ضرورى كيفية تنظيف الرشاشات قبل تغيير البوجيهات

[muslim_nsb]

ناوى ان شاء الله اغير بوجيهات السيارة النترا 2005 وهيا عامله 105 الف كيلو
من فتره قرأت موضوع عن تنظيف الرشاشات وبعدها تغير البوجيهات
ياريت لو حد يقدر يفيدنا في الموضوع
وهل هو اسبري يرش على الرشاشات مباشرتا
ولا ماده توضع مع البنزين
برجاء الرد ضروري بسرعه

[koshary]

فى اسبراى ب 25 جنيه فى التوفيقيه بيتباع للرشاشات هى علبه برتقالى فى اسود بس ممتازه عن تجربه مش فاكر اسمها بصراحه

[muslim_nsb]

فى اسبراى ب 25 جنيه فى التوفيقيه بيتباع للرشاشات هى علبه برتقالى فى اسود بس ممتازه عن تجربه مش فاكر اسمها بصراحه

الف شكر على رد حضرتك السريع ياريت ذكر طريقة عمل الأسبراي

[moh19227]

منظفات دورة البنزين وبتتباع في محطات البنزين وموجوده في اون ذا رن
وتمنها من 20 / 80 جنيه تقريبا
وبتتضاف علي تفويله كامله

http://www.nilemotors.net/Nile/180488-a.html

[S O P H O S]

متابع

[Amr Axel]

بص يا باشا فيه طريقتين لتنظيف الانجيكشن او الرشاشات يعني اما بجهاز الموجات و ديه تكلفته في حدود 150-200 جنيه ياما الطريقة اللي بيستخدمها اغلبنا و ناجحة الحمد الله و هي استخدام منظف انجيكشن
بيتحط ع حوالي نص - تلت اربع التانك يعني حوالي 30 لتر و تحرق طول ما انت ماشي ع الغيارات بس مش بشكل مبالغ يعني مثلا لو التاني عندك بتنقل ع 40 لأ خليها 45-50 عشان الحرق بيخلي البنزين و المنظف يندفع بقوة فينظف الرشاشات و مع الوقت هتلاقي العربية فاقت اكتر من الاول و بتجيب ار بي ام اعلي اسرع من الاخر السحب و الاستهلاك هيتحسن بشكل ملحوظ هتعرف ان المنظف بيقوم بوظيفته و طبعا تخلص التفويلة ديه بسرعة في نفس اليوم او تاني يوم بالكتيير و قبل ما مؤشر البنزين يوصل لأخر شرطة تمون تاني و هكذا لحد مايخف تركيز المادة و يختفي
مع العلم ان العلبة استخدام مرة واحدة بتحطها كلها بالنسبة الستب الامريكي و برده هتقرأ التعليمات لو جبته او جيبت انواع تانية عشان تتأكد

و لكن تعمل حسابك لو هتستخدم المنظف يكون بعدها هتغير زيت الموتور و الفلتر لأن كل ده بينزل في الزيت و الزيت بيجمعوا
تغير البوجيهات لو قديمة او تشيلها تنضفها من اللي هيجي عليها
تنضف فلتر البنزين او تغيره ع حسب اي طريقة بتتبع
و تنضف فلتر الهوا و ممكن تنضف البوابة بمنظف كربراتير برده هتلاقي فرق في السحب اكتر

بالنسبة منظف الانجيكشن فيه كذا نوع زي ستب امريكيstp او ليكوي مولي و مش فاكر الحقيقة باقي الأنواع دلوقتي
الأول في حدود 25 ج و الثاني في حدود 35 ج مجربتش التاني لكن الجميع بيشكر اما الأول فعن تجربة بسم الله ما شاء الله العربية فرقت جامد بعدها و عايز تجيب جيب من سمايل في بنزينة وطنية اما ليكوي مولي فمن الموزعين

و اي استفسار اتفضل

بالتوفيق ان شاء الله

[CalvinKlein]

ناوى ان شاء الله اغير بوجيهات السيارة النترا 2005 وهيا عامله 105 الف كيلو
من فتره قرأت موضوع عن تنظيف الرشاشات وبعدها تغير البوجيهات
ياريت لو حد يقدر يفيدنا في الموضوع
وهل هو اسبري يرش على الرشاشات مباشرتا
ولا ماده توضع مع البنزين
برجاء الرد ضروري بسرعه

طريقة تنظيفها بال wd-40 اسهل و اسرع طريقة و طريقة فعالة فعلا و تنظف معاها الدورة كاملة و تدور العربية هتلاقى البنزين مع الwd-40 بيطلع دخان ابيض لمدة دقيقتان من الشكمان و بعد كدة هترجع لطبيعتها بدون اى تاثير على المحرك.

[ahmed_h_g]

بجهاز الألتراسونيك هتكلفك حوالي 100ج

http://www.nilemotors.net/Nile/113616-a.html

[mailo]

ياجماعة كل منظف ليه طريقة استعماله مكتوبة عليه

[muslim_nsb]

طريقة تنظيفها بال wd-40 اسهل و اسرع طريقة و طريقة فعالة فعلا و تنظف معاها الدورة كاملة و تدور العربية هتلاقى البنزين مع الwd-40 بيطلع دخان ابيض لمدة دقيقتان من الشكمان و بعد كدة هترجع لطبيعتها بدون اى تاثير على المحرك.

ياريت شرح طريقة التنظيف من خلال wd-40 حتى يستفيد الكل