إعـــــــلان

Collapse

.

,
See more
See less

تقرير مصور و مفصل وبالصور عن صيانة ال40000 الف كم لهيونداى النترا 2007

Collapse
X
 
  • Filter
  • الوقت
  • Show
Clear All
new posts

  • تقرير مصور و مفصل وبالصور عن صيانة ال40000 الف كم لهيونداى النترا 2007



    النهاردة معادنا مع تقرير جديد من تقارير قسم العمالقة
    نجوم هيونداى



    تقرير صيانة ال 40,000 كم لهيونداى النترا 2007

    هو صحيح الصيانة اتأخرت شويتين يعنى عملتها على 46 الف وشوية بس على ما اتوفر معايا كاشات

    وكمان بردو التقرير اتأخر بس دة لظروف خارجة عن ارادتنا

    مبدئياً كدة ومن غير شتيمة
    قطع الغيار اللى اتفكت من العربية دى الفابريكا يعنى راكبة فى العربية بقالها 5 سنين
    وانا عرفت لية ما سدتش مع اشرف

    هههههههههههههههههه


    بداية اليوم كان يوم جمعة طلعت على التوفيقية وبعد لف كتيير قوى
    كنت بلف على قطع الغيار قطعة قطعة

    دخلت على ابراهيم البنا
    واشتريت منه فلتر الهواء اصلى ماركة موبيس ب 50 جنيه



    ودة الفلتر بعد ما فتحته



    واشتريت منه فلتر البنزين ب115 جنيه اصلى Genuine Parts



    ودة الفلتر نفسه بعد ما فتحته من العلبة




    وبعد كدة روحت اشتريت فلتر التكييف من واحد جوا المول اللى على الشمال بس مش فاكر اسم المحل جبت فلتر التكييف ب35 جنيه بس مش اصلى لانى سألت على الاصلى لاقيته ب180 جنيه طبعاً اغلى من فلتر البنزين فمشترتوش
    معلش يا جماعة مصورتش فلتر التكييف

    وجبت من عنده سير المجموعة ب55 جنيه كورى ماركة Domgil
    Made in Korea
    وتقريباً هو هو الاصلى بس جه من غير علبة




    وبعد كدة اشتريت جركن مياة خضراء اسبانى IADA
    ب30 جنيه




    واشتريت 3 كيلو زيت فتيس موبيل الكيلو ب28 جنيه يعنى الاجمالى كان 84 جنيه




    وبعد كدة سألت على البوجيهات لاقيت ان البوجيهات الngk ب55 جنيه
    والاصلى فى التوكيل اللى هى ngk بردو بس عليها Hyundai
    Genuine Parts ب65 جنيه
    ففضلت اشرتيها بصراحة
    لانه بيدينى ضمان عليها لو طلع البوجيه فيه رطوبة ولا حاجة فانا اشتريت ضمان 3 شهور او 5 الاف كيلو ب10 جنيه بس



    بعد كدة طلعت على مركز الخدمة روحت الساعة 3
    بدأنا الشغل فكينا الفبرا اللى على الموتور

    والصور من هنا مش عايز حد يتريق لانى مكنتش متخيل ان العربية بالحالة دى ابداً









    وبعد كدة كانت الصدمة الكبرى وهى فك البوجيهات القديمة
    ودة شكل البوجيه المسكين اللى كان راكب



    طبعاً انا مش متخيل ازاى عربيتى كانت ماشية وعمرها ما عطلت ولا اتأخرت فى الدوارة
    ههههههههه
    اصيلة يا بت

    وبعد كدة فكينا فلتر الهواء القديم



    ودى مقارنة بسيطة بين الفلتر القديم والفلتر الجديد



    طبعاً فرق سماء وارض

    وبعد كدة فكينا فلتر التكييف القديم





    ياعينى عليك يا صدرى من التراب اللى كان بيدخل فيك :))

    وبعد كدة جت اللحظة العصيبة وهى فك طرمبة البنزين علشان الفلتر جوا التنك
    وطبعاً العربية علشان اول مرة حد يمد ايده فيها الطرمبة مكنتش عايزة تتفتح اصلاً



    الفنى مسك شاكوش ومفك ويدق علشان تتفك

    وبعد شغل بتاع نص ساعة مثلاً علشان يقدروا يفكوا الطرمبة
    طلعت في ايديهم



    طبعاً الفلتر بجد انا استغربت هو عامل كدة لية
    الفلتر يا جماعة كان بينزل سائل اسود مش بنزين فيه شوائب بجد حاجة اخر قرف



    واكيد ظاهر الفلتر بالسائل الاسود



    يتبــــــ،،ـــــــــــع

  • #2
    وبعد كدة ركبنا الفلتر الجديد وقفلنا

    وجينا لمرحلة رجلاش فرامل اليد
    وعرفت من الفنى ان الفرامل بتترجلش من الطمبورة مش زى عربيتى زمان من جوا الكابينة من اليد نفسها





    والفتحة اللى الفنى مدخل فيها المفك دى هى الرجلاش بتاع اليد

    وبعد كدة جت مرحلة تغيير زيت الفتيس

    ونزل الفنى فك الطبة من تحت وصفى الزيت كله
    وكانت الصاعقة بقا وهى لون الزيت



    اكيد الزيت اللون الاساسى بتاعه هو الاحمر
    بس المفاجئة ان لونه كان اسود محروق بالمنظر دة

    وبعد كدة حطينا الزيت من فوق عند المقياس بقمع



    وهنا كان المهندس صاحب المركز هو اللى بيحطهولى بصراحة وانا خطفت الصورة دى على غفله منه
    هههههههههههه

    وبعد كدة جت مرحلة تغيير مياة الرادياتير
    واستغربت جداً لما فكينا الكوعه ولاقينا المية نازلة بلونها العادى مفيهاش حاجة
    بس بردو كان لازم تتغير

    معرفتش اصور صور علشان بصراحة المية كانت بتنزل بسرعة جداً وخوفت اتغرق من قوة اندفاعها

    وبعد كدة جت مرحلة تربيط العفشة
    ربط العفشة كلها تمام

    وجيت ادخل جوا العربية يا جماعة لاقيت بصراحة منظر اسعدنى جداً



    وهو نفس نظام التوكيلات ومراكز الخدمة المعتمدة بالظبط
    علشان مفيش اى شحم يجيي على الفرش من ايد الصنايعية

    بعد كدة الموتور اتغسل وبعد ما كان منظره كدة





    بقا شكله كدة





    وبعد كدة دخلنا جوا علشان نشوف هيظهر error فى الفتيس ولا لا
    علشان لو تفكروا المشكلة اللى كانت حصلت معايا فى الفتيس
    وحطناها على الكمبيوتر ساعتها وظهر error
    فكنا حابين نتأكد ياترى الدينا تمام ولا لا
    وحطيناها على الجهاز
    ودة شكل الجهاز





    والحمدلله العربية مسجلتش اى اعطال خالص

    وبعد كدة الواد مسحلى العربية من برا بفوطة زفرة وكانت زى الفل الحقيقة
    وانا خرجت مبسوط
    وجيت ساعت الحساب

    طلعلى فاتورة معتمدة تضمن الصيانة 5000 كم او 3 شهور ايهما اقرب
    وكانت اجمالى التكلفة
    80 جنيه صيانة ال 40,000 كم + 50 جنيه مصنعية تغيير سير مجموعة
    =
    130 جنيه
    وعملى خصم 10%


    يبقى كدة كل المصاريف اللى اتدفعت

    50 جنيه فلتر هواء
    115 جنيه فلتر بنزين
    65 جنيه بوجيهات ngk اصلى
    35 جنيه فلتر تكييف
    55 جنيه سير مجموعة
    30 جنيه جركن مياة 5 لتر ماركة IADA
    84 جنيه 3 كيلو زيت فتيس mobil
    117 جنيه مصنعيات الصيانة

    ----------------------------------------------

    الأجمالى = 551 جنيه

    اتمنى التقرير يكون عجبكم
    ومعلش مقولتش على المكان علشان ميعتبرش دعايا ويتحذف او مخالفة لقوانين المنتدى
    ممكن اللى محتاج العنوان ورقم التليفون يبعتلى على الخاص
    وبلاش يكتب هنا فى الموضوع انه محتاج العنوان
    اى استفسارات تبقى على الخاص يا جماعة بعد ازنكم

    اتمنى يكون التقرير عجبكم يا جماعة
    وانتظروا منى تقرير اخر عن حاجة كدة اشترتها

    واقعدوا بالعافية :))

    Comment


    • #3
      الف مبروك يا كريم وشغل نضيف جدا.
      [marq="3;right;3;scroll"]لا حول ولا قوة الا بالله العلى العظيم
      [/marq]

      Comment


      • #4
        الف مبروك وربنا يحمبها إن شاء الله .
        :36_2_55[1]:

        Comment


        • #5
          مبروك الصيانه

          نصيحتي ليك زيت افتيس لو حتحط موبيل حط aft 320
          او حط فالفولين لان زيت الفتيس بتاعه تخليقي

          فلتر التكييف هات الاصلي
          عشان المضروب مبيكونش كربون وبعد فتره بيغير من ريحه العربيه

          وشكرا

          [SIGPIC][/SIGPIC]

          afrtow سابقاً
          [FONT="Courier New"][SIZE="4"][COLOR="DarkSlateBlue"][B]
          [gdwl] الإمام الشافعي
          إني رأيت وقوف الماء يفسده * * * إن ساح طاب وإن لم يجرِ لم يطبِ
          والأُسد لولا فراق الأرض ما افترست * * *والسهم لولا فراق القوس لم يصبِ
          والشمس لو وقفت في الفلك دائمة * * * لملّها الناس من عربٍ ومن عجمِ[[/gdwl]/B][/COLOR][/SIZE][/FONT]

          Comment


          • #6
            ماشاء الله وعقبال صيانة ال100 الف ياباشا

            بس متنساش العربيه كده تانى دنا صعب عليا شكل البوجيه :)

            والمركز شكله شغل عالى ;)

            Comment


            • #7
              المشاركة الأصلية كتبت بواسطة ayman-ahmed مشاهدة المشاركة
              الف مبروك يا كريم وشغل نضيف جدا.

              الله يبارك فيك يا ايمون
              تسلم يا حبيب قلبى

              Comment


              • #8
                المشاركة الأصلية كتبت بواسطة akmm مشاهدة المشاركة
                الف مبروك وربنا يحمبها إن شاء الله .


                الله يبارك فيك يا باشا
                وميرسى على الدعوة الجميلة دى

                Comment


                • #9
                  المشاركة الأصلية كتبت بواسطة abou-yahia مشاهدة المشاركة
                  مبروك الصيانه

                  نصيحتي ليك زيت افتيس لو حتحط موبيل حط aft 320
                  او حط فالفولين لان زيت الفتيس بتاعه تخليقي

                  فلتر التكييف هات الاصلي
                  عشان المضروب مبيكونش كربون وبعد فتره بيغير من ريحه العربيه

                  وشكرا


                  شكراً يا باشا على النصيحة الغالية دى
                  ربنا يعزك يارب

                  Comment


                  • #10
                    المشاركة الأصلية كتبت بواسطة atyam مشاهدة المشاركة
                    ماشاء الله وعقبال صيانة ال100 الف ياباشا

                    بس متنساش العربيه كده تانى دنا صعب عليا شكل البوجيه :)

                    والمركز شكله شغل عالى ;)

                    هههههههههههههههه
                    الله يبارك فيك يا باشا
                    ان شاء الله هتابعها على طول

                    Comment


                    • #11
                      ياباشا الف مبروك وعقبال الصيانة المليون والعربية تكون بكامل صحتها وعافيتها

                      وربنا يباركلك فيها
                      [CENTER][SIZE=6]SEMSEM KANE سابقا[/SIZE][/CENTER]

                      [img2]http://nileup.com/up/uploads/nilemotors_13635570671.jpg[/img2]

                      Comment


                      • #12
                        مبروك الصيانة عقبال صيانة المليون انشاء الله

                        Comment


                        • #13
                          بسم الله ماشاء الله وربنا يباركلك فيها ,, وعقبال صيانة 100 الف كم على خير ان شاء الله ..
                          وبصرااحة كبووت كان شكلة %$#^@ تحس انوو متفتحش من خمسينيات وبوجيهات (ولاحدث ولاحرج) خارجة متحمصة (الله يكون فى عونها) وليك احلى تقيييم .
                          [CENTER][SIGPIC][/SIGPIC]
                          [SIZE=5][B][COLOR=Black]New[/COLOR][/B][/SIZE] [SIZE=5][COLOR=Red][B][COLOR=DarkRed]Thinking[/COLOR] [/B][/COLOR][/SIZE], [SIZE=5][COLOR=Black][B]New [/B][/COLOR][/SIZE][SIZE=5][COLOR=DarkRed][B]Possibilities[/B][/COLOR][/SIZE][/CENTER]
                          [CENTER][SIZE=5][COLOR=Black][B]I[/B][/COLOR][/SIZE][SIZE=6][COLOR=DarkRed][B] ♥[/B][/COLOR][/SIZE] [SIZE=5][COLOR=Black][B]Elantra[/B][/COLOR][/SIZE][/CENTER]

                          Comment


                          • #14
                            مبروك يا عم كريم و عقبال صيانة الازيرا ان شاء الله :)
                            دى صورة المهندس هانى اللى انتا مصوره دة حبيبى
                            راجل محترم جدا بجد و شخصية محترمة لما قابتله فى التوكيل :)
                            بس غريبة انا عربيتى 2008 و شكل الفبرة اللى على الموتور مش زى عندك يمكن 2007 مختلفة عن 2008
                            و كمان مش عندى العلبة السودة بتاعت البطارية :)
                            حد معاه عربية 2008 او اعلى فيها علبة البطارية دى او فبرة الموتور اللى فى الصورة ؟؟؟؟؟؟؟
                            [aldl]http://iofimages.dmotorworks.com/images/xTiUm_6YOFf8Fgzr1cqPc0Sf53falxQB/0.JPG?WIDTH=640&HEIGHT=480[/aldl]

                            Comment


                            • #15


                              مبررروك ياكريم والله تقرير جميل بس اللى صعبان عليا فى ده كلو ازاى سايب الموتور كدا بالمنظر ده والاصعب اكتر البوجيه

                              شكلو غريب جدا انا بغير بوجيهات كل 10 الاف اهم حاجه الصيانه ياصديقى ليه حق اشرف يعمل فيك كدا هههههه
                              koshary

                              Comment

                              Working...
                              X