مشكلة

[sara85]

انا معايا فيرنا اتوماتيك 2007 - و كنت بغير زيت الفيتس و هو الراجل بينزل القديم لقة قطع حديد صغيرة نزلة فى الزيت فا قالى ان الفيتس كده فى حاجة اتكسرت - فا تنصحونى بى ايه ؟؟؟؟

[enghany]

الاخت الكريمه
لو حصل كده فعلا لازم تلاقي الاتي يحصل
1-صوت ونه او خشانه عند السير
2-ممكن يكون تاخير بالنقلات لو حصل كده جربي و قوللنا

[أبو إياد]

طيب فى اى مشكله ظهرت جديده فى المشى ولا كله طبيعى ؟

[koshary]

فى اى اصوات او اعراض تلف فى الفتيس ؟؟؟؟

[m7mda7md]

يا جماعه مش ده المغناطيس ال بيلم الحديد المتآكل !!!!!!
حضرتك ممكن تصوري حته الحديد دي و توريهالنا

[المنسي]

هل حضرتك كان فيه مشاكل ملحوظة قبل تغيير الزيت ؟؟؟؟؟

[eldell]

يا جماعه مش ده المغناطيس ال بيلم الحديد المتآكل !!!!!!
حضرتك ممكن تصوري حته الحديد دي و توريهالنا

+111111111111
دكتووووووور والله فعلا هتلقى حضرتك شوفتى الشوائب الى بيلمها المغناطيس وهو افتكرها حاجه من الفتيس ولو فعلا حجات اتكسرت معاااااااكى هتحسى انه فيه حاجه غلط يعنى بياخر معااااكى او سعات بيعض

[S O P H O S]

متابع ....

[dr.hazem]

رايش طبيعي والمغنطيس لامه


ايه المشكله؟؟
هل في اي اعراض؟؟
الفتيس بينطر في النقلات؟؟


العربية موديل كام وعامله كام كيلو؟؟

تحياتي

[dr.hazem]

مخدتش بالي ان العربية 2007
بس عامله كام كيلو؟؟
لو اقل من 100 ألف فأعتقد مفيش حاجه وده الرايش الطبيعي جدا اللي بيطلع من اي فتيس...


تحياتي

[sara85]

العربية عاملة 68 كيلو - و هى فى الماشي طبيعية جداااا بس فى مشكلة بتحصل لما اكسر المية العربية بيتتقل و لما اهدى و قف بعدها وهى على الدى مش بتتحرك و مش بكون حاطة رجلى على الفرامل فا دة كدة فعلا يكون فى حاجة فى الفيتس

[Samir Elshahawy]

العربية عاملة 68 كيلو - و هى فى الماشي طبيعية جداااا بس فى مشكلة بتحصل لما اكسر المية العربية بيتتقل و لما اهدى و قف بعدها وهى على الدى مش بتتحرك و مش بكون حاطة رجلى على الفرامل فا دة كدة فعلا يكون فى حاجة فى الفيتس

نصيحتي لحضرتك تروحي اقرب مركز خدمة لهيونداي يكون عنده جهاز كشف للأعطال و تكشفي علي الفتيس و لو فيه حاجة هايقولوا لك

لأن حتي لو افترضنا أن ده رايش و بالشكل اللي يخلي الراجل يفتكره قطع حديد (ده لو كانت قطع حديد فعلا) فمعني كده أن فيه تأكل في أجزاء الفتيس يجب الكشف عليها

ممكن حضرتك كمان تدخلي موضوع "واحد من جوه التوكيل - كلاكيت تاني مرة" و أكتبي بيانات العربية و المشكلة اللي ظهرت دي و المهندس / هاني هايرد عليكي و يقولك تعملي أيه

http://www.nilemotors.net/Nile/278083-a.html

http://www.nilemotors.net/Nile/212164-a.html

[enghany]

[QUOTE=sara85;3874227169]العربية عاملة 68 كيلو - و هى فى الماشي طبيعية جداااا بس فى مشكلة بتحصل لما اكسر المية العربية بيتتقل و لما اهدى و قف بعدها وهى على الدى مش بتتحرك و مش بكون حاطة رجلى على الفرامل فا دة كدة فعلا يكون فى حاجة فى الفيتس[/QUO
الاخت الكريمه
اهو يا سيدتي جتلك من غير ما تدخلي الموضوع بتاعي
بصي لا ده مش المغناطيس لانه مستحيل ينزل و كون ان العربيه تقيله في السرعات و كمان مابتتحركشي و هي علي ال driver عند بدء الحركه يبقي فعلا في مشكله و العربيه لازم الفتيس ياخد الغيار الاول الاوتوماتيك علشان العربيه تبدا تتحرك اكشفي علي الفتيس و ضروري جدا ماتمشيش بالعربيه الا بعد الكشف

[dr.hazem]

تمام الله يباركلكم يا جماعه
بما ان في اعراض فميتسكتش عالموضوع
وان شاء الله تطلع حاجه بسيطه


تحياتي

[Samir Elshahawy]

[QUOTE=enghany;3874228722]

العربية عاملة 68 كيلو - و هى فى الماشي طبيعية جداااا بس فى مشكلة بتحصل لما اكسر المية العربية بيتتقل و لما اهدى و قف بعدها وهى على الدى مش بتتحرك و مش بكون حاطة رجلى على الفرامل فا دة كدة فعلا يكون فى حاجة فى الفيتس[/QUO
الاخت الكريمه
اهو يا سيدتي جتلك من غير ما تدخلي الموضوع بتاعي
بصي لا ده مش المغناطيس لانه مستحيل ينزل و كون ان العربيه تقيله في السرعات و كمان مابتتحركشي و هي علي ال driver عند بدء الحركه يبقي فعلا في مشكله و العربيه لازم الفتيس ياخد الغيار الاول الاوتوماتيك علشان العربيه تبدا تتحرك اكشفي علي الفتيس و ضروري جدا ماتمشيش بالعربيه الا بعد الكشف

شكرا يا باشمهندس / هاني

أختنا الفاضلة / ياريت تتابعي معانا و تقولي لنا علي نتيجة الكشف و الخطوات التالية أن شاء الله