مساعدين هيونداى نيو اكسنت

[Speed_1747]

انا حاسس ان المساعدين عندى شوربهههه ... الامامى طبعا
اى مطب باخده او نقره المساعد بينضغط لاخرة و العربيه بتتمرجح فى الهوا و بتبقا ولا مراجيح المولد

السؤال بئا ... منين اجيب جوز مساعدين و سوست هونداى نيو اكسنت اصلى و اتكو ع الاصلى دى ... او لو ممكن اجيب مساعدين مونرو غاز و هوا ... و الاسعااااااار يا جماعه من فضلكو مهم بس عشان اعمل حسابى لانى مئشفر اليومين دول .

و هو عادى اركب قدام مونرو و اسيب الخلفى ستوك زى ما هما ولا لازم اغيرهم ؟

و كمان جلب المقصات تتكلف كام شراء و مصنعيه و كده عشان المزيكه اللى طالعالى منها دى .

العربيه هيونداى نيو اكسنت 2007
ماشيه 71500 كم

:) و اسف ع الاطاله يا نجوم هيوننداى

[koshary]

ابراهيم البنا فى التوفيقيه عندو الحاجات الاصلى انا هنزل يوم الاثنين ان شاء الله هشترى تيل فرامل من عندو للاكسيل وهسأل لحضرتك على الحاجات دى

[megaman]

بص يا باشا الاصلى الواحد ب635 من عند موزعين غبور الكورى عند جورح سليمان التوفيقيه 450 المونرو الله اعلم ولما تركب يا ريت تعرفنا عملت ايه شكرا

[mazeen]

السلام عليكم
لازم نتفق فى الاول ان 2006و2007 عفشتهم ناشفه جداً ودايماً تحس ان فى حاجه بايظه فى العفشه علشان كده لازم تكشف عليها الاول وتعرف اذا كان فيه حاجه محتاجه تغير و لا لأ لأن انا كان معايا 2007 لمده 4.5 سنين ومن الزيرو وكنت بحس بالكلام اللى انت بتقول عليه وكنت كل ما أكشف الاقى كل حاجه فى العربيه تمام
لكن لما غيرت ل 2010 حسيت بفرق
........عموماً لو عايز تغير المساعدين امامك كذا حل زى الاستاذ megamam ما قالك
1- الأصلى 650 جم الطقم
2-ماندو 450 جم هو هو الاصلى (واحد صاحبى غير المساعدين الخلفى الاصلى طلع مكتوب عليهم ماندو )
3-k y p يابانى 500 أ و 600 لو لقيتهم
4- مونورو ماعرفش سعرهم
5-المفاجأ ه --------- المساعدين الخلفى للـــ b m w الدبانه 600 ج م المانى
وأسف للأطاله

[حماده المصري]

السلام عليكم
لازم نتفق فى الاول ان 2006و2007 عفشتهم ناشفه جداً ودايماً تحس ان فى حاجه بايظه فى العفشه علشان كده لازم تكشف عليها الاول وتعرف اذا كان فيه حاجه محتاجه تغير و لا لأ لأن انا كان معايا 2007 لمده 4.5 سنين ومن الزيرو وكنت بحس بالكلام اللى انت بتقول عليه وكنت كل ما أكشف الاقى كل حاجه فى العربيه تمام
لكن لما غيرت ل 2010 حسيت بفرق
........عموماً لو عايز تغير المساعدين امامك كذا حل زى الاستاذ megamam ما قالك
1- الأصلى 650 جم الطقم
2-ماندو 450 جم هو هو الاصلى (واحد صاحبى غير المساعدين الخلفى الاصلى طلع مكتوب عليهم ماندو )
3-k y p يابانى 500 أ و 600 لو لقيتهم
4- مونورو ماعرفش سعرهم
5-المفاجأ ه --------- المساعدين الخلفى للـــ b m w الدبانه 600 ج م المانى
وأسف للأطاله

الماندو ده شركه المساعدين الي بتنزل ل هيونداي كلها ف هتلاقي 3 انواع ماندو

ماندو الاصلي مختوم عليه كل حاجه شركه ماندو وعلامه هيونداي والعلامه المائيه للاصلي

ماندو موبيس(شركه موبيس دي شركه قطع غيار اصلي برضو لهيونداي بس معليهاش ضمان لانها مش جينين بارتس ومش من غبور بس اصلي برضو) ودي هتلاقي عليها علامه مائيه لموبيس ومختوم عليها ماندو تقريبا مش مختوم عليها هيونداي

والماندو العادي اللي في السوق طبعا الاسعار في التدريج من اغلي لارخص


الله اعلم بالناس الي في التوفيقيه ايه

بس ممكن تروح شارع دمشق كل حاجه موجوده هناك وبنصف اسعار التوكيل فعلا

المقص والمساعد الواحد في التوكيل فوق ال 500 للقطعه الواحده

شارع دمشق هتلاقي فيه الحاجات دي مثلا الاتنين ب 500 او اسعار مقاربه


ممكن برضو في دمشق او اي حته تانيه تجيب المقص موبيس وده اصلي برضو ومتقلقش منه

[Speed_1747]

جزاكم الله خيرا

انا فعلا حاسس ان العفشه ناشفه جدااااااا .. بس ده مدينى ثبات رائع بصراحه و مش عاوز اخسر الثبات عشان النعومه .
المهم انا بسمع صوت طقه كده خفيفه اوى لما بطلع مطب صانعى كده ... قالولى دى جلب مقصات ... ايه رايكو اروح لخراط و اغير الجلب و لا اغير المقص كله .

و شكرا جدا ليكم بس لو تدونى عنوان واحد معين بيبيع الحاجات الاصليه و يكون مضمون عشان ميتضحكش عليا و اخد حاجه مضروبه .

و اسف غ الازعاج يا نجوم :)

شكرا Koshary . Megaman . mazeen . حماده المصرى

[mazeen]

لو الجلب بايظه ممكن تغيرها بجلب جديده بس يفضل الجلب الاصلى

[حماده المصري]

مفيش حاجه اسمها قالولك في حاجه اسمها كشف

والطقه دي لو بتطلع من الجنبين تبقى حاجه في الجنبين جلب بيض تيش بارات اي حاجه من دول ويفضل التغير الكامل للمقص مش الجلب لان كمان في جلب في المقص مش بتتغير لازم المقص كله يتغير

وكمان عموما في النيو اكسنت صوت علبه الدرسكون مسموع شويه ف ممكن تبقى منها

وممكن تبقى البطاحات لازم برضو يتبص عليها


عموما العفشه معظم اعراضها زي بعض ما عدى المساعدين ترزيع جامد اوي في المطبات غير المعتاد

دلوقتي في شارع دمشق في واحد الناحيه التانيه قصاد فرع التوكيل هناك اسمه محمد عاصم او عاصم ده عنده الاصلي ولو مش الاصلي هيقولك مش اصلي وبرضو نافع الي في شارع دمشق عنده الاصلي وبرضو هيوقلك لو معندوش الاصلي

بالنسبه للتوفيقيه معرفش اي حد هناك عمري ما اتعاملت من هناك

[osama0512]

السلام عليكم
لازم نتفق فى الاول ان 2006و2007 عفشتهم ناشفه جداً ودايماً تحس ان فى حاجه بايظه فى العفشه علشان كده لازم تكشف عليها الاول وتعرف اذا كان فيه حاجه محتاجه تغير و لا لأ لأن انا كان معايا 2007 لمده 4.5 سنين ومن الزيرو وكنت بحس بالكلام اللى انت بتقول عليه وكنت كل ما أكشف الاقى كل حاجه فى العربيه تمام
لكن لما غيرت ل 2010 حسيت بفرق
........عموماً لو عايز تغير المساعدين امامك كذا حل زى الاستاذ megamam ما قالك
1- الأصلى 650 جم الطقم
2-ماندو 450 جم هو هو الاصلى (واحد صاحبى غير المساعدين الخلفى الاصلى طلع مكتوب عليهم ماندو )
3-k y p يابانى 500 أ و 600 لو لقيتهم
4- مونورو ماعرفش سعرهم
5-المفاجأ ه --------- المساعدين الخلفى للـــ b m w الدبانه 600 ج م المانى
وأسف للأطاله

سلام عليكم

المعلومه المفاجأه دى بتاعه ال bmw ... حد جربها ؟ انا مش لاقى مساعدين كورى مفيش غير الاصلى و الجوز ب 1700 جنيه .. كتير أوى

[Magoda]

بس لو هتجيب مساعدين خلفى هاتهم مونرو غاز على زيت