النترا md و فيلوستر و لوحات المرور و أنتخابات الرئاسة

[Samir Elshahawy]

الاخوة الكرام / نجوم هيونداي

أسعد الله مسائكم بكل الخير ...

النهاردة جايب لكم حكاية خفيفة من حكاوي السفر بتاعتي

اليوم كنت عائد من مدينة الاسماعيلية بعد زيارة عمل سريعة هناك
الجو كان حار و مشغل التكييف و معايا أحد الزملاء الأعزاء و كنا بنتناقش في أمور البلد و حالها المايل لذا كنت ماشي في حالي و بسرعة لا تزيد عن ال 110 كم/ساعة و أيضا لكي ألتزم بالسرعة الاقتصادية اللي حققت لي النهاردة معدل أستهلاك 6.4 لتر/ 100 كم

المهم ...

بعد أن تخطينا بوابة الأسماعيلية / القاهرة بقليل و أذا بهيونداي فيلوستر تنطلق من علي يميني زي الصاروخ و بعد شوية أنتقل للحارة اللي أنا فيها و أصبح أمامي بمسافة لاتزيد عن 100 متر و أثناء تخطيه لسيارة نقل كانت علي يمينه و فجأة شاهدت نص فردة كاوتش نقل جاية من تحت الفيلوستر و بتطير علي سيارتي العزيزة

طبعا سرعتي كانت تسمح بالمناورة و الطريق في اليمين و الخلف فاضي فقررت أن أنفذ مناورة سريعة بالعربية الألنترا (اللي بيتقال عليها مش ثابتة) و قولت ربنا يستر
- رفعت رجلي من علي البنزين و نقلتها لدواسة الفرامل من غير ما أضغط تحسبا لأي موقف طارئ
- لفيت الطارة يمين لمفاداة نص فردة الكاوتش
- و بعد كده رجعت لحارتي الشمال تاني

العملية كلها ثواني و الحمد لله استجابة العربية كانت سريعة و ممتازة و للمرة الثانية لم أشعر بأي تأثير سلبي لنظام التعليق الخلفي torsion beam اللي عامل قلق و فزع

نيجي بقي للفيلوستر ..
- سرعته نزلت و بدأت المسافة بيني و بينه تقرب
- اللوحة الخلفية أتكسر منها مسمار و أصبحت معلقة علي مسمار واحد و تكاد أنها تسقط علي الارض

فكرت أني أحصله و اشاور له عليها بدل ماتقع و تضييع منه لكن كل ما أقرب منه هو يشد و يجري بدأت ارعش له بالنور العالي ألاقيه بيشد أكثر و صلت لسرعة 140 كم/ ساعة و المسافة بدأت تزيد (أفتكرني عايز اشد معاه - ههههههههههههه) مع أني مش في دماغي

المهم قولت أكثر من كده مش هأزود و بدأت أهدي سرعتي تاني و قولت لصاحبي لو اللوحة وقعت منه هنأخدها و نبقي نسلمها أو نسأل علي صاحبها في المرور و نتصل بيه

و كملنا رحلتنا علي سرعتنا (90 - 110) كم/ ساعة و بدأنا نستكمل حديثنا عن أنتخابات الرياسة و ابو سماعيل و أبو الفتوح و سلامونتي اللي يارب مايكسب

معلش طولت عليكوا .... لأقعدوا بالعافية

[koshary]

بس برضو المناوره مكانتش على سرعه عاليه فى ناس قلبها ميت بتاخد غرز على 200 وعربياتهم بتبقا ثابته مش مقياس نحكم على العربيه بالسرعه القليله دى ........

المهم اللوحه وقعت ولا لا .......

[Samir Elshahawy]

بس برضو المناوره مكانتش على سرعه عاليه فى ناس قلبها ميت بتاخد غرز على 200 وعربياتهم بتبقا ثابته مش مقياس نحكم على العربيه بالسرعه القليله دى ........

المهم اللوحه وقعت ولا لا .......

فيه عربيات أوروبي و ماركات مشهورة أوي و أسم تقيل جدا و العربية أتقلبت في مناورة زي دي و علي سرعة 90 كم/ساعة

الألنترا الجديدة فيه كلام كتير علي موضوع الثبات بتاعها لكن ماحدش عنده دليل ملموس أو حاجة تثبت أو تنفي موضوع عدم الثبات ده و أنا شخصيا شاكك و عندي مخاوف لكن مع الوقت شكوكي و مخاوفي منها بتزول

بالنسبة للنمر لا ماوقعتش ..... أصلها راكبة في عربية هيونداي برضه
ههههههههههه

[mahmoud_afifi]

كلك شهامه يا باشمهندس على نيتك انك تساعد الراجل في موضوع اللوحه وهو كل همه انه يشد وخلاص (بيفكرني بواحد كده مش هقول اسمه بس أكيد عارفينه هههههههههه)

بالمناسبه صحيح.. مفيش مره اقابل حضرتك صدفه على الطريق ده يا باشمهندس ؟
ده طريقي كل يوم ^_^

[koshary]

فيه عربيات أوروبي و ماركات مشهورة أوي و أسم تقيل جدا و العربية أتقلبت في مناورة زي دي و علي سرعة 90 كم/ساعة

الألنترا الجديدة فيه كلام كتير علي موضوع الثبات بتاعها لكن ماحدش عنده دليل ملموس أو حاجة تثبت أو تنفي موضوع عدم الثبات ده و أنا شخصيا شاكك و عندي مخاوف لكن مع الوقت شكوكي و مخاوفي منها بتزول

بالنسبة للنمر لا ماوقعتش ..... أصلها راكبة في عربية هيونداي برضه
ههههههههههه

بصراحة رد مقنع جدا ربنا يحرسهالك يارب ويكفيك شرها

[Samir Elshahawy]

بالمناسبه صحيح.. مفيش مره اقابل حضرتك صدفه على الطريق ده يا باشمهندس ؟
ده طريقي كل يوم ^_^

حتي لو قابلتني .... مش هاتعرف تحصلني

[تامر.محمد]

عاجبني سردك لتجاربك مع العربية يا باشمهندس سمير , شكلي هاحاول اقلدك :))

[mahmoud_afifi]

حتي لو قابلتني .... مش هاتعرف تحصلني

ده لحسن حظ مراية عربية حضرتك ههههههههه

[BUNSH]

الله ينور يابشمهندس سمير (حضرتك طلعت خطر فى سوااقة) وغرز وشد ,, بيتهيألى أنا ووحيد اللى فيكووا اللى بمشى جنب حييييط :d .. وربنا يباركلك فيها يارب.

[AutoTycoon]

يا جماعة فرق سواق

[Ashraf_Ibrahim]

ما دام الحديث عن المناورات فمن حقي اني احكي المناورة بتاعتي السريعة انا كمان
كنت على طريق اسكندرية الصحراوي بزوزو العزيزة :d
الطريق مظلم تماما ونور العربية هو اللي شغال ومن وقت للتاني بقلب عالي اكشف الطريق
متوسط سرعتي 150 تقريبا
ماشي في أقصى الشمال في اخر حارة باعتبار اني الاسرع ومن حقي امتلك الحارة دي
وبصورة مفاجئة لقيت مجموعة من البراميل امامي مباشرة على الحارة اللي انا ماشي بيها وصدفة وانا بقلب نور لقيتهم قدامي
انا قلت مفيش حل اما اني افاديهم او اشيلهم وربنا يتولاني برحمته
قمت مفاديتهم على نفس السرعة بدون ماضغط فرامل ولا اي شيء مطلقا مجرد اني ميلت الدروكسيون سريعا لليمين ورديت للشمال يعني رجعت لنفس الحارة مرة تانية
وبعد ما عديت منهم اان عن نفسي مكنتش مصدق ان دا حصل بالفيرنا على السرعة دي اصلا
هيونداي ليست سيئة مطلقا في السيارات ولكن الفكرة كلها في السواق ليس الا
لو سواق راكب فيرنا هيخليها ملكة على الطريق
ولو واحد مبيعرفش يسوق ركب بوجاتي مش هيعرف يعمل بيها حاجة
وربنا يستر طريقنا جميعا يا رب

[mahmoud_afifi]

ما دام الحديث عن المناورات فمن حقي اني احكي المناورة بتاعتي السريعة انا كمان
كنت على طريق اسكندرية الصحراوي بزوزو العزيزة :d
الطريق مظلم تماما ونور العربية هو اللي شغال ومن وقت للتاني بقلب عالي اكشف الطريق
متوسط سرعتي 150 تقريبا
ماشي في أقصى الشمال في اخر حارة باعتبار اني الاسرع ومن حقي امتلك الحارة دي
وبصورة مفاجئة لقيت مجموعة من البراميل امامي مباشرة على الحارة اللي انا ماشي بيها وصدفة وانا بقلب نور لقيتهم قدامي
انا قلت مفيش حل اما اني افاديهم او اشيلهم وربنا يتولاني برحمته
قمت مفاديتهم على نفس السرعة بدون ماضغط فرامل ولا اي شيء مطلقا مجرد اني ميلت الدروكسيون سريعا لليمين ورديت للشمال يعني رجعت لنفس الحارة مرة تانية
وبعد ما عديت منهم اان عن نفسي مكنتش مصدق ان دا حصل بالفيرنا على السرعة دي اصلا
هيونداي ليست سيئة مطلقا في السيارات ولكن الفكرة كلها في السواق ليس الا
لو سواق راكب فيرنا هيخليها ملكة على الطريق
ولو واحد مبيعرفش يسوق ركب بوجاتي مش هيعرف يعمل بيها حاجة
وربنا يستر طريقنا جميعا يا رب

انت أصبت نقطه خطيره. ان هيونداي تقريبا مفيهاش اي نوع من انواع التكنولوجيا المتطوره الي في العربيات التانيه بس فيها الbasics مع شوية مهارات من السائق تخليها حاجه تانيه احسن بكتير.
انا بحس ان سواقين الهيونداي هما الاكتر مهاره :d
معلش يعني يابتوع الاقسام التانيه مش حتى دي هتاخدوها مننا هههههه

[moh19227]

اولا حمدلله ع السلامة يا ريس

و فجأة شاهدت نص فردة كاوتش نقل جاية من تحت الفيلوستر و بتطير علي سيارتي العزيزة

انا مش فاهم ايه اللي حصل بالظبط ؟؟
يعني كاوتش مقطوع ع الطريق ولا الاستبن بتاع النقل وقع ولا ايه ؟

بس برضو المناوره مكانتش على سرعه عاليه فى ناس قلبها ميت بتاخد غرز على 200 وعربياتهم بتبقا ثابته مش مقياس نحكم على العربيه بالسرعه القليله دى ........

المهم اللوحه وقعت ولا لا .......

عربيات زي ايه اللي بتاخد غرز علي 200 !!

[S O P H O S]

هو عاوز الناس تشد معاه وخلاص ههههه

[Ashraf_Ibrahim]

انت أصبت نقطه خطيره. ان هيونداي تقريبا مفيهاش اي نوع من انواع التكنولوجيا المتطوره الي في العربيات التانيه بس فيها الbasics مع شوية مهارات من السائق تخليها حاجه تانيه احسن بكتير.
انا بحس ان سواقين الهيونداي هما الاكتر مهاره :d
معلش يعني يابتوع الاقسام التانيه مش حتى دي هتاخدوها مننا هههههه

ايوة ارفع معنوياتنا كدة
بالفعل اللي يعرف يتعامل مع هيونداي بما فيها ويتكيف معاها ويطلع أفضل ما فيها لازم يكون سواق طبعا امال ايه :D
سواق سواق يعني مش اي كلام :lol: