألف مش فاكر الرقم بالضبط!!!!!!!!!

[Samir Elshahawy]

بص يا باشا .. مفيش عربية كاملة .. واغلب الكورى اصلا مفيش فيه وسائل امان .. انا معاك ان وسائل الامان حاجة مهمة .. بس هى وسيلة برده يعنى المكتوب مكتوب .. اعرف واحد اتقلب من كوبرى وعربيته مفهاش امان وكان مجروح بس واعرف واحد عربيته ميجان كان فيها 9 ايرباج واتبهدل مع انه كان على سرعة قليلة.. مدام متوكلين على الله يبقى خلاص.. اصل انا كدا كدا سواقتى هادية مش بتاع جرى .. فربنا يسترها علينا جميعا .. مش عارف كلامى صح او غلط بس انا مؤمن انه فى مصر صح بس فى اى بلد تاتية غلط 100% وشكرا لمرورك يا باشا

صح 100 %
ووسائل الامان مش هيا اللي بتمنع الحادثة لكن اسلوب القيادة هو العامل الاساسي

أنا في الأربع سنوات اللي فاتوا كان معايا 4 عربيات مختلفة كلهم فيهم وسائل الأمان اللي بيقولوا عليها

ال اي بي اس ... ما أستخدمتوش ألا يادوب 3 أو 4 مرات
الأيرباج ... ماكانش هايعمل حاجة لما العربية تتخبط من الجنب أو تتقلب

علشان كده لما غيرت بعربية مافيهاش وسائل امان ماكانتش فارقة معايا أصلا لأني كنت بادور علي حاجة تانية في المرحلة الحالية

أهم حاجة تكون مقتنع بالعربية اللي أنت عايزها و لما تجيبها تعرف أزاي تستغل أمكانياتها لصالحك ....
ماتعملش زي اللي بيجيب اي فون علشان يادوب يطلب الناس و الناس تطلبه و في الاخر يخزن الارقام في نوته في جيبه

[Dr'AhmZZong]

بص يا باشا .. مفيش عربية كاملة .. واغلب الكورى اصلا مفيش فيه وسائل امان .. انا معاك ان وسائل الامان حاجة مهمة .. بس هى وسيلة برده يعنى المكتوب مكتوب .. اعرف واحد اتقلب من كوبرى وعربيته مفهاش امان وكان مجروح بس واعرف واحد عربيته ميجان كان فيها 9 ايرباج واتبهدل مع انه كان على سرعة قليلة.. مدام متوكلين على الله يبقى خلاص.. اصل انا كدا كدا سواقتى هادية مش بتاع جرى .. فربنا يسترها علينا جميعا .. مش عارف كلامى صح او غلط بس انا مؤمن انه فى مصر صح بس فى اى بلد تاتية غلط 100% وشكرا لمرورك يا باشا

كلام حضرتك صح مفيهوش أدنى خطأ ..

بس في نقطة اختلاف !!!!!!!!!

نقطة التوكل ديه ليها اسس مش هنسيبها عيمة كده و اهم الأسس ديه هي الأخذ بالاسباب .. ممكن تكون حضرتك عامل كوووووول اللي عليك و لا قدر الله حصل مشكلة .. ده امر ربنا مفيش فييييه رجعة .. و ساعتها المكتوب مكتوب فعلا ..

لكن احنا سايبين الحاجة و مش بنعمل اللي علينا و بنقول < نتوكل على الله > .. ربنا مقلش كده

لو حضرتك بقى مش بايدك تجيب حاجة فيها وسائل أمان .. يبقى خلاص .. عشان ده اخرك ..

عموما اختلاف الرأي لا يفسد للود قضية ..

ربنا يستر طريقك و يحمييييييييييك ..

تقبل تحياتي ..

[Sehsss]

كلام حضرتك صح مفيهوش أدنى خطأ ..

بس في نقطة اختلاف !!!!!!!!!

نقطة التوكل ديه ليها اسس مش هنسيبها عيمة كده و اهم الأسس ديه هي الأخذ بالاسباب .. ممكن تكون حضرتك عامل كوووووول اللي عليك و لا قدر الله حصل مشكلة .. ده امر ربنا مفيش فييييه رجعة .. و ساعتها المكتوب مكتوب فعلا ..

لكن احنا سايبين الحاجة و مش بنعمل اللي علينا و بنقول < نتوكل على الله > .. ربنا مقلش كده

لو حضرتك بقى مش بايدك تجيب حاجة فيها وسائل أمان .. يبقى خلاص .. عشان ده اخرك ..

عموما اختلاف الرأي لا يفسد للود قضية ..

ربنا يستر طريقك و يحمييييييييييك ..

تقبل تحياتي ..

كلام سليم، يعني الواحد بياخد بالأسباب، وفي الآخر طبعا ربنا هو اللي بيستر