ماتريكس 2010

[elshatlawyt]

ممكن أعرف تقييم حضراتكم للسيارة الماتريكس بوجة عام ولسيارتى الماتركس بوجة خاص

هية موديل 2010 الشكل الجديد لسة شاريها أمبارح وعاملة 40000 كيلو ويصراحة أنا خبرتى بسيطة شوية فى موضوع العربيات دة فممكن أعرف أية الصيانات اللى لازم تتعمل

أسف للتطويل وشكرا جزيلا

[M.Al-Hefnawy]

الماتركس من العربيات الكويسة جدا وقطع غيارها برده معقوله في السعر وأدائها حلو.

الحاجة الوحيدة اللي سمعتها عنها ان في صوت زنة داخل المقصورة نظراً لقصر حجم الحوض وليها حل بيتم عزل ما لأجزاء في العربية من الامام وبتروح الزنة.

ربنا يباركلك فيها ويكفيك شرها

[koshary]

اول حاجه لازم تدبحلها ياكبير وتانى حاجه بحبها جدا لما اشترى عربيه مع اى حد بطلع على كار كير محترم تغسل العربيه

كلها وترجع بيها بيتك ملك هتحس بزهوتها وخصوصا اول ركوبه خاصه بيك ومع العيله لازم تكون العربيه كأنها عروووسه

هههههههههههههه ...........

الماتريكس عربيه جميله جدا وعائليه اوى وقطع غيارها متوسطه فى المتناول يعنى .....

مبدأيا الصيانات قريب هتحتاج تغير كاوتش تبص على حالتو علشان تطمن لانها خلاص بقت عربيتك متعرفش اللى قابلك

كان بيمشى ازاى والكاوتشات فيها ايه تاخد بالك من النقطه دى لان العربيه بقالها 40 الف فهتحتاج قريب تغير كاوتش

.....

والسيور وفلاتر والرشاشات تتنضف وتروح لعفشجى يظبطلك العفشه ويربطها ويقولك حالة المقصات ايه والسوست

والمساعدين من الاخر اعرف من كل صنايعى تروحولو حالة الشغل بتاعو ايه وهيحتاج يتغير ولا لا لان دى عربيتك ولازم

تبقى فاهم كل حاجه فيها .....

واخيرا ربنا يديك خيرها ويكفيك شرها ويباركلك فيها يااااارب .........

[banboty]

قول لنا مواصفاتها و جبتها بكام

[Screenplays]

اطلع علي التوكيل و اعمل صيانه ال 40 الف لو معملتهاش

[S O P H O S]

الف مبروك
دوام الصيانة خصوصا او ل ما تيجي تركبها علشان تتطمن
وهي جميلة ما شاء الله

[exact]

يعني ايه ندبح لها دي؟؟

[Screenplays]

الراجل قصده تدبحلها خروف يعني عشان ربنا يحميها من الحسد

[Mohab555]

الماتركس عربيه من احسن عربيات الى هيونداى نزلتها عن تجربه
واهم حاجه تعملها صيانة ال 40000 الف علشان تنساها و بعدين تواظب على الصيانات

تانى حاجة ودى لازم غير الكاوتش بنوع كويس زى البردجستون او الميشلان لان خلاص الكاوتش عندك ماشى 40000 يعنى عمره انتهى ومتجبش بريلى زى الى كان فها علشان ناشف .

اطلع على كار كير و اغسلها و ظبطتها واغسل الموتور كويس علشان العربية تنور معاك .

وفى النهايه ربنا يباركلك فيها ويكفيك شرها .

[elshatlawyt]

ألف شكر على الردود الجميلة والمحترمة وبالنسبة لمواصفاتها هية عاملة 42000 كيلو والعربية فابريكة برة وجوة بس لونها يعنى هوة اللى مش عاجبنى شوية هما بيقولوا علية أزرق بيبسى هاهاها أنا خايف أحسن اللون يفور فى وشى لو أخزت مطب جامد ولا حاجة

ومشكورييين يا شباب على المشاركة المحترمة

[koshary]

ألف شكر على الردود الجميلة والمحترمة وبالنسبة لمواصفاتها هية عاملة 42000 كيلو والعربية فابريكة برة وجوة بس لونها يعنى هوة اللى مش عاجبنى شوية هما بيقولوا علية أزرق بيبسى هاهاها أنا خايف أحسن اللون يفور فى وشى لو أخزت مطب جامد ولا حاجة

ومشكورييين يا شباب على المشاركة المحترمة

على ايه ياباشا احنا كلنا اخوات بس ابقى طمنا عليك دايما وقولنا عملت ايه وتنور فى وسط اخواتك بيتك ومكانك

[me_medoo]

الماتريكس عربية ممتازة جداً. انا كانت معايه في سنة ٢٠٠٦ عربية تحفة بس كان عندي كام اعنراض عليها. كنت بسمع صوت تكتكه كده في المتور. ولمن رحت التوكيل. قلي المهندس الي هناك لا الصوت ده عادي لان فيها نظام جديد لسه مخترعينو اسمو كوس توبنات وهيا دي الي بتعمل صوت. التك تكه
كمان كان عندي شكوى في العجل الخلفي. قعدت فترة اسمع منو صوت ولمن كنت في الضمان قالولي لا الصوت ده عادي وبعد ما طلعت من الضمان قالولي لا مش عادي. ده رمان بلي ولو كنت في الضمان كنا غيرناهولك هههههه
بس بصفة عامة هيا عربية ممتازة جداً في سواقتها. ورائعة انا فاكر اول ما اشتريتها فكرتني بالعربيات الدودج الامريكي الفان
بس وفي عيب تالت كمان فيها لقيتو في الملفات متقدرش تلف غير وانتا على سرعة ٨٠
واكره حاجة لمن ابتدود يدققو على الاكصدامات الاستانليس والعتب الاستانليس في المرور وخلوني اشيلو رغم اني دافع فيه ٢٢٠٠ جنيه من عند عشم نور في شارع دمشق كان مخلي شكل العربية تحفة. مع الاسبويلر الخلفي وكنت مفيم القزاز الخلفي

[Screenplays]

ألف شكر على الردود الجميلة والمحترمة وبالنسبة لمواصفاتها هية عاملة 42000 كيلو والعربية فابريكة برة وجوة بس لونها يعنى هوة اللى مش عاجبنى شوية هما بيقولوا علية أزرق بيبسى هاهاها أنا خايف أحسن اللون يفور فى وشى لو أخزت مطب جامد ولا حاجة

ومشكورييين يا شباب على المشاركة المحترمة

ههههههههههههه البيبسي لونه اسود

[koshary]

ههههههههههههه البيبسي لونه اسود

يمكن قصده على لون العلبه

[elshatlawyt]

ممكن مساعدة فى الحصول على كتالوج هيونداى ماتريكس 2010 أوتو ولكم جزيل الشكلا