فيه حل ولا مفيش

[MMohamed2]

السلام عليكم

دلوقتى النترا 2004 فيه هزه جامد فى العربيه خصوصا لما يكون الفتيس ( اوتو ) على d والعربية واقفة فرحت للميكانيكى قالى ان الفتيس فيه خابطه من تحت وصاحب العربيه القديم كان عامل لها ورد سانده على قاعدة الماكنه المهم دلوقتى حلها لازم الفتيس كله يتغير ولا فى حل تانى

[m7mda7md]

واحد صاحبي معاه برايد فيها نفس الموضوع ده و معتقدش ان هو كمان عمل نفس الحوار ف الفتيس عنده......متهيألي في سبب تاني

[koshary]

احسن حل التغيير لان حتى لو اتصلح مش هيقعد فتره طويله ومشكلاتو بتكتر اكتر لان ممكن تزود حاجه تبوظ حاجه تانيه الاوتوماتيك الناس بتفضل تغيره على طول

[mahmoud_afifi]

على حسب ما قريت في المنتدى ان معظم مشاكل الفتيس مابينفعش معاها التصليح أو بيكون حل وقتي وبيرجع تاني. يفضل انه يتغير بفتيس استيراد.
والله أعلم

[Kareem Fawzy]

جرب تشوف البشمهندس هانى بتاع موضوع
واحد من جوه التوكيل وهو هيساعدك ان شاء الله

[Ahmod]

طيب هل الهزة او الرجة اللى بتحصل دي لما بتحصل بيكون ال Rpm على كام ؟

هل بينزل عن النص ؟ ؟ المفروض الطبيعي يكون عند 750 لفة يعني مابين الواحد والنص وقريب للواحد اكتر

ركز كدة مع ال Rpm وشوف الرجة دي ليها علاقة بحركة ال Rpm ولا لاء

وحاول انك تجيب العربية على ال N وبعدين شوف هتلاقي الهزة راحت ؟ ورجت تاني ولا لاء ؟

بعدها رجع العربية على D وشوف هل الرجة بتحصل اول ما ال Rpm ينزل عن النص

ان شاء الله هتكون حاجة بسيطة بس ركز مع موضوع ال Rpm وقولي ايه اللى بيحصل

[MMohamed2]

أنا ممكن يكون قصدى مش واضح الفتيس نفسه مفيهوش مشكله المشكله ال Cover بتاعه متكسر فتقريبا هما عاملين زى خرم فى قاعدة الماكنه والفتيس ساند عليها ولما بجيب على ال N الهزة بتقل ومع المشى بتروح خالص المشكلة لو العربية واقفة والفتيس على ال D كان فيه واحد تانى قالى انى ممكن اغير ال COVER واحط فيه قلب الفتيس زى ماهوه يبقى أرخص شوية ولا ايه .... وشكرا للأهتمام

[Samir Elshahawy]

أنا ممكن يكون قصدى مش واضح الفتيس نفسه مفيهوش مشكله المشكله ال cover بتاعه متكسر فتقريبا هما عاملين زى خرم فى قاعدة الماكنه والفتيس ساند عليها ولما بجيب على ال n الهزة بتقل ومع المشى بتروح خالص المشكلة لو العربية واقفة والفتيس على ال d كان فيه واحد تانى قالى انى ممكن اغير ال cover واحط فيه قلب الفتيس زى ماهوه يبقى أرخص شوية ولا ايه .... وشكرا للأهتمام

علشان كده ياريت كلنا نلتزم بنموذج الاعطال اللي في المواضيع المثبته عند عرض المشكلة كي لايحدث سوء فهم لباقي الاعضاء الذين يحاولون تقديم المساعدة