تقرير تركيب فوج لايت للنيو أكسنت

[Amro_ON]

السلام عليكم

مساء الفن على كل نجوم هيونداي ...أنا بعمل الموضوع ده لان تركيب فوجات النيو اكسنت سهل جدا بس عشان المعلومات متنطوره يمين وشمال ومش واضحه فالموضوع باين انه صعب

أولا بحب اشكر الاخ el_nahal2004 على مساعدته وتعبه معايا ... شكرا يا سحس :)

ثانيا: عشان تركب فوجات بديهي محتاج الاتي (مفتاح في الطبلوه - الفوجات - شبكه مفرغه لمكان الفوجات - الضفيره)

دي أنضف وأحسن طريقه من وجهة نظري لتركيب الفوجات .... في ناس بتسضعيض عن المفتاح وتوصله على النور الصغير وخلاص

بالنسبه للمفتاح موجود في التوكيل ب 105 ج ممكن تجيبه من التوكيل مباشره أو مركز بيع للتوكيل

أنا بالنسبالي كان الاخ ايمن أحمد اشتراه وبعدين كسل او حاجه زي كد وعرضه للبيع على المنتدى وانا استغليت لحظة ضعفه واشتريته منه

نزلت الحرفيين عشان بقيت الحاجه ... لقيت واحد عارض الفانوسين تيواني ب 450 وكنت هشتريهم لولا ستر ربنا وقلت في نفسي اسأل صحابي في المنتدى الاول

سألت عليهم في التوكيل لقيت الفانوس الواحد ب 450 ج كنت عاوز اتلفظ بس قولت بلاش حرقت دم

بعد لف وحورات الناس دلوني على واحد في الحرفيين هو المستور الاساسي لكل قطع غيار هيونداي والباقي بيشتروا منه واسعاره كويسه جدا اسمه العشري

للأسف نسيت اخد الكرت بتاعه مع اني حريص على الموضوع ده .... على العموم انزل انت بس الحرفيين وسأل عن شارع سميرعلي ومليون واحد هيدلك وبعدين انزل الشارع واسئل عن العشري لقطع غيار هيونداي ومليون تانيين هيدلوك برضوا :)

هناك لقيت الفوجات الصيني ب 170 للفنوسيين مع بعض و التيواني ب 240 او 280 مش فاكر قوي سئلت عن الفرق في ايه ... اتقالي انو الصيني "الباغه" اللي بره بتصفر مع الوقت ولو حبيت تركب زينون بعد كده فيه الفانوس هيسيح .... يانهار هيسيح

اشتريتها وهي على فكره من غير لمض ... هتشتري لمض ايطالي رقمها 881 للفوجات في محل جنب العشري علطول مش فاكر اسمه ...العشري اللي دلني عليه ب 70 ج

قلتله ماشي حتلي التيواني ....ملحوظه صغيره ان علبه الفوجات التيواني لقتها علبة كرتون بيج ممسوح وملزوق عليها استيكر الاستيراد وعليها صنع في تيوان وجواها الفوج لايت ملفوف بسفنج ضد الكسر يعني تحس انها فعلا قطعة غيار أصليه مش تجاريه ... أما الصيني مرسوم على الكرتونه العربيه وصور هنا وهناك وكلام كبير وضغير

سألت على الشبكه او الستاره المفرغه في التوكيل اتقلي 250 ج ....لقتها عند العشري ب 120 ج

اتفضل الضفيره ... العشري قلي الفوجات مستوردها من غير الضفيره بتاعتها.... بصراحه أحبطني وخرجت من عنده لفيت الحرفيين حاره حاره ومن محكمه لمحكمه ومن قاضي لقاضي ومحدش عندوا حاجه زي كده لحد اما اتصلت بالاخ النحال وقلي ان فوجات النيو أكسنت بالذات ملهاش ضفيره ... ليه مش عارف ودلني على عشم نواره اروح أركب عنده والتوكيل اكدلي ده برضو ان الفوجات اللى عنده برضوا من غير ضفيره

خت الحجات من عند العشري وانطلقت على شارع دمشق مصر الجديده ومليون واحد هناك هيدللك على عشم نواره

أم حاجه تروحلوا ومعاك الستاره المفرغه بيستمخ أوي من الحركه دي :) ..... الفني هناك كان فاهم جدا وعارف هو بيعمل ايه وبيحاسب جدا في شغله ....الموضوع مفروض ما يخدش نص ساعه لو اشتغل كروته بس قعد عليها حوالي ساعه ونص بدون مبالغه وجاب سلوك وعمل الضفيره يدوي ...التركيب اتكلف 100 ج

يعني الموضوع كله اتكلف حوالي 650 ج في حين كانت هتتكلف في التوكيل مش ققل من 1500 ج .... ممكن تقلل التكلفه لو جبت الفوجات صيني وتوصل على دراع النور الصغير من غير المفتاح

الموضوع ده عملته في ست ساعات تقريبا عشان كنت بسأل وتايه ...بس لو انت مشيت على المعلومات اللي فوق هتاخد معاك بالكتير 3 ساعات

بعد التركيب الفوجات بتفرش حوالي متر او متر ونص قدامك .... بتفدني جدا في الطرق اللي رايح جي ... دا غير شكل العربيه بأ أحلى بكتير لدرجه انني حاسس ان جبت عربيه جديده لدرجة انني بحب ابص للعربيه من قدام

يا رب أكون افدت اللي محتار لسه :) ... أي سؤال انا في الخدمه

[S O P H O S]

موضوع جميل ومجهود تشكر عليه
تقبل مروري

[moh19227]

مبروووووووووك الفوجات الجديده يا ريس

[Omar100]

شكرا لك على التقرير

[koshary]

مبررروك الفوجات الجديده ياباشا وتقرير مميييييز الى الامام دائما ياصديقى

[morg]

الله علييييييك المضوووووع من لاخر بس يريييييت لو تصورلنا شكل الفوج و شكل الزرار :).....شكرا علي المجهود الرائع ده :)

[Kareem Fawzy]

عمور حبيب قلبى
اول حاجة مبرووك على الفوجات وتقرير هايل
بس ياريت تصور للناس شكل علبة الفوجات وشكل المفتاح وهو راكب شكل الفوجات وهى شغالة وصورة كدة ليها وهى راكبه بس الصبح يعنى دلع الناس كدة

تانى حاجة بقا انا مبسوط جداً انى اتعرفت عليك فى مقابلة نيسان ومبسوط جداً انى شوفتك
بس زعلان انى عرفت انك موجود فى اخر المقابلة خالص
بس تتعوض ان شاء الله
احنا هنتقابل يوم الخميس كلنا ان شاء الله
اتمنى انك تكون موجود
ودة رقمى لسهولة التواصل بعد كدة
01110247080

[Ayman-Ahmed]

اخيرا يا عمرو.الف مبروك وكدة تستغل نقطة ضعفى برضه.ماشى ماشى.وعشم نوار فعلا كويس والصنايعية كويسين وهو رخص السعرولا ايه لان كان عاوز يركبهم ب 150 بس كان هيقص فى الشبكة اللى عندى لاننى مكنتش لاقى شبكة.

الف مبروك مرة تانية وربنا يسترها على الجميع.

[kshahin]

مبروك شكلها جميل

[Amro_ON]

موضوع جميل ومجهود تشكر عليه
تقبل مروري

شكرا ياباشا كلك زوق

مبروووووووووك الفوجات الجديده يا ريس

الله يبارك فيك

شكرا لك على التقرير

اي خدمه يا باشا ...شكرا لمرورك الكريم

مبررروك الفوجات الجديده ياباشا وتقرير مميييييز الى الامام دائما ياصديقى

الله يبارك فيك ...بصراحه نفسي ققبلك .... ان شاء الله نتقابل قريب

الله علييييييك المضوووووع من لاخر بس يريييييت لو تصورلنا شكل الفوج و شكل الزرار :).....شكرا علي المجهود الرائع ده :)

بصراحه مكنش عندي وقت امبارح ... بس عشان وعدتك اني هنزله امبارح قلت انزل الموضوع دلوقتي والصور تاني يوم .... دوس يا باشا ... منه لله غبور زي ميكون عاوز ينتقم مننا وخلاص

عمور حبيب قلبى
اول حاجة مبرووك على الفوجات وتقرير هايل
بس ياريت تصور للناس شكل علبة الفوجات وشكل المفتاح وهو راكب شكل الفوجات وهى شغالة وصورة كدة ليها وهى راكبه بس الصبح يعنى دلع الناس كدة

تانى حاجة بقا انا مبسوط جداً انى اتعرفت عليك فى مقابلة نيسان ومبسوط جداً انى شوفتك
بس زعلان انى عرفت انك موجود فى اخر المقابلة خالص
بس تتعوض ان شاء الله
احنا هنتقابل يوم الخميس كلنا ان شاء الله
اتمنى انك تكون موجود
ودة رقمى لسهولة التواصل بعد كدة
01110247080

كريم حبيبي ... كلامك ميه ميه ... ان شاء الله هرفع الصور النهارده
وطبعا يا باشا كان شرف ليا اني قبلتك انت والمهندس سمير ...دا كنت زعلان جدا وبالصدفه البحته بسأل أحمد مصطفى هو مفيش حد جه من هيونداي ولا ايه ... واذ أوفوجأ بيكم :)
ان شاء الله تتعوض ونتقابل على خير

مبروك شكلها جميل

شكرا لذوق ياباشا

[Amro_ON]

اخيرا يا عمرو.الف مبروك وكدة تستغل نقطة ضعفى برضه.ماشى ماشى.وعشم نوار فعلا كويس والصنايعية كويسين وهو رخص السعرولا ايه لان كان عاوز يركبهم ب 150 بس كان هيقص فى الشبكة اللى عندى لاننى مكنتش لاقى شبكة.

الف مبروك مرة تانية وربنا يسترها على الجميع.

أيه رأيك j

انا اشتريته منك من سنه وشويه دلوقتي j ...بس قلت خلاص مبد هاش بأه واستغليت ان بظب كم حاجه كده في العربية وقلت اركب الفوجات بالمرة

فعلا الشغل بتاع عشم نواره كان حلو جدا والسعر مكنتش متوقعه لأن النحال برضوا قلي انو دفع 150 تركيب عندوا .... على العموم مصلحه j

عاوزين نشوفك ياباشا والله وحشتنى موووووووووووت

[Ayman-Ahmed]

أيه رأيك j

انا اشتريته منك من سنه وشويه دلوقتي j ...بس قلت خلاص مبد هاش بأه واستغليت ان بظب كم حاجه كده في العربية وقلت اركب الفوجات بالمرة

فعلا الشغل بتاع عشم نواره كان حلو جدا والسعر مكنتش متوقعه لأن النحال برضوا قلي انو دفع 150 تركيب عندوا .... على العموم مصلحه j

عاوزين نشوفك ياباشا والله وحشتنى موووووووووووت

حبيب قلبى الف مبروك وتؤمرنى انت بس قولى اجى وانا اجى علطول.

[BUNSH]

الف مبرووووك وربنا يباركلك فيها يارب ..
وجزاك الله كل خير .

[koshary]

الله يبارك فيك ...بصراحه نفسي ققبلك .... ان شاء الله نتقابل قريب




ان شاء الله ياباشا نتقابل قريب يزدنى شرف معرفة شخصك الكريم

[el_nahal2004]

الف مبروك ياعمرو
وفعلا شكل العربية اختلف فعلا
وانا نافعنى جدددددددا ومخلين شكل العربية جامد من الامام
ولما ركبتهم قولت ازاى انامركبتهمش من زمااان
ومش معنى عشم نوار خد منك 100
ده واخد منى 150